Qo'shilgan qiymat solig'i stavkasini tushirish yuzasidan

Qo'shilgan qiymat solig'i stavkasini tushirish yuzasidan

MoliyaPress

Joriy yilning 11 sentabr kuni O'zbekiston Respublikasi Prezidenti Shavkat Mirziyoyev boshchiligida kichik biznes va xususiy tadbirkorlikni yanada rivojlantirish, ularning faoliyati samaradorligini oshirish, shuningdek, Davlat budjetiga tushumlarni kafolatli ta'minlash masalalariga bag'ishlangan videoselektor yig'ilishi bo'lib o'tdi.

Tadbirkorlik subyektlarini yanada qo'llab-quvvatlash maqsadida Moliya vazirligiga qo'shilgan qiymat solig'i stavkasini amaldagi 20 foizdan 15 foizgacha tushirish to'g'risidagi Prezident qarori loyihasini kiritish bo'yicha topshiriq berildi.

Ta'kidlash joizki, yangi tahrirdagi Soliq kodeksining loyihasida (Moliya vazirligi tomonidan muhokamaga qo'yilgan) qo'shilgan qiymat solig'i stavkasini 15 foizgacha tushirish hamda uning betarafligini ta'minlashga qaratilgan chora-tadbirlar, tadbirkorlik subyektlari faoliyatiga ijobiy ta'sir ko'rsatadi.

Ma'lumot uchun: yangi tahrirdagi soliq kodeksining loyihasida sotib olingan asosiy vositalar va ko'chmas mulk bo'yicha QQS summasini (12 - 36 oy davomida bir maromda hisobga olishning amaldagi tartibi o'rniga) bir marttalik hisobga olish tartibi ko'zda tutilgan, shuningdek, hisoblangan soliq miqdori bo'yicha QQS summasini hisobga olgan holda ortiqcha miqdordagi QQS summasini qaytarish, soliq to'lovchilarning butun doirasiga (bugungi kunda – faqat eksportchilarga) nisbatan nazarda tutilgan.

Dastlabki hisob-kitoblarga ko'ra, QQS stavkasini 5 foizga kamaytirish Davlat budjetiga tushumlarni taxminan yiliga 10 trln. so'mga yoki Yalpi ichki mahsulotga nisbatan 2 foizga kamayishiga olib keladi.