POYEZDLAR HARAKAT XAVFSIZLIGINI TA'MINLASHGA TOʻSIQ BOʻLADIGAN KAMCHILIKLAR VA ULARNI BARTARAF QILISH CHORA TADBIRLARI:“Toshkent MTU” majlislar zalida oʻtkazilgan tadbirda aynan shu masalalar muhokama qilindi.
ПОЕЗДЛАР ҲАРАКАТ ХАВФСИЗЛИГИНИ ТАЪМИНЛАШГА ТЎСИҚ БЎЛАДИГАН КАМЧИЛИКЛАР ВА УЛАРНИ БАРТАРАФ ҚИЛИШ ЧОРА ТАДБИРЛАРИ:
“Тошкент МТУ” мажлислар залида ўтказилган тадбирда айнан шу масалалар муҳокама қилинди.
Joriy yilning 26 martidan 19 apreliga qadar “Toshkent MTU”filialining korxona va stansiyalarida uzel boshligʻi O.Xudoqulov boshchiligida, boʻlim boshliqlari, korxonalar va stansiyalar rahbarlari ishtirokida, Oʻzbekiston Respublikasi temir yoʻllardan foydalanish qoidalarining 8-bob, 132 -bandi asosida, Uzelga qarashli korxona, tashkilot va stansiyalarda harakat xavfsizligini ta'minlash va tashishlarni tashkil etish texnologiyasining bajarilishi, lokomotiv, vagon, yoʻl, aloqa, elektr ta'minoti xoʻjaliklarining holati, mehnat muhofazasi va intizomi, texnik vositalarning oʻrnatilgan talablarga muvofiqligini birinchi chorak boʻyicha oʻrganish maqsadida texnik nazorat oʻtkazilgan edi.
“Toshkent mintaqaviy temir yoʻl uzeli” filiali majlislar zalida ushu nazorat yakuni muhokamasiga bagʻishlab yigʻilish boʻlib oʻtdi.
Жорий йилнинг 26 мартидан 19 апрелига қадар “Тошкент МТУ”филиалининг корхона ва станцияларида узел бошлиғи О.Худоқулов бошчилигида, бўлим бошлиқлари, корхоналар ва станциялар раҳбарлари иштирокида, Ўзбекистон Республикаси темир йўллардан фойдаланиш қоидаларининг 8-боб, 132 -банди асосида, Узелга қарашли корхона, ташкилот ва станцияларда ҳаракат хавфсизлигини таъминлаш ва ташишларни ташкил этиш технологиясининг бажарилиши, локомотив, вагон, йўл, алоқа, электр таъминоти хўжаликларининг ҳолати, меҳнат муҳофазаси ва интизоми, техник воситаларнинг ўрнатилган талабларга мувофиқлигини биринчи чорак бўйича ўрганиш мақсадида техник назорат ўтказилган эди.
“Тошкент минтақавий темир йўл узели” филиали мажлислар залида ушьу назорат якуни муҳокамасига бағишлаб йиғилиш бўлиб ўтди.
Filial bosh muhandisi M.Sodiqov raislik qilgan ushbu tadbirda, Salar, Toshkent, Xovos, Jizzax temir yoʻl masofalari, Toshkent va Xovos signallashtirish va aloqa masofalari, Toshkent hamda Xovos elektr ta'minoti korxonalari, shuningdek, VChD-1,TCh-1 korxonalari va barcha stansiyalar boshliqlari hamda boshliq oʻrinbosarlari, korxonalarning bosh muhandislari, bundan tashqari uchastkalarga biriktirilgan mas'ul xodimlar ishtirok etdi.
Филиал бош муҳандиси М.Содиқов раислик қилган ушбу тадбирда, Салар, Тошкент, Ховос, Жиззах темир йўл масофалари, Тошкент ва Ховос сигналлаштириш ва алоқа масофалари, Тошкент ҳамда Ховос электр таъминоти корхоналари, шунингдек, ВЧД-1,ТЧ-1 корхоналари ва барча станциялар бошлиқлари ҳамда бошлиқ ўринбосарлари, корхоналарнинг бош муҳандислари, бундан ташқари участкаларга бириктирилган масъул ходимлар иштирок этди.
Muhokamada Jamiyatning Texnik va texnologik nazorat boshqarmasini Toshkent mintaqaviy temir yoʻl uzeli boʻyicha katta noziri A.Mahkamov tomonidan ishchi guruh tomonidan nazorat davomida aniqlangan kamchiliklar haqida soʻz yuritildi. Bundan tashqari yigʻilishda soʻzga chiqqan, Uzelning Tashishlarni tashkil etish va stansiya ishlari boʻyicha boʻlimi boshligʻi H.Azimov stansiyalarda poyezdlarni qabul qilish va joʻnatish, yagona darcha tizimi asosida amalga oshirilayotgan ishlar, mijozlar bilan hamkorlikni rivojlantirish borasida sa'y harakatlar va bu boradagi kamchiliklar xususida toʻxtalib oʻtdi.
Муҳокамада Жамиятнинг Техник ва технологик назорат бошқармасини Тошкент минтақавий темир йўл узели бўйича катта нозири А.Маҳкамов томонидан ишчи гуруҳ томонидан назорат давомида аниқланган камчиликлар ҳақида сўз юритилди. Бундан ташқари йиғилишда сўзга чиққан, Узелнинг Ташишларни ташкил этиш ва станция ишлари бўйича бўлими бошлиғи Ҳ.Азимов станцияларда поездларни қабул қилиш ва жўнатиш, ягона дарча тизими асосида амалга оширилаётган ишлар, мижозлар билан ҳамкорликни ривожлантириш борасида саъй ҳаракатлар ва бу борадаги камчиликлар хусусида тўхталиб ўтди.
Shundan soʻng, har bir tashkilot mutasaddilari aniqlangan kamchiliklarni bartaraf qilish borasida amalga oshirgan chora tadbirlari haqida ma'lumot berishdi.
Шундан сўнг, ҳар бир ташкилот мутасаддилари аниқланган камчиликларни бартараф қилиш борасида амалга оширган чора тадбирлари ҳақида маълумот беришди.
Muhokama yakunida Filial bosh muhandisi M.Sodiqov tomonidan har bir korxona va xoʻjaliklar hamda stansiya boshliqlariga, ishchi xodimlarning bilim va malakasini oshirib borish, mavjud kamchiliklarni zudlik bilan bartaraf qilib, poyezdlar harakat xavfsizligini ta'minlash borasidagi ishlarni yanada kuchaytirish boʻyicha, vazifalar hamda koʻrsatmalar berildi.
Муҳокама якунида Филиал бош муҳандиси М.Содиқов томонидан ҳар бир корхона ва хўжаликлар ҳамда станция бошлиқларига, ишчи ходимларнинг билим ва малакасини ошириб бориш, мавжуд камчиликларни зудлик билан бартараф қилиб, поездлар ҳаракат хавфсизлигини таъминлаш борасидаги ишларни янада кучайтириш бўйича, вазифалар ҳамда кўрсатмалар берилди.
