O‘zbekiston Respublikasi Ichki ishlar Vaziri o‘rinbosari general-mayor Bekmurod Abdullayev Namangan viloyatidagi huquq-tartibot maskanlarining tungi faoliyatini o‘rgandi

IIV JXD Axborot xizmati

O‘zbekiston Respublikasi Ichki ishlar Vaziri o‘rinbosari general-mayor Bekmurod Abdullayev Namangan viloyatidagi huquq-tartibot maskanlarining tungi faoliyatini o‘rgandi

Namangan viloyatining Namangan shahar, Davlatobod va Yangi Namangan tumanlarida jinoyatchilik hamda huquqbuzarliklarning barvaqt oldini olishning yangicha tizimi joriy etilib, unga ko‘ra ushbu shahar-tumanlar o‘n beshta kichik hududlarga bo‘lingan va ularda zamonaviy huquq-tartibot maskanlari tashkil etilgan. 

Jumaladan, general-mayor Bekmurod Abdullayev Namangan shahridagi "Sardoba" va Davlatobod tumanidagi "To‘quvchi" huquq-tartibot maskanlari hamda u yerdagi xodimlarning tungi faoliyatini o‘rgandi. 

O‘rganishlar davomida, maskanda fuqarolar va xodimlarga yaratilgan shart-sharoitlar bilan yaqindan tanishilib, maskan faoliyati yuzasidan mas'ul xodimlarning taqdimoti tinglandi. Shuningdek, mas'ul rahbarlarga bu kabi maskanlar faoliyatini kengaytirish va yanada yaxshilash yuzasidan aniq topshiriqlar berildi.