"Qur‘oni karim va tajvid" o'quv kurslarining soni yana bittaga ko‘paydi

Bugun 23.08.2021 sanada Oʼzbekiston xalqaro islom akademiyasida "Qur‘oni karim va tajvid" o'quv kursining ochilish marosimi bo'lib o'tdi.

Tadbirni O'zbekiston xalqaro islom akademiyasi rektori, O'zbekiston Respublikasi Vazirlar Mahkamasi huzuridagi Din ishlari bo'yicha qo'mita raisi birinchi o'rinbosari Muzaffar Komilov ochib berdi va "Qur‘oni karim va tajvid" o'quv kursining o'quv dasturi tayyorlanganini va bu o‘quv kursida bilimli, ijozali ustozlar ta‘lim berishini e‘lon qildi.

Tadbirda O'zbekiston musulmonlari idorasi raisining birinchi o'rinbosari Homidjon domla Ishmatbekov ham so‘z olib, bugun yurtimiz musulmonlarining uzoq kutgan orzulari ushalish arafasida turganimizni ta‘kidladi. Shuningdek, Homidjon domla Qur‘onni tajvid bilan o‘qish farz ekaniga urg‘u berib, ushbu yangi ochilayotgan o'quv kursi ham mazkur farz ibodatni bajarishda bizga ko‘makchi bo‘lishini ta‘kidladi. Suhbatining so‘ngida "Qur‘oni karim va tajvid" o‘quv kursiga qabul qilingan tinglovchilarga muvoffaqiyat tilab, haqlariga duoi xayrlar qildi.

Tadbirda so'zga chiqqan Toshkent islom instituti rektori Uyg'un domla G‘ofurov davlatimiz tomonidan Qur‘on ta‘limiga katta e‘tibor qaratilayotganligini, yurtimizdagi 17 ta "Qur‘oni karim va tajvid" o‘quv kurslarida 18 mingdan ortiq tinglovchilar Qur‘onni to‘g‘ri o‘qish malakasiga ega bo‘lishganini aytib o'tdi. 

Shuningdek, tadbirda O'zbekiston musulmonlari idorasi qoshidagi "Qur‘oni karim tajvidini o‘rgatish" bo‘limi boshlig‘i o'rinbosari O‘zbekiston xalqaro islom akademiyasi faxriy doktori Abror Muxtor Ali domla tadbir munosabati bilan yi‘g‘ilganlarni muborakbod etdi. "Bu xayrli ishni ko‘pchilik orzu qilib, erisha olmagan. Bugun siz mana shunday sharafli ishning guvohi bo‘lib turibsiz. Ushbu yangi ochilgan "Qur‘oni karim va tajvid" o‘quv kursining ilk qaldirg'ochlari, hech mubolag'asiz, zamonamiz qahramonlaridir. Sizlar mana shunday qahramonlarsiz. Tarixda ham Qur‘oni karimga katta e‘tibor qaratilgan. Amir Temurning Imom Jazariyni yurtimizga olib kelib, u zotga barcha shart-sharoitlar yaratib berilgan. Bu an‘ana hozir ham davom etmoqda. Jumladan, Misr yurtida qariyb 30 yil Qur‘on yo‘nalishida ta‘lim olgan Shayx Alijon qori aka ham mana shunday maqsad bilan yurtimizga olib kelindi. Hozirda Jizzax va Farg'ona viloyatlarida jami 4 ta "Qur‘oni karim va tajvid" o‘quv kurslari ochilishi rejalashtirilmoqda".

Tadbirning faxriy mehmoni professor Abdulhakim Shar‘iy Juzjoniy ham so'zga chiqdi. Abdulhakim domla tadbir ishtirokchilarini tabriklab, Qur‘onnig mazmun-mohiyati mo‘jizakorligi, ilm-fan bilan hamohangligi, arab tilining yaxlitligini saqlab turishi haqida qimmatli ma'lumotlarni taqdim qildi. "Bugun Prezidentimiz Sh.Mirziyoyev Amir Temurning izidan bormoqda. O'zbekistonda "Usmon Mus'hafi"ning yagona nusxasi saqlanmoqda. Bu esa yurtimiz musulmonlari tarixdan Qur‘on bilan yashab kelganini anglatadi", deb ta‘kidladi Abdulhakim Shar‘iy Juzjoniy domla.

Tadbir so‘nggida O‘zbekiston xalqaro islom akademiyasi "Qur‘oni karim va tajvid" o'quv kursida ta‘lim beradigan ustozlar tinglovchilarga tanishtirildi.

