РАСМИЙ МУНОСАБАТ

Жорий йилнинг 17 август кунида ижтимоий тармоқларда Халқаро аҳамиятдаги А380 “Ғузор-Бухоро-Нукус-Бейнеу” автомобиль йўлининг Когон туман ҳудудидан ўтувчи 209.2 км. қисмидаги ҳаракат тасмаларини ажратувчи 1-гуруҳ йўл тўсиқларидан пиёдалар ўтиши учун жой мавжуд эмаслигидан норози бўлиб мурожаат йўлланган.

А380 “Ғузор-Бухоро-Нукус-Бейнеу” автомобиль йўлининг 209.4 км. Қисмида, яъни мурожаатда кўзда тутилган жойдан 200 метр масофада амалдаги меъёрий талабларга мос равишда йўл белгилари ва йўл чизиқлари билан тўлиқ таъминланган пиёдалар ўтиш жойи мавжуд.

Йўлнинг пиёдалар ўтиш жойи сўралган 209.2 қисмида ШНҚ 2.05.02.07-меъёрий қўлланмасининг 14-жадвалида кўрсатилган автомобилларнинг тўхташи ва қарама-қаршидан келаётган автомобилни энг кичик кўриш масофаси чекланганлиги сабабли пиёдаларнинг хавфсиз ўтиб қайтиш имконияти мавжуд эмас.

Бундан ташқари, Ўзбекистон Республикаси Вазирлар Маҳкамасининг 2021 йил 26 июлдаги 462-сонли қарори билан халқаро тендер натижаларига асосан, А380 “Ғузор-Бухоро-Нукус-Бейнеу” автомобиль йўлининг 150-228 км (78 км) қисмларини цементобетон қопламаси билан реконструкция қилиш ишларига бош пудратчи этиб тайинланган “CRBC ва CCCC Third Highway Engineering Co. Ltd.” (Хитой) қўшма корхонасига мазкур автомобиль йўлида қайта қуриш ишлари якунлангунига қадар йўл тўлиқ топширилган.

Бухоро вилоят автомобиль йўллари бош бошқармаси