РАСМИЙ МУНОСАБАТ
Фарғона вилояти автомобиль йўллари бош бошқармаси
Ижтимоий тармоқларда тарқалган “Бизнинг йўлларга зилзила хам шарт эмас” номли хабар юзасидан.
Жорий йилнинг 1 феврал куни Фарғона вилояти Бешариқ тумани худудидан ўтувчи 4К - 923 "Яйпан - Рапкон - Бешарик - Чилмахрам" автомобиль йўли 29,5 км да сизот сувларининг кескин кутарилиши, шу жойдан ўтган ташлама қувури хамда ичимлик сув қувурларидан сув чиқиш холати кузатилган. Ушбу холатлар натижасида автомобиль йўли қопламасини кескин чўкиш холати юз берган. Ушбу йўлга хизмат кўрсатувчи Бешариқ туман йўллардан фойдаланиш унитар корхонаси томонидан зудлик билан ушбу йўлда харакатни чеклаш ва тегишли йўл белгиларини ўрнатиш ишлари амалга оширилган. Шу билан бир қаторда юз берган чўкиш холатини бартараф қилиш бўйича ишлар амалга оширилган ва 1 февраль соат 12:15 дақиқа ўтганда чўкиш холати бартараф қилинган ва харакат қайта тикланган.
Таъмирлаш ишларини олиб борилаётган пайтда фуқаро С.Э. бошқарувида бўлган Нексия-1 автомобили ўрнатилган йўл белгиларига ҳамда таъмирлаш ишларини олиб бораётган ишчи ходимларнинг кўрсатмаларига амал қилмаган ҳолда ушбу йўлнинг ёпиқ қисмидан харакатланиб қопламанинг шикастланган жойини кўрмай қолиши оқибатида ЙТХ содир этган.
Хозирги кунда ушбу автомобиль йўлидан харакат хавфсизлиги таъминланиб, автомобиллар қатнови тикланган.
