Психологик триллерлар

Психологик триллерлар аслида қанақа бўлади? Бу йўналишдаги фильмларда аниқ белгилаб қўйилган чегара йўқ, лекин, бу йўналишдаги фильмларни аниқлаб олиш қийин эмас, сабаби фильм қахрамонларнинг рухий холатига алохида урғу берилади, одатда бунақа фильмлардаги бош қахрамонлар асосан рухий муаммолар гирдобида бўлади. Ушбу йўналишдаги фильмларда одатда шизофрения, сюррализм, паранойя каби рухий касалликларга дучор бўлган бош қахрамонларнинг ички кечинмаларига алохида урғу берилади ва айнан уларнинг ракурсидан фильм тасвирланади. Энг катта плюс жихати фильмлар сюжетининг кутилмаган бурилишлари билан томошабинни хайрон қолдира олади. Сабаби оддий, аслида рухий носоғлом бўлган одам воқеаларни бошқачароқ талқинда кўриши мумкин ва сен у орқали фильмни бошқа тирқишдан кўрасан. Аслида эса воқеалар сен ўйлаганчалик бўлмаслиги мумкин, чунки сен сюжетни адекват нуқтаи назардан кузата олмадинг.

Алохида таъкидлаб ўтиш керакки бу йўналишдаги фильмлар аввалроқ каналда ёзилган "Сўнгги ўн беш дақиқалиги барча тахминларингни барбод қила олиш қобилиятига эга 10 та фильм" фильмлар рўйхати билан бир-бирига жуда мос келади. Чунки, юқорида таъкидлаганимдек бу фильмларни охири нима билан тугашини билиш деярли имконсиз. Шу сабабли эски рўйхатдаги фильмларни қайтадан ёзмасликка қарор қилдим. Лекин, инобатга олишинг керак ўша рўйхатдаги фильмлар хам "психологик триллер" йўналишидаги энг зўрларидир.

Ўзининг 28 ёшли рухий носоғлом ўғли билан яшовчи Онанинг бошига кутилмаган кулфат келди. Унинг ўғли ёш қизни ўлдирганликда айбланиб қамоққа олинди. Рухий касал бу йигитча хам полицияни айтганини қилиб ўзини айбдор деб айтди. Ўз фарзандининг бунақа ишга қодир эмаслигини тушунган она полицияни ўрнига суриштирув ишларини бошлайди. Балки бу иши ноқонунийдир лекин ўғли учун буни қилиши шарт.

"Қотилликни хотирлаб" ва "Паразитлар" фильмлари билан бизга машхур Пак Жун-хонинг бу фильми хам муваффақиятли фильмлари қаторида эътироф этилади. Режиссёр она тимсолини нақадар буюклигини кўрсатиш мақсадида бошқа асарлардан ўзгачароқ, ноодатий услубдан фойдаланган. Фильм томошабинни босим остида ушлаб туради ва сўнгги дақиқаларгача бу босимга чидаб берган томошабин учун унга ажойиб "корейсча" совға тортиқ қилади.

Дунёдаги барча инсонларнинг қизиқишлари, дунёқараши, фэъл атвори бир-биридан фарқ қилади. Худди уларнинг орзулари каби. Машхур режиссёр Даррен Аронофски ўзининг ушбу фильми орқали бир нечта инсон мисолида орзуларнинг нақадар хавфли эканлиги хақида хикоя қилади. "Жанг Клуби" фильмидаги Тайлер Дердан айтган эди: "сен эгалик қилган нарсалар вақти келиб сенга эгалик қилади". Ўз орзусига етишиш учун ўзгачароқ йўлни танлаган инсонлар фожеаси хақида Даррен Аронофски ажойиб фильм ишлаган. Унинг идеал саундтреки эса сенга етиб бориши керак бўлган эмоцияларни ўз манзилига эсон-омон етиб олишига чиройли тарзда кўмаклашган.

Ўз танасида йигирмадан ортиқ, турли инсонларни шахсиятини мужассамлаштирган йигит учта мактаб ўқувчисини ўғирлаб кетади. Айрим қиёфаларда ижобий феъл атворни намоён қилса айримларида ёвуз инсонга айланувчи бу одамнинг касалини сезган қизлар энди вазиятга қараб бу ердан чиқишни режалаштириш пайига тушади.

М. Найт Шьямалан ўзининг фильмларида доим инсон психологияси борасида томошабинга "вызов" ташлаб келади. Бундан ташқари унинг фильмларидаги ғояни оригинал эканлиги доим мухлисларини ўзига чорлайди.

1899 йилда ёш шифокор узоқ бир оролда жойлашган рухий касаллар шифохонасига келади. Бир муддат бу ердаги даволаш методларини кузатган шифокорда саволлар пайдо бўла бошлайди. Лекин хали хамма кўргуликлар олдинда эди. 

