Расмий муносабат 

2022 йил 11 июн куни телеграмм ижтимоий тармоғида “Muxbir Daliyev” каналида эълон қилинган “Зоир ака (Тошкент вилояти ҳокими) шу ердан ҳар куни юряпсизми? Сизни даврингизда текис бўлиб қолсин. Шу баҳонада халқ ҳам мазза қилиб олади” сарлавхаси остидаги видео юзасидан

РАСМИЙ МУНОСАБАТ

          Ўртачирчиқ туман йўллардан фойдаланиш унитар корхонаси шуни маълум қиладики юқоридаги видео 2022 йил 11 июн куни Нурафшон шахридан ўтган умумий фойдаланишдаги Давлат ахамиятига эга 4Р 20 Қорасув – Бўка – Бекобод автмобил йўлининг 4 кмда тасвирга олинган.

         Ушбу автомобил йўлидаги носозлик 2022 йилнинг июн ойида пайдо бўлган бўлиб ушбу носозликга асосий сабаб Нурафшон шахри худудидан ўтган 4Р 2 Тошкент – Нурафшон автомобил йўлининг таъмирлаш учун харакат чекланганлиги ва буни натижасида 4Р 20 Қорасув – Бўка – Бекобод автомобил йўлида харакат жадаллиги кескин ортганлиги ва оғир юк автомашиналари шу автомобил йўли орқали харакатланаётганлиги сабаб бўлмоқда.

       Ушбу автомобил йўлидаги носозликларни бартараф этиш учун Ўртачирчиқ туман йўллардан фойдаланиш унитар корхонаси томонидан зудлик билан керакли чоралар кўрилаётганлиги хамда автомобил йўлининг таъмирталаб қисмига 1.23 “таъмирлаш ишлари олиб борилмоқда” ва 1.16 “нотекис йўл” йўл белгилари ўрнатилган хамда автомобил йўлини таъмирлаш ишлари олиб борилмоқда.

       Таъмирлаш ишлари доирасида ушбу ишларни амалга ошириш учун Ўртачирчиқ туман йўллардан фойдаланиш унитар корхонасининг куч ва воситалари яни 1 та экскаватор, 2 та ўзиағдаргич, 1 та каток, 1 та автокран ва 26 нафар йўл ишчилари жалб қилинган ва ушбу таъмирлаш ишлари тез орада якунланишини хамда хайдовчи ва йўловчиларни харакат хавфсизлиги таъминланишини маълум қиламиз.

@Nurafshonpressa