On Reading

🌽ይህንን ፅሁፍ ከንባብ ውጪ ለማቅረብ አስበን ነበር።ነገር ግን የሰው ልጅ ችግሮች የበዙበት ሌላ ሰው ችግሮችን መፍታት ሲጀምሩበት ነው (ከመረዳዳት ውጪ)።

🌽ምግቡን አሽገው ሲሰጡት በውፍረት ይሞታል።ደስታውን በጠርሙስ በወረቀት ጠቅልለው ጠጣ ቢሉት ደስታውን ሳይጠግበው በስካር ይሞታል።የሰውን ጉድ በስልኩ መስታውት ተዝናንቶ እያየ ራሱን ጉድ ይሰራል። ተቀምጦ መዋል፣ሰው ሚያነበውን መስማት ፤ ሰው ያሰበውን አምኖ መቀበል .......... ተፈጥሮአችን አይደለም። ምግቡን እራሱ ማብሰል አለበት፤ መጽሀፉንም እራሱ ያንብ፤ ያኔ ሀሳቦችንም ከውስጡ ስለሚፈልቅ ከሌላ ሀሳቦች ጋራ በማጋጨት ውስጡን ይጠይቃል ለራሱ ማሰብ ይጀምራል። ሁሌም መዝናናት ፤ሁሌም ደስታ ፤ሁሌም በሰው መሣቅ እንደሌለ ማወቅ ይጀምራል ።ሰው ማሳቅ የሚያቀው አሪፍ ኮሜዲያን Groucho አንዴ ምን አለ፦

 🌽" I find television very educational. Every time somebody turns on the set, I go into the other room and read a book ."🌽

❇️  እነዚህ ፈተና ላይ የሚያተኩሩ በብዙ ድካም በመምህራን የተዘጋጁ ፅሁፎች ናቸው። ስለዚህ በሕይወታችን ውስጥ ሊረዱን የሚችሉ ምክሮች ስለሆኑ ለማንበብ ከዛም ለመጨረስ ሰነፍ አንሁን።

🙏🙏መልካም ንባብ🙏🙏

🌽ፈተናዎች ምፈተነው ለምንድን ነው?

✳️ከሁለተኛ ደረጃ ትምህርት ቤት በቀጥታ ወደ ዩኒቨርሲቲ ከመጣችሁ ፣ በጣም አስቸጋሪ እና አስጨናቂ  ከሆኑት አንዳንድ ፈተናዎች እንደተረፋችሁ ጥርጥር የለውም ። መልካሙ ዜና ማለፋችሁ ነው። እንኳን ደስ አለችሁ። መጥፎ ዜና ግን አሁንም ገና ከነዛ የባሱ ፈተናዎች እዚ አሉ። ይሄ ማስፈራሪያ አይደለም እውነታ ነው።

 ✳️ፈተናዎች አብዛኞቹን የዩኒቨርሲቲ ትምህርቶች  ለመገምገም የሚረዱ ዋና የትምህርት ክፍሎች ናቸው ።ግምገማ ጨምሮ ፈተናዎች ጥቅም ላይ የሚውሉባቸው ብዙ ምክንያቶች አሉ ፣

✳️ዋነኛው ምክንያት ማንኛውም ዓይነት ትምህርት ላይ የሚመጣ ፈተና መምህራን ተማሪዎች እንዲደርሱ ፈለጉትን የክህሎቶች እና የእውቀት ላይ መድረሳቸውን የሚለኩበት መሳሪያ ነው ። አብዛኛው አስተማሪ ተማሪዎችን Tension ውስጥ መክተት አላማቸው አይደለም ።

✳️ከመፅሃፍ ርቆ ፣ በተወሰነ ጊዜ ውስጥ፣ ​​ክትትል የሚደረግበት ቦታ ላይ መደረጉ ከመጀመሪያው ምክንያት እውቀትና እና ክህሎትን በግፊት ውስጥ ለመሞከር ነው። ምክንያቱም ሁሌም ድሎት ላይ ራሳችንን አናገኝም በውጥረት ውስጥ የሚሰራ ስራ ደሞ በነፃነት ጊዜ የተሻለ መሠራት ይቻላል።

✳️ተጨማሪ ምከንያቶች፦

 💊 በቁጥጥር ስር ያሉ ሁኔታዎች ውስጥ የተማሪዎችን ክህሎት እና አቅም ለመፈተሽ።

 💊 ፈተናዎችን ከዓመት ወደ ዓመት መደበኛ ለማድረግ።

 💊ደረጃቸውን የጠበቁ የግምገማ ሂደቶች እንዲኖሩ።

💊 ወግ(ልማድ )፦ ፈተናዎች የሚዘጋጁት ሁልጊዜ ስለተዘጋጁ ነው።

🌽ለፈተናዎቼ እቅድ እንዴት ላዘጋጅ?

