20191001佐敦/油麻地暴動 - PW1盤問

⏺ PW1 警員A - 追截及制服A1

🔸A1代表 黃大律師 盤問

PW1坐的警察巴士在彌敦道尖沙咀一帶停低等指示，忘記確實位置。彌敦道多雜物，PW1沒有仔細留意雜物是什麼物件。PW1在彌敦道永星里交界落車，該位置的馬路同樣多雜物。

A1跑到近晉利商業大廈外才想掉背囊，當時他一路跑緊一路除背囊，速度有減慢。PW1主問時供稱，A1曾想推開他，現解釋對方有動作推自己，但力度不足以令自己跌倒，並描述自己制服A1的動作：從後以左手捉A1左手肘，並以右前臂壓A1左肩胛位。

A1被壓落地後曾發力嘗試起身；PW1主要觀察A1雙手，冇留意他有冇自己用頭撼地，PW1則冇打過A1個頭。PW1撳緊A1落地期間已有速龍同事幫手，同事亦冇打A1。PW1去執背囊時，記憶中A1仍瞓在地上，未坐起身，唔確定之後有冇拉返佢起身；7999到場時，A1仍在地上--PW1沒記錄在口供紙上，記憶中當時A1仍瞓喺度。PW1冇留意A1有冇受傷，唔知佢左額流血。

黃大律師指出以下幾點，PW1全部唔同意：

-A1在大廈附近扶起一女子

-A1被兩警拳打左額

-有一警打A1頭，一警跪A1頸，一警大力打A1左腳

-A1想掉背囊之事冇發生過

📌相片 (呈堂為辯方證物D1-1)

PW1指認相中人為A1

黃大律師亦向PW1指出，A1被制服在地上之後，有人講「攞埋走...畀埋佢」，他的背囊則多了7件不屬於他的物品，分別是伸縮棍pp1、指南針pp4、鐵棒pp5、灰色防毒面具連兩個過濾器pp11、藍色鴨舌帽pp13、藍色長袖上衣pp19和雨褸pp21。PW1「唔同意」為A1上手扣後撼他的頭落地，「唔記得」交由7999處理之前有沒有扯A1起身。

🔸A2代表 關恆芬大律師 盤問

PW1由新油麻地警署出車，至少有兩部車一起出發，同時到尖沙咀彌敦道一帶候命。PW1在巴士上候命時，巴士應該曾轉移位置，不是一直停留在同一位置，不確定是否一直由南向北行駛。在南行線推進期間，至少有兩部車，不確定還有沒有其他車。PW1不確定當時是否與警員B同車，由落車至截停A1亦冇留意過B是否在附近。

🔸A3代表 郭憬憲大律師 盤問

PW1認識警員C，不確定當日是否同車。

🎥播放P214a立場新聞錄影片段

PW1同意，片段可見彌敦道幾個街口地上都有貌似是溪錢的紙張。

郭大律師提到永星里穿黑衫的被捕人士，問PW1有冇諗過，在國慶日著黑衫、灑溪錢可能是表達意見的另一種方式？證人多番問法官是否需要回答此問題，張官則對郭大律師的問題表示不解；郭大律師表示，如證人回答有諗過，他會有跟進問題，答冇則不會再問。（PW1最終都係冇答過。）

🔸A4代表 王國豪大律師 盤問

PW1不確定當日警員D是否與他同車；與他同車的同僚，他一個都講唔到。當日全隊皆穿速龍裝，冇警員編號，執行任務時亦沒有顯示委任證。當日至少有4部便裝警車出動，至少有兩部於1615時由新油麻地警署出發。即使大家在車上共處約半小時，PW1在庭上講唔出任何同車警員，王大律師問是否因為PW1自己都分唔到？PW1表示「仔細係分到」，但承認大家衣著相同。

王大律師問及速龍小隊的Charge and bite戰術，PW1表示只聽過「Charge」，未聽過「and bite」。PW1「唔能夠完全同意」當日收到的指令是黑色裝束逃跑人士就要拉，同意指令能夠截停示威者或作出拘捕後就交由刑偵處理。

🔸A5代表 石書銘大律師 盤問

警方在彌敦道南行線逆線推進時，PW1坐第一架警察巴士，唔確定後方有幾多架，但至少有一架。北行線亦有車一同推進，不確定出發時間。

PW1供稱在永星里與眾坊街之間的彌敦道位置落車；警方防線一路向北推進，已過眾坊街，是否代表後方再沒有人聚集？PW1「唔可以確定」，但大部分示威者已向北走。PW1當日行動僅沿彌敦道進行掃蕩，唔確定地面其他警員分布。

🔸A6代表 邱治瑋大律師 盤問

PW1確認自己坐第一架車，唔確定自己落車之後車有冇移動過。

🔸A7代表 黎詠婷大律師 盤問

PW1認識警員G，當日二人坐唔同車，他唔確定G坐邊架車。

🔸A8代表 劉仲文大律師 盤問

（PW1確認較早前作供內容）

🔹控方覆問

PW1唔確定與7999交接時，A1瞓定坐喺地上。他執起地上背囊時冇壓住A1，冇親眼睇住但相信當時幫手的同僚有壓住A1；執完背囊他返到A1旁邊，唔確定有冇再壓過A1。之後7999才到。

PW1同意指令要執行拘捕，但如何判斷拉邊個係由警員自己負責；指令冇講過見到跑嘅人都拉、係黑衫都拉。PW1「唔記得好清楚」，但自己坐的巴士在排位上是第一架車，等候時分唔到邊架先後次序，但推進時係第一架。他「講唔到」落車時有冇其他車的警員比自己更早落車。