Режиссёр Брэд Андерсон хам ушбу йўналишдаги ижод намуналари билан оз мунча бўлса хам танилган. Юқоридаги фильмни кўриб сезиш мумкинки уни бу фильмни суратга олишга Скорсезе амакининг "Остров проклятых (2010)" фильми яхшигина илхомлантирган. Агар сенга хам Скорсезенинг ушбу фильми ёқса, унда бу фильм хам сенга ёқиш эхтимоли юқори. Жудаям кўп ўхшашликлар сени олдинда кутмоқда.

Янги уйга кўчган бахтли оиланинг қувончи узоққа чўзилмайди, чунки уларнинг уйига ғалати бегона одамлар келишни бошлайди.

Даррен Ароновскининг яна бир психологик триллери. Бу фильм рўйхатдаги бошқа фильмларга нисбатан провокацион услубда ишланган. Фильмни томоша қилиш давомида томошабинни қон босими ошиб кетиши хам хеч гап эмас. Хаммага хам тавсия қилинмайдиган лекин йўналиш мухлислари учун янгироқ нимадир бўла олишга қодир фильм.

Уйқусизлик касалига учраган Тревор бир йилдирки уйқу нималигини билмайди. Сўнгги пайтларда у кўриб турган нарсалар туш ёки рўёлигини фарқига хам бора олмай қолган. Буни эса жиддий оқибатлари бўлиши мумкин.

Брэд Андерсоннинг рўйхатдаги иккинчи фильми. Фильм кўпчиликка Кристиан Бэйлнинг трансформацияси орқали таниш. Ушбу роли учун тирик мурдага айланган актёр ижрони хам шунга яраша қойиллатиб ижро этган. Томошабин фильм сўнггигача қахрамон билан бирга экранда кўраётган нарсаларининг қайси бири ўнг қайси бири галлюцинация эканлигини топишга харакат қилади.

Балет раққосаси ўзининг рақобатчиси пайдо бўлиши ортидан талвасага туша бошлайди ва ўз ўрнини йўқотиб қўймаслик учун борини беришга тайёрлигини намоёни қилади.

Натали Портманга Оскар келтирган Даррен Ареновскининг рўйхатдаги учинчи фильми. Бу фильм хам мантиқан олиб қаралганда "Реквием по мечте" ни эслатиб юбориши мумкин. Лекин, у фильмидан фарқли ўлароқ бу сафар Даррен бу картинага интрига ва саспенсни муваффақиятли тарзда жойлай олган. Натижада томошабин хоррорлардан кам бўлмаган қўрқинчли фильм гувохига айланиши мумкин.

Бош қахрамон амнезияни галати турига рўбаро келган. У хар куни эрталаб хеч нарсани эслай олмасдан уйғонади. У учун хамма-хаммаси янгитдан бошланади. Энди тасаввур қил, кеча сенга яхшилик қилган одам хам ёмонлик қилган одам хам сен учун фарқсиз одамлар. Атрофингдагилар хақиқатдан хам яхши одамларми?

Фильм Ноланни "Помни" фильмини қайсидир маънода эслатади. Умуман олганда эса "Ден сурка" нинг қўрқинчли варианти деса хам унчалик нотўғи бўлмайди. Шундай экан хотира, вақт каби мавзулардаги фильмлардаги интригани севувчилар учун ажойиб триллер.

Автохалокатдан кейин ўзига келган қиз хеч нарсани эслай олмайди. Машинадаги икки ўлган эркак ким? Нега полиция улар қизни ўғирлашаётганди деб хисоблаяпти? Хотираси йўқолгандан кейин хаётидаги тасодифий воқеалар аслида ростдан хам тасодифларми?

Сюреаллизми, Неонуар каби жанрларда ном қозонган режиссёр Дэвид Линчнинг энг машхур фильмларидан бири. Бош қахрамоннинг миясига саёхат қилишни ёқтирадиганлар, фильмни диққат билан кузатиб ишораларни илғаб олишни ва режиссёрнинг мавхум фикрларини тўлиқ тушуниб олишни яхши кўрадиган, мехнаткаш ва зукко томошабинлар учун зўр фильм.

Кечки овқат устида йиғилган бир нечта жуфтлик ғалати воқеаларни гувохига айланади. Айнан улар йиғилишган вақтда ерга комета қулайди ва вақт ўз тизигинидан чиқиб кетгандек гўё.

Яхши фильм ишлаш учун кўп пул керакмаслиги хақида гапирилганда доим эсланадиган фильмлардан бири. Фильм хам юқоридаги фильмлар каби вақтга алоқадор. Бир вақтнинг ўзида ўтмиш, хозир, келажак тўқнашувини ажойиб тасвирланиши томошабинни экран олдига миқлаб қўя олади.

t.me/kinokono