🔰ካሊል ጅብራን በጣም አጫጭር በሆኑት ጽሁፎቹ የሚታወቅ ደራሲ፣ሰዐሊ፣ገጣሚ ነው The Fox የሚለው አጭር ጽሁፉ ግን የኔ ምንግዜም ምርጥ ታሪክ ነው። እነሆ

  🔰THE FOX 

A fox looked at his shadow at sunrise and said, “I will have a camel for lunch today.” And all morning he went about looking for camels. But at noon he saw his shadow again—and he said, “A mouse will do.”

 🔰ሲተረጎም ውበቱን ያጣል ግን ለማንኛውም ልተርጉመው

🌽አንድ 🦊ቀበሮ ነበረ በጠዋት ተነስቶ ጥላውን ሲያይ "ዛሬማ ሚገርም ግመል ነው ምሳ ሚበላው " ብሎ ለራሱ ዛተ። ጠዋቱን ሙሉ ግመል 🐪 ፍለጋ ተንከራተተ ግን ሊያገኝ አልቻለም ቀትር ሲሆንበት በቀትር ፀሀይ ትክክለኛ ጥላውን እንደገና አየና "አይጥም እኮ ቢሆን አይከፋም" አለ ይባላል።

⁉️የታሪኩ ዋና መልዕክት ምንድን ነው?

🔰የታሪኩ ዋና መልዕክት ከሁሉም በፊት ማወቅ ያለብን አቅማችንን ነው። ነው። እቅዶቻችን አቅማችንን ያማከሉ መሆን አለባቸው። አለበለዝያ ለጭንቀት ዋነኛ ምክንያት ይሆኑናል። አስተያየታችንን ካልቀየርን በስተቀር ትክክለኛ አቅማችንን እና ትክክለኛው ራሳችንን ለማግኘት ይከብደናል። ትክክለኛው ራስን መፈተሻ እና ማደግያ መንገድ ደሞ ውድድሩን ከራስ ጋር ማድረግ ነው።ውድድሩን ትላንት ከነበርነው እኛችን ጋር መሆን አለበት ምክንያቱም ሁሌም ከትላንታችን ማሻሻል ምንፈልገው ቢያንስ አንድ ነገር አናጣም። አንድ ሰው ሁሌም ከትላንት መንነቱ የተሻለ ሆነ ማለት ሁሌም ማለቂያ የሌለው የለውጥ ደረጃን እየወጣ ነው ማለት ነው።

🔰የቀበሮው ዋና ስህተት ራሱን በጠዋት ፀሀይ ጥላ መለካቱ ነበር። እኛም ራሳችንን ስንፈትሽ ከሌላ ሰው ጋር ሳይሆን ትላንት ከነበረው ሰውነታችን ጋር መሆን አለበት ፤ ትክክለኛ ያልሆነ ነገርን ማቀድ ትክክለኛ የሆነው ነገር እንዳንደሰትበት ያደርጋል ። ማምጣት የምንችለው ውጤትና ማምጣት የምንፈልገው በተቀራረበ ልክ የአእምሮ እረፍት ይኖረናል።

✅የመጀመሪያው መስፈርት ምን ሆነ ማለት ነው ⁉️

1⃣ አቅምን ማወቅ 

✅ሁለተኛው መስፈርት ምንድነው⁉️

2⃣ፈተናው ምን ላይ እና መቼ እንደሚሰጥ ማወቅ(ይሄን ከታች በደንብ እናየዋለን)

✅ሶስተኛውስ⁉️

3⃣በቂ ዝግጅት ማድረግ(እቺም ትለቃቃች)

✅የመጨረሻ⁉️

4⃣የፈተና ጊዜ ጭንቀትን መቀነስ(😁አንብቡ በርቱ ይፃፋል።)

🌽 ለፈተናዎች መዘጋጀት መቼ ልጀመር?

✳️መልሱ ፦ በትምህርቱ የመጀመሪያ ቀን ላይ ነው። ሁለት ለፈተና ስኬታማነት አስፈላጊ ነገሮች በዚህ ቀን ይከሰታሉ። በመጀመሪያ መቼ ለፈተና እንደምንቀመጥ የሚገልጽ እና በአጠቃላይ ስለ የትምህርቱን አሠጣጥ የሚናገር (Course Outline) ሊሰጠን ይችላል። ይህ File ሲኖረን  የፈተና እቅዳችን ማሰብ መጀመር እንችላለን ማለት ነው ። ቀጣዩ እና ሁለተኛው በመጀመሪያ በትምህርት ቀናት የሚከሰት ቁልፍ ነገር አጠቃለይ ስለ ትምህርቱ በአስተማሪው የሚሰጠው መረጃ ነው። እሱንና ወደፊት የሚነገሩትን ነገሮች በshortnote መያዝ አለብን። Class የመቅጣት ሱስ ራሱ ቢኖርባችሁ በተዐምር የመጀመሪያ class እንዳቀጡ ከፈለጋችሁ ሁለተኛውን መቅጣት ይቻላል።ከዚም በላይ ለአሪፍ የፈተና ዝግጅት ጥሩ ማስታወሻዎች አወሳሰድም አስፈላጊ ነው። 

✅የአጠናን አይነቶች

ሁላችንም የምንማርበት ዘዴ ይለያያል ።አንዳንድ ተማሪ በአስተማሪው ሲረዳ የተሻለ ይገባዋል ።አንዳንድ ተማሪ በራሱ ነገሮችን መረዳት በጣም ይመቸዋል። ሌላው ተማሪ ለሠው ሲያስረዳ ነገሮችን የተሻለ ሊረዳቸው ይችላል። ስለዚህ ንባብ ላይ ስንሆን የራሳችንን መማሪያ ዘዴ አውቀን መሆን አለበት።

🌽የፈተናው አይነት እንዴት ማንበብ እንዳለብኝ ይወስናል?

ሁሉም ፈተና እኩል አይደለም የምንፈተነው ፈተና አይነት የምናጠናበትን ዘዴ ይወስናል። ከዛም በላይ የትምህርቱ አይነት ትልቅ ተፅእኖ አለው። ሂሳብና ፊዚክስ ነክ ትምህርቶች ችግር አፈታትን ማለማመድ ላይ ያተኩራሉ። የአንድን ጥያቄ ዝርዝር አሰራር (ችግሩን እንዴት እንደፈታን) ማወቅ ይፈልጋሉ። እንደ History, Geography, Sociology, አይነት ትምህርቶች ግን ምርጫና ባዶ ቦታን ተጠቅመው ትምህርቱን ምንያህል በጥልቀትና በስፋት እንዳወቅነው መለካት ይፈልጋሉ። ስለዚህ ለእያንዳንዱ አይነት ፈተና ምን አይነት ጥናት ማድረግ እንዳለብን ማወቅ አለብን

✅ምርጫ ለሚበዛባቸው ፈተናዎች ይሰራሉ ብለን ምናስባቸው የጥናት ዘዴዎች

ምርጫ ያላቸው የጥያቄ አይነቶች ማንኛውም አይነት (ለመከራከር ወይም ሀሳብ ለማቅረብ) To Make Arguments ውጪ ሁሉንም ነገር ለመፈተሽ መጠቀም እንችላለን። ለዛም ነው አብዛኞውን ጊዜ ፈተናዎች ላይ የምርጫ ጥያቄዎች የሚበዙት ፤ ማንኛውንም አይነት ችሎታ መፈተን ይቻላል።

💊የምርጫ ጥያቄዎች ምርጫዎቹን እንደ Que በመጠቀም ከrecall ይልቅ recognition መጠቀም ይቻላል(recall እና recognition በአማርኛ ልዩነታቸውን ስላላወቅኩ ነው እንግለዘኛ ምጠቀመው) ግልጽ በሆነ አማርኛ የምርጫ ጥያቄዎን ለመስራት የሚያስፈልገን እውቀት ሁሉን የምናውቅበት እውቀት ሳይሆን ከሚሰጡት ምርጫዎች ውስጥ የቱ ትክክል እንደሆነ ብቻ ለመለየት የሚያስፈልገንን እውቀት ብቻ በቂ ነው።(you just need to know your subject matter well enough to recognise the right answer when you see it. You don't need to recall every fact) ግን እንደሚታወቀው ይሄ ማለት የምርጫ ጥናት ቀላል ነው ማለት አይደለም።ከዛም በላይ እያንዳንዱን ጥያቄ ለመስራት ትንሽ ጊዜ ስለሚሰጠን በትንሽ ሰዓት ብዙ ጥያቄዎችንና ብዙ ሀሳባችን ከመሸፈን ይቻላልና ።

🌽እና ታዲያ እንዴት ላንብብ?

🎄በመጀመሪያ ደረጃ ሁሉንም ኖቶች በአጭሩ ለመረዳት በሚያስችል መንገድ ማንበብ፤ chapter summaryንም ደጋግሞ ማንበብ፣ ትምህርቱን በተቻለ መጠን (ከጥልቀት ይልቅ) በስፋት ማወቅ።

🌽እንዴትስ አለንብብ?

ስለአንድ ነገር በጥልቀት ማንበብ ሰዓት ስለሚሻማ ባናደረገው ይመረጣል።

💊ነገር ግን አንዳንድ ጊዜ ከማስታወስ(recognition) ይልቅ ማወቅን(recall) መፈተሽ ይፈልጋሉ ። እነዛን በጥልቅ ተጠያቂ ሀሳቦችን ለማወቅ ያለፉትን አመታት ጥያቄዎችን መሥራት የፈተናውን ትኩረት ማወቅ ይቻላል።(ይሄ ግን ሁልጊዜ ላይሰራ ይችለል) 

💊ከአንድ በላይ ትክክለኛ መልስ ሊኖር እንደሚችል ልብ ማለትም ወሳኝ ነገር ነው ፣በዚህ ጊዜ ጥያቄው ስህተት እንደሆነ ከማሰብ ይልቅ በተዓምር ውሸት መሆን ማይችለውን (The Most Correct Answer) ምርጫ መምረጥ አዋጭ ዘዴ ነው።

🌽ስለዘገየ በጣም ይቅርታ ጊዜ ጋር መሄድ አቅቶን ነው። ወደዃላ ቀረን

❇️ባዶ ቦታ ሙሉ 

🌽ስሙ እንደሚነግረን ጥያቄዎቹ በጣም ግልጽ እና ቀጥተኛ መልስ የሚፈልጉ ናቸዉ። ይሄ ደግሞ ከምርጫ በተቃራኒ ጥልቅ እውቀታችንን የሚፈትሹ ናቸው።

⁉️Conversion of emotional dysfunction into physiological problems is__________

💯ለዚህ ጥያቄ መልሱ እንደገና አንድ ብቻ ነው hysteria ስለዚህ እያንዳንዱን ቁልፍ ነገር ማወቅ አለብን ማለት ነው እንደዚህ አይነት ጥያቄዎች ስናነብ በተሰጠን topics ውስጥ ቁልፍ ነገሮችን ማወቅ አለብን። ማለት ነው 

🔱ለምሳሌ፦ psychology unit -1

🔑Key Terms : Structuralism, correlational, dependent variables ......

 🌽ከዛ እነዚህን በመደርደር ለራሳችን በሚገባ ቋንቋ መጽሀፎችን እያገላበጥን መጻፍ በጣም ያዋጣል። ወይም እንደፈረንጆቹ flash card መጠቀምም ይቻላል ። ያወቅናቸውም ቢመስለን ሁሉንም ነገሮች ከኖታችን ርቀን ፈተና ላይ እንዳለን በማስመሰል እንደገና መፃፍ ወይም ለራስ ማነብነብ ግን ስንፅፍ ለማስታወስ እንዲረዳን ብቻ እንጂ ሙሉ defination መገልበጥ ሰዓት ማባከን ነው። ለማስታወስም አይመችም ፅፈን ሰንጨርስ መፃፍ ከበድ ያሉንን ርዕሶች ደጋግሞ አንብቦ እንደገና ለመፃፍ መሞከር።

‼️መደረግ የሌለበት ነገር

🌽ሁሉም ነገር ለማስታወስ መሞከር አያዋጣም ዋና ርዕሶቹን በብልሀት መምረጥ መቻል አለብን።

‼️ ዋና(ቁልፍ) ርእሶቹን በምን እናውቃለን? (They are usually BOLD 😊)

 🌽ከዚህ በፊት ባሉ ተመሳሳይ ፈተናዋችን መስራት የተሻለ ሀሳብ እንዲኖረን ያደርገናል። ከሌለን ደግሞ የመፅሀፋችንን Summary በማየት መለየት እንችላለን ቀላል ለሆኑት ትንሽ ሰአት ከባድ ለሆኑት ደግሞ ሰአት መስጠት ያስፈልጋል።

❇️ይሄ ዘዴ በአጠቃለይ መታወቅ ላለባቸው ነገሮች ሁላ ይሰራል። አዛምድ፣ አጭር መልስ ስጥ... ምክንያቱም ምን ያህል ትምህርቱን በጥልቀት እንዳወቅነው መፈተሽ ስለሚፈልጉ።

‼️ማስጠንቀቂያ ! ሁሌም ከዚህ በፊት የነበሩ ፈተናዎች ላይ ያሉ ጥያቄዎች ሊወጡ አይችሉም ።የመምጣት እድላቸው የጨመረ ነው እንጂ እንዲያውም ላይወጡ ይችላሉ ።ስለዚህ ጥንቃቄ ይደረግ ያለፈው አመት ጥያቄ ተሰርቷል ማለት ፈተና ላይ የሚወጣው ይታወቃል ማለት አይደለም።‼️

አመሠግናለሁ !