O’zbekiston Respublikasi Moliya vazirining 2019 yil 18 fevraldagi № 35 – ЛС sonli buyrug’i bilan Davlat budjeti bosh boshqarmasi boshlig’i lavozimiga Abruev Jamshid Ismoilovich tayinlandi.

 Jamshid Abruev 1979 yilda Toshkent shahrida tug’ilgan, millati o’zbek, ma’lumoti oliy. 1999 yilda Samarqand qishloq xo’jaligi institutini, 2004 yilda Toshkent davlat iqtisodiyot universitetini moliya mutaxassisligi bo’yicha tamomlagan.

2000 – 2004 yillarda Samarqand shahar Temir yo’l tumani Xalq ta’limi bo’limi hamda tuman hokimliklarida hisobchi, iqtisoqchi lavozimlarida;

 2004 – 2012 yillarda Samarqand viloyati hokimligi Moliya boshqarmasi yetakchi iqtisodchisi, bo’lim boshlig’i muovini lavozimlarda;

 2012 – 2017 yillarda O’zbekiston Respublikasi Moliya vazirligi Ijtimoiy soha va fanni moliyalashtirish bosh boshqarmasining Umumiy o’rta va maktabgacha ta’limni moliyalashtirish bo’limi yetakchi iqtisodchisi, keyinchalik bo’lim boshlig’i lavozimlarida ishlagan

 2017 – 2018 yillarda O’zbekiston Respublikasi Moliya vazirligi Davlat budjeti bosh boshqarmasi boshlig’ining o’rinbosari.

 2018 – 2019 yillarda O’zbekiston Respublikasi Moliya vazirligi Davlat budjeti bosh boshqarmasi boshlig’ining birinchi o’rinbosari.

Mexnat faoliyati davomida Davlat budjeti siyosatining ustuvor yo’nalishlarini va hususiyatllarini, budjet tizimini boshqarishning tashkiliy va huquqiy asoslarini, budjet daromadlari va xarajatlarini prognozlashtirish uslublarini va ijrosini ta’minlash mexanizmalarini, budjetlararo munosabatlarning asosiy shakllarini, shuningdek hozirgi zamon budjet amaliyotining dolzarb muammolari va rivojlantirish omillari yuzasidan yetarli bilim va tajribani ortirgan salohiyatli mutaxassis hisoblanadi.

Uning bevosita ishtirokida bir qator budjet qonunchilik bazasi, ya’ni O’zbekiston Respublikasi Budjet kodeksi, mahalliy budjetlarning daromadlar bazasini kengaytirish, zaxiralarini aniqlash ishlarini tashkil etish, budjet ma’lumotlarining ochiqligini va budjet jarayonida fuqarolarning faol ishtirokini ta’minlash hamda O’zbekiston Respublikasining soliq siyosatini takomillashtirish konsepsiyasini loyihalari ishlab chiqilgan.   

  Hozirgi kunga qadar Jamshid Abruev O’zbekiston Respublikasi Moliya vazirligi Davlat budjeti bosh boshqarmasi boshlig’ining birinchi o’rinbosari lavozimida faoliyat yuritib kelgan.