20191001佐敦/油麻地暴動 - PW2盤問

⏺ PW2 警員B - 截停A2

🔸A2代表 關恆芬大律師 盤問

PW2落車後往旺角方向追黑衫黑褲的堵路人士，巴士推進時超越了前面的警察防線，前方100米有人，相信是堵路者。PW2清楚望到人群向旺角方向跑，距離更遠的人群後方也有人。當他到達永星里，前方人群與後方人群有否混在一起？PW2表示唔肯定。PW2在盤問下承認，認為著黑衫黑褲的人為堵路者只是自己當時想法，但重申「其實嗰度全部人都堵緊路」--雖然他承認睇唔到後面再後面的人做咩。

有十幾人與PW2一同在新油麻地警署出車，為同隊隊員，而且大家裝束一樣。PW2唔記得警員A是否與自己同車，自己是頭車出車，亦是頭一批落車，但唔記得確實是第幾位落車。

控辯雙方同意PW2截停A2地點為彌敦道490-492號；PW2主問時供稱，由跳落車計起跑了約100米後截停A2，由第一眼見到A2至截停對方則估計跑了50-60米--按照地圖計算，辯方質疑PW2估算偏差很大，PW2表示不同意。盤問下，PW2表示截停A2時曾掹住她，並叫她唔好郁，PW2唔肯定A2係咪處於掙扎狀態，亦不肯定A2是否坐喺度。關大律師質疑PW2供詞錯漏百出，為何上庭前唔拎翻自己口供嚟睇，係咪馬虎，PW2稱唔同意。

🔸A4代表 王國豪大律師 盤問

PW2認識警員D，但唔記得當日是否同車。

🔸A7代表 黎詠婷大律師 盤問

PW2認識警員G，但唔記得當日是否同車。

🔹控方沒有覆問