RE:ANIMATION LAB

FRAME BY FRAME ANIMATION COURSE

Այս աշխատարանը նախատեսված է 12–15 տարեկան երեխաների համար, ովքեր սիրում են նկարել, հետաքրքրվում են մուլտֆիլմերով և անիմացիայով և ցանկանում են հասկանալ, թե ինչպես են ստեղծվում շարժվող կերպարներն ու անիմացիոն տեսարանները։

Դասընթացը կտևի 2 ամիս՝ հուլիսից մինչև օգոստոսի վերջ։ Դասերը կանցկացվեն շաբաթական 2 անգամ, յուրաքանչյուր դասը՝ 2 ժամ տևողությամբ։ Ընդհանուր առմամբ մասնակիցները կանցնեն 16 դասից բաղկացած ծրագիր, որի ընթացքում կծանոթանան անիմացիայի հիմունքներին, կսովորեն աշխատել մասնագիտական ծրագրերով և կստեղծեն սեփական անիմացիոն աշխատանքները։ Դասընթացը համարվում է ծանոթական, պրոֆեսիոնալ հիմքով։

Դաս 1․ Անիմացիայի 12 սկզբունքներ (տեսական դաս)

Ուսանողները կծանոթանան անիմացիայի 12 հիմնական սկզբունքներին, որոնք ձևավորում են ցանկացած հաջողված անիմացիայի հիմքը։ Կքննարկվի, թե ինչպես են ստեղծվում բնական և համոզիչ շարժումներ, և ինչու են որոշ կերպարներ «կենդանի» թվում էկրանին։

Դաս 2․ Timing & Spacing (տեսական / գործնական դաս)

Ուսանողները կսովորեն, թե ինչպես է անիմացիայում ստեղծվում արագության, դանդաղության, ծանրության կամ թեթևության զգացողությունը։ Գործնական առաջադրանքների միջոցով կփորձեն տարբեր շարժումներ և կտեսնեն, թե ինչպես են դրանք փոխվում կադրերի քանակից և դասավորությունից։

Դաս 3․ Squash & Stretch (տեսական / գործնական դաս)

Կուսումնասիրվի անիմացիայի ամենակարևոր սկզբունքներից մեկը, որը կերպարներին և առարկաներին հաղորդում է ճկունություն։ Մասնակիցները կստեղծեն առաջին փոքր անիմացիաները։

Դաս 4․ Գործնական դաս

Այս դասի ընթացքում ուսանողները կկիրառեն Timing & Spacing և Squash & Stretch թեմաների ընթացքում ստացած գիտելիքները՝ ամրապնդելով առաջին շաբաթների նյութը։

Դաս 5․ Անիմացիայի տեսակներ (տեսական դաս)

Կներկայացվեն անիմացիայի հիմնական ուղղությունները՝ 2D, 3D, Stop Motion, Cut-Out Animation և այլ ձևաչափեր։

Դաս 6․ Stop Motion Animation

Ուսանողները կծանոթանան Stop Motion տեխնիկային, կսովորեն դրա աշխատանքի սկզբունքը և կսկսեն պատրաստել սեփական կարճ անիմացիոն տեսարանները։

Դաս 7․ Stop Motion Workshop

Նախորդ դասի ընթացքում ձեռք բերված գիտելիքների հիման վրա ուսանողները կստեղծեն Stop Motion աշխատանքներ և կաշխատեն թիմային ձևաչափով։

Դաս 8․ Ամսվա ամփոփում հրավիրված մասնագետների հետ

Հրավիրված մասնագետները կներկայացնեն իրենց փորձը ոլորտում։ Ուսանողները կցուցադրեն իրենց աշխատանքները, կստանան մասնագիտական կարծիքներ և կքննարկեն առաջին ամսվա ընթացքում կատարված աշխատանքները։

Դաս 9․ Տեխնիկական դաս

Ուսանողները կտեղադրեն Adobe Photoshop ծրագիրը, կծանոթանան դրա աշխատանքային միջավայրին և հիմնական գործիքներին։ Կսովորեն ֆայլերի կազմակերպման, պահպանման և հետագա աշխատանքի համար նյութերի պատրաստման հիմունքները։

Դաս 10․ Photoshop-ի կիրառումը անիմացիայում

Ուսանողները կսովորեն, թե ինչպես պատրաստել և մշակել անիմացիայի համար անհրաժեշտ գրաֆիկական նյութերը, աշխատել շերտերով (Layers), և նախապատրաստել ֆայլերը անիմացիոն նախագծերում օգտագործելու համար։

Դաս 11․ Background Design

Ուսանողները կսովորեն ստեղծել միջավայրեր և ֆոներ, որոնք օգտագործվում են տեսարանների կառուցման համար։

Դաս 12․ Background Design (շարունակություն)

Կշարունակվի ֆոների մշակումը և կստեղծվեն անհատական միջավայրեր, որոնք հետագայում կօգտագործվեն վերջնական նախագծերում։

Դաս 13․ Import և Scene Setup

Ուսանողները կսովորեն ներմուծել իրենց ստեղծած նյութերը Toon Boom Harmony, կազմակերպել տեսարանները և նախապատրաստել նախագիծը անիմացիայի համար։

Դաս 14․ Parallax և Key-frames

Կուսումնասիրվեն տեսախցիկի շարժումները, խորության զգացողության ստեղծումը և Key-frame-ների միջոցով անիմացիայի կառուցման հիմունքները։

Դաս 15․ Secondary Action

Ուսանողները կսովորեն, թե ինչպես են հիմնական շարժումը լրացնող փոքր շարժումները կերպարներին դարձնում ավելի բնական, արտահայտիչ և կենդանի։

Դաս 16․ Sound Design և նախագծի ավարտ

Ուսանողները կծանոթանան ձայնային ձևավորման հիմունքներին, կավելացնեն ձայն իրենց աշխատանքներին և կներկայացնեն ավարտված նախագծերը։

Դասընթացի ավարտին մասնակիցները կստանան անիմացիայի հիմքային գիտելիքներ, կսովորեն աշխատել Toon Boom Harmony և Photoshop ծրագրերով, ինչպես նաև կստեղծեն սեփական փոքր անիմացիոն նախագիծը։

Մասնակցության պայմանները՝

• Անհրաժեշտ է ստեղծագործական մտածողություն, նկարելու հետաքրքրություն և բազային նկարչական հմտություններ։

• Մասնակիցները պետք է ունենան անձնական նոթբուք։

• Toon Boom Harmony և Adobe Photoshop ծրագրերը վճարովի են, սակայն դասընթացի շրջանակում դրանք կտրամադրվեն և կտեղադրվեն մասնակիցների համակարգիչներում՝ դասերի և տնային առաջադրանքների համար։

• Գրաֆիկական պլանշետները տրամադրվում են ակադեմիայի կողմից։

• Խմբում կընդգրկվեն 4–6 մասնակից։

• Դասընթացի ամսեկան արժեքը՝ 45 000 դրամ։

Մասնակիցների ընտրությունը կանցկացվի հարցազրույցի միջոցով։ Գրանցման համար կարող եք գրել մեր սոցիալական ցանցերի էջերին կամ զանգահարել 093 292290, 093 291292 հեռախոսահամարներով։