РОССИЯ ФЕДЕРАЦИЯСИ САНКТ ПЕТЕРБУРГ ШАХРИДАГИ БАЛИҚ МАХСУЛОТЛАРИНИ ҚАЙТА ИШЛАШ ВА ҚАДОҚЛАШ ЗАВОДИ МЕҲНАТ ШАРТНОМАСИНИ АСОСИЙ ШАРТЛАРИ

1.   Ойлик иш хаққи хар ойда икки мароба хисоб-китоб қилинади ва қуйидаги тартибда берилади:

- 1-хисоб-китоб хар ойнинг 1-санасидан 15-санасигача ишланган вақтда бажарилган ишлар учун ойнинг 25-санасидан 27-санасигача; 

- 2-ҳисоб-китоб хар ойнинг 15-санасидан 31-санасигача ишланган вақтда бажарилган ишлар учун кейинги ойнинг 10 санасидан 12-санасигача;

- Шунингек, хар хафтада бир маротаба 1500 рублдан аванс берилади.

2. Иш хаққи ишчининг белгиланган вақтда, белгиланган юкламани бажарганлик даражасидан келиб чиқиб ишбай асосида соатига 146 рублдан хисобланади.

(Хар бир йўналишдаги вазифаларни нархлари участга бошлиғидан аниқлаб олинади.)

3. Ишчига биринчи ойда иш ўрганиш даври учун 28 сменада иш вақти берилади.

Бу вақтда ишчига 35000 рубль (стандарт, сменасига 1250 рублдан) иш хаққи хисобланади. Ишчиларга иш даврининг 29-сменаси (иш куни)дан бошлаб 2-бандда кўрсатилган тартибда маълум бир вақтда маълум бир юкламани бажарганлик учун ишбай асосида иш хаққи ҳисобланади.

4.Ишчи учун ётоқ-жой бепул тақдим қилинади.

5. Бир кунда икки маҳал бепул тушлик ва кечки овқат билан таъминланади.

6.Рахбарият(бригадир, бўлим бошлиғи)ни огохлантирилмаган ва келишилмаган, сабабсиз ишга чиқмаган кунлар учун, шунингдек, наркотик ёки спиртли ичимликлар истеъмоли учун ва қўпол тартибда тартиб интизомни бузганлик учун ишчига 5000 рубл миқдорида жарима қўлланилади.

Доимий тартибда 6-бандда кўрсатилган холатлар такрорланган тақдирда иш берувчи томонидан ишчи билан имзоланган меҳнат шартномаси бир томонлама бекор қилинади.

7. Бир иш сменаси 12 соатдан иборат бўлиб, 1-сменани иш вақти эрталабки соат 8.00 дан кеч соат 20.00 гача (кундузги), 2-сменани иш вақти кеч соат соат 20:00 дан эрталабки 08:00 гача (тунги смена), тушлик учун 1 соат вақт берилади.

8. Ишчига биринчи 28 иш вақти учун хисобланган иш хаққи (35000 рубл) ишчининг Ўзбекистон Республикасидан иш жойигача етиб келиш харажатлари ҳамда махсус кийим бош ва бирламчи хужжатларни расмийлаштириш учун иш берувчи томонидан қилинган харажатлар учун ушлаб қолинади. Иш берувчи томонидан қилинган қолган хараражатлар келгуси 3 ойга тенг тақсимланган холда ушлаб қолинади.  

9. Меҳнат шартномаси 12 ойга тузилади, ишчи 12 ой давомида меҳнат шартномасини бузмасдан, тартиб интизомга амал қилган ҳолда меҳнат фаолиятини амалга оширган тақдирда ишчидан авиабилет, патент, махсус уст бош харажатлари учун ушланган маблағ (61000 рубль) ишчига тўлиқ қайтариб берилади.

10. Ишчи томонидан 6-бандда кўрсатилган қоидаларни бузган тақдирда ёки ишчининг хохишига кўра меҳнат шартномаси муддатидан олдин бекор қилинган тақдирда иш берувчи томонидан амалга оширилган қуйидаги харажатларни қоплаш ишчининг зиммасида бўлади ва ишчининг хисобидан тўлиқ ундирилади:

·      Миграция рўйхатига қўйиш учун - 5000 руб.

·      Меҳнат фаолиятини амалга ошириш рухсатини берувчи хужжатларни расмийлаштириш (патент) учун - 25000 руб

·      Махсус уст бош ва ётоқхона чойшаблари учун (постельное белье) - 6000 руб.

·      Тиббий китобча (мед книжка) учун - 6000 руб.

·      Ўзбекистон Республикасидан етиб келиш йўл харажатлари учун - 30000 руб. (авиачипта нархларида ўзгариш бўлиши мумкин, иш берувчилан қўшимча аниқлик киритиб олинади)

11. Ишчи ўз хохишига кўра меҳнат шартномасини бекор қилиб ишдан бўшаш истагида бўлса иш берувчини 14 кун олдин хабардор қилиши талаб этилади. Акс ҳолда, иш берувчини хабардор қилмаганлик учун ишчи 10000 рубль миқдорида жаримага тортилади.