Homidjon domla yangi ochilgan o'quv kursining kelgusidagi faoliyatiga muvoffaqiyatlar tilab, duoi xayr bilan tadbirga yakun yasab berdi.

____________________________________________________________________________

"Қуръони карим ва тажвид" ўқув курсларининг сони яна биттага кўпайди

Бугун 23.08.2021 санада Оъзбекистон халқаро ислом академиясида "Қуръони карим ва тажвид" ўқув курсининг очилиш маросими бўлиб ўтди.

Тадбирни Ўзбекистон халқаро ислом академияси ректори, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси биринчи ўринбосари Музаффар Комилов очиб берди ва "Қуръони карим ва тажвид" ўқув курсининг ўқув дастури тайёрланганини ва бу ўқув курсида билимли, ижозали устозлар таълим беришини эълон қилди.

Тадбирда Ўзбекистон мусулмонлари идораси раисининг биринчи ўринбосари Ҳомиджон домла Ишматбеков ҳам сўз олиб, бугун юртимиз мусулмонларининг узоқ кутган орзулари ушалиш арафасида турганимизни таъкидлади. Шунингдек, Ҳомиджон домла Қуръонни тажвид билан ўқиш фарз эканига урғу бериб, ушбу янги очилаётган ўқув курси ҳам мазкур фарз ибодатни бажаришда бизга кўмакчи бўлишини таъкидлади. Суҳбатининг сўнгида "Қуръони карим ва тажвид" ўқув курсига қабул қилинган тингловчиларга мувоффақият тилаб, ҳақларига дуои хайрлар қилди.

Тадбирда сўзга чиққан Тошкент ислом институти ректори Уйғун домла Ғофуров давлатимиз томонидан Қуръон таълимига катта эътибор қаратилаётганлигини, юртимиздаги 17 та "Қуръони карим ва тажвид" ўқув курсларида 18 мингдан ортиқ тингловчилар Қуръонни тўғри ўқиш малакасига эга бўлишганини айтиб ўтди. 

Шунингдек, тадбирда Ўзбекистон мусулмонлари идораси қошидаги "Қуръони карим тажвидини ўргатиш" бўлими бошлиғи ўринбосари Ўзбекистон халқаро ислом академияси фахрий доктори Aброр Мухтор Aли домла тадбир муносабати билан йиъғилганларни муборакбод этди. "Бу хайрли ишни кўпчилик орзу қилиб, эриша олмаган. Бугун сиз мана шундай шарафли ишнинг гувоҳи бўлиб турибсиз. Ушбу янги очилган "Қуръони карим ва тажвид" ўқув курсининг илк қалдирғочлари, ҳеч муболағасиз, замонамиз қаҳрамонларидир. Сизлар мана шундай қаҳрамонларсиз. Тарихда ҳам Қуръони каримга катта эътибор қаратилган. Aмир Темурнинг Имом Жазарийни юртимизга олиб келиб, у зотга барча шарт-шароитлар яратиб берилган. Бу анъана ҳозир ҳам давом этмоқда. Жумладан, Миср юртида қарийб 30 йил Қуръон йўналишида таълим олган Шайх Aлижон қори ака ҳам мана шундай мақсад билан юртимизга олиб келинди. Ҳозирда Жиззах ва Фарғона вилоятларида жами 4 та "Қуръони карим ва тажвид" ўқув курслари очилиши режалаштирилмоқда".

Тадбирнинг фахрий меҳмони профессор Aбдулҳаким Шаръий Жузжоний ҳам сўзга чиқди. Aбдулҳаким домла тадбир иштирокчиларини табриклаб, Қуръонниг мазмун-моҳияти мўжизакорлиги, илм-фан билан ҳамоҳанглиги, араб тилининг яхлитлигини сақлаб туриши ҳақида қимматли маълумотларни тақдим қилди. "Бугун Президентимиз Ш.Мирзиёев Aмир Темурнинг изидан бормоқда. Ўзбекистонда "Усмон Мусъҳафи"нинг ягона нусхаси сақланмоқда. Бу эса юртимиз мусулмонлари тарихдан Қуръон билан яшаб келганини англатади", деб таъкидлади Aбдулҳаким Шаръий Жузжоний домла.

Тадбир сўнггида Ўзбекистон халқаро ислом академияси "Қуръони карим ва тажвид" ўқув курсида таълим берадиган устозлар тингловчиларга таништирилди.

Ҳомиджон домла янги очилган ўқув курсининг келгисидаги фаолиятига мувоффақиятлар тилаб, дуои хайр билан тадбирга якун ясаб берди.