РАСМИЙ МУНОСАБАТ.

Ижтимоий тармоқлар орқали тарқалган “Қонунларда “инсофли фойдаланувчи” деган ибора бўларди...” номли мақолага расмий муносабат.

Ангор тумани “Қадимий Ангор” маҳалласида яшовчи М.Тўраева 2020 йилнинг 10 июнь куни туман ҳокими номига ёзган аризасида уйининг олдидаги катта кўча четидан маҳалладоши Н.Тошпўлатов “Ақлли бекат”қураётганлигидан хабар топганлигини ва шу жойни олиб беришни сўраган.

Н.Тошпўлатовнинг турмуш ўртоғи тадбиркор С.Ёмғирова 2020 йилнинг 22 апрель санасида туман ҳокимига ариза билан мурожаат қилган. Ангор туман Қурилиш бўлимининг 2020 йил 103-сонли хатига асосан жорий йилнинг 7 май куни Сурхондарё вилояти автомобиль йўллари ҳудудий Бош бошқармаси тадбиркор С.Ёмғировага Ангор туман ҳудудидан ўтувчи умумий фойдаланувдаги маҳаллий аҳамиятга эга 4К-604 “Ангор-Қорақир” Қ-М-39 автомобиль йўлининг 1.1 км қисми чап томонидан техник шартларга амал қилиниши талаб этилган ҳолда “Ақлли бекат” қуриш учун рухсат берилган.

Шунингдек, 2020 йилда Ангор тумани ҳокимининг “Фуқаро С.Ёмғировага “Қадимий Ангор” маҳалласи ҳудудидаги 4К-604 “Ангор-Қорақир” автомобиль йўлининг 1.1 км қисми чап томонидан тасдиқланган лойиҳага кўра “Ақлли бекат” қурилишига рухсат бериш тўғрисида”ги
Қ-800-сонли қарори қабул қилинган.

Ўрганишлар давомида “Ақлли бекат” қуришга  рухсат берилган  ер туман ҳокимлиги захираси ва М.Тўраеванинг ушбу ер майдонига ҳеч қандай ҳуқуқий ҳужжати мавжуд эмаслиги аниқланди. Тадбиркор С.Ёмғировага “Ақлли бекат” қуриш учун рухсат белгиланган тартибда қонуний тарзда амалга оширилган. 

Сурхондарё вилояти Ер ресурслари ва давлат кадастр бошқармаси, Сурхондарё вилояти Ер тузиш ва кўчмас мулк кадастри давлат корхонаси Ахборот хизмати