Расмий муносабат

Интернет ижтимоий тармоқларида тарқалган видеотасвир юзасидан муносабат. 2021 йил 27 июнь куни Дехқонобод тумани ИИБ ЙҲХБ ЙҲХГ ЙПХ инспектори кичик сержант А.Т Дехқонобод тумани ИИБ бошлиғи номига билдирги билан мурожаат қилиб, яшаш уйи Қарши тумани Кожор МФЙга кетган. Кичик сержант А.Т яшаш уйига бораётган вақтида, Қарши тумани “Ертепа” чоррахасидан, “Нексия” русумли 70 О 967 ОА давлат рақам белгили автомашина қизил чироққа ҳаракатланиб, ўнга бурилиб, кичик сержант А.Тнинг йўлига чиқиб кетган. Ушбу йўналишда хизматга жалб қилинган Қарши тумани ИИБ ЙҲХБ ЙҲХГ ЙПХ инспектори кичик сержант Б.Б ушбу автомашинани тўхтатган ва ҳайдовчига ўзини тантиштириб ҳужжатларини кўздан кечириш жараёнида кичик сержант А.Т уларнинг мулоқатига аралашган. Кичик сержант А.Т хизматдан ташқари вақтда бўлганлиги ва у келиб ҳайдовчига қизил чироқдан ҳаракатланганлиги ва авария ҳолатини келтирганлигини билдирган. Шундан сўнг кичик сержант Б.Б ҳайдовчи Х.О.га содир этган қоидабузарлигини тушунтириб унга нисбатан маъмурий баённома тузган ва ҳайдовчи Х.О содир этган қоидабузарлиги юзасидан танишиб бармоқ изини босиб тасдиқлаган. Шу вақтда кичик сержант А.Т фуқаро Х.О.га нисбатан носамимий муносабатда бўлганлиги аниқланган. Мазкур ҳолат юзасидан Дехқонобод тумани ИИБ масъул ходимлари томонидан хизмат текширув ўтказилмоқда.

Қашқадарё вилоят ИИБ Ахборот хизмати.