Расмий муносабат
Бугун ижтимоий тармоқларда бухоролик аёл фарзандини дунёга келтириш вақтида вафот этгани айтилган видео тарқалди. Мурожаатда эркак мазкур воқеага тиббиёт ходимларининг эътиборсизлигини сабаб қилиб кўрсатмоқда.
Бухоро вилояти соғлиқни сақлаш бошқармаси жараёнга қуйидагича муносабат билдиради.
Марҳума Очилова Зайнаббону Ҳамрожон қизи 1992 йилда Қоракўл туманида туғилган.
12 декабр 2024 йил соат 21:50 да РИО ва БСИАТМ ДМ Бухоро филиалига(Перинатал марказ) қабул қилинган. Ўшанда кучли шамоллаш аломатлари: йўтал, тана ҳароратининг 38*С гача кўтарилиши, қоғоноқ сувларининг кетиши, умумий ҳолсизлик ҳолатида бўлган.
Бемрорда ушбу ҳомиладорлик камқонлик фонида кечган. Ҳомиладорликнинг 14 ҳафталик муддатида (14.06.2024й) жигар эхинококи ташхиси билан оператив даволанган.
Керакли барча клиник лаборатор, инструментал текширувлар ўтказилган. Керакли мутахасислар (пульмонолог, терапевт) консультацияси ўтказилган. Рентгенография: ўнг томонлама бронхопневмония.
Ташхис: Ҳомиладорлик IV 40,3 ҳафта Туғруқ III. ЎРИ. Трахеобронхит. Асоратланган гинекологик анамнези: (мед аборт). Эхинококкэктомия операциясидан кейинги ҳолат. Анемия ўрта даражаси.
Консилиум асосида стандартларга кўра керакли даво буюрилган, кузатув давом эттирилган. Аёлда туғруқ Миллий стандарт асосида олиб борилган, оператив туғруққа кўрсатма бўлмаган.
13.12.2024 йил соат 7:00да тана ҳароратининг 38*Сгача кўтарилиши кузатилган. Таблетка парацетамол берилган. Келишилган шифокорлар консилиумидан кейин тор мутахасислар пулмонолог ва жаррох шифокор кўруви ташкил қилинган.
13.12.2024 йил соат 12:30да мунтазам туғруқ дардлари бошланган. Қин орқали кўрувда бачадон бўйни очиқлиги 5см. Туғруқнинг 1 даври партограмма асосида олиб борилган.
13.12.2024й соат 14:25да жадаллашган туғруқ содир бўлган. Чақалоқ қиз жинсли вазни 4100,0гр бўйи 53 см, Апгар шкаласи бўйича 7-8 балда туғилган. Туғруқнинг 3-даврини актив олиб бориш мақсадида Окситоцин 10 ЕД м/ога қилинган. 3 дақиқадан сўнг плацента тўлиқ ажралиб чиққандан сўнг, бир вақтда 250мл қон кетган, бачадон гипотонияси кузатилган. Шу пайтнинг ўзида аёл ахволи бирдан ёмонлашиб нафас етишмовчилиги белгилари кузатилган. Тери қопламлари рангпар тусга кириб, цианоз пайдо бўлган. АҚБ 60/30 мм.сим.уст, пульс 140 тадан ортиқ, брадипноэ аниқланган. Зудлик билан реаниматологлар ва керакли мутахасислар чақирилган.
Ташхис: Жадаллашган туғруқ. Туғруқдан кейинги эрта давр, Қоғоноқ сувлари эмболияси яшин тезлигида кечиши. Кардиопульмонал шок, Ўткир ДВС синром, Ўпка шиши.
Бемор кўрсатма асосида сунъий нафас аппаратига уланган ва интенсив реанимацион чора-тадбирлар бошланган. Беморда кардиомониторда юрак фибриляцияси аниқланган. Юрак фаолиятини тиклаш ва фибриляцияни олдини олиш мақсадида Адреналин, Атропин, Солумедрол, Норепайн, Дофамин препаратлари қилинган. Пульс периферияда аниқланмаган. Юрак фаолиятини тиклаш мақсадида дефибриляция ва юрак бевосита массажи қилинган.
15:05да бемор ахволи оғирлашиб, нафас етишмовчилиги, тери цианози кучайган. А/Д 0/0, пульс 0/0. Сатурация 50-55%. Кўз қорачиғи кенгайган, ёруғликка реакцияси йўқ. Кардиомониторда юрак асистолияси, нафаси ИВЛда. Аммо 40 минутлик ўтказилган ўпка-юрак реанимацион чора-тадбирлари натижасида юрак фаолияти тикланмаган. Аёлда 13.12.2024й соат 15:15да биологик ўлим қайд қилинган.
Мархума Суд тиббиёт экспертизасидан ўтказилди ва ўлим сабаби Қоғоноқ сувлари эмболияси тасдиқланган.
Ҳолат юзасидан Бухоро давлат тиббиёт институтининг профессор-мутахассислари иштирокида хизмат текшируви ўтказилган ва Республика ихтисослаштирилган Она ва бола саломатлиги илмий-амалий тиббиёт марказининг мутахассислари иштирокида чуқур муҳоқама қилинган. Тиббий ҳужжатлар юритилишида хато ва камчиликларга йўл қўйган ходимлар - марказ 2-туғруқ бўлими мудири С.Рабиевга ҳамда даволовчи акушер-гинеколог З. Мусиновага ўртача ойлик маошидан 30% жарима қўлланилиб, бошқа бўлимга ротация қилинган.
Бошқарма ахборот хизмати