Расмий муносабат

Жорий йилнинг 15 ноябрь куни ижтимоий тармоқ орқали тумандаги Ободон қишлоғида тутзорлар ташкил этилиши лозим бўлган ер майдонида бугунги кунда бегона ўтлар босган ҳолда тургани, тут кўчатлари ўтқазилмаганилиги акс этган видео мурожаат эълон қилинди.

Ушбу ҳолат юзасидан Денов тумани ҳокимлиги қуйидагиларни маълум қилади.

Денов тумани ҳокимининг 2020 йил 24 июлдаги №-608-сонли қарорига асосан, туман ҳудудларидан қишлоқ хўжалигида фойдаланиб келинаётган унумдор ер майдонидан “DENOV-AGRO-PILLA” МЧЖга тутзор барпо этиш учун 366.54 гектар ер майдони ажратилган. Шундан 347.49 гектар ер майдони сувли ер ҳисобланиб, 19.05 гектари ариқ ва йўлларни ташкил этади.

Ушбу ажратилган ер майдонидан 191 гектар ерга тутзорлар барпо этилган бўлса, қолган 157 гектар ерга тут кўчатлари экилмаган ҳолати аниқланди. Шунингдек, “DENOV-AGRO-PILLA” МЧЖ томонидан 191 гектар ер майдонига барпо этилган тут кўчатлар қатор орасининг кенглиги 6 метрдан 9 метргача кенгликда экилган. Аммо, ажратилган майдонда тутчилик бўйича ўқув қўлланмалардаги тавсияларга асосан, бута (тут плантация) тутзорни ташкил қилиш учун қатор оралиғи 4 метр кенгликда сўнг, бута кўчат оралиғи 50 сантиметр масофа оралиғида кўчатлар экилганда 1 гектар ер майдонга ўртача 5000 дона тут ниҳоллари экилиши мумкинлиги бўйича ишчи гуруҳ томонидан тавсия берилди.

Денов тумани ҳокимлиги 
Ахборот хизмати