Ogohlantirish!

Farmatsevtika mahsulotlari xavfsizligi markazining Postmarketing nazorati bo‘limi tomonidan o‘tkazilgan nazorat tadbirlari davomida xarid qilingan “Medflora” MChJ korxonasi tomonidan ishlab chiqargan “70 foizli tibbiyot etil spirti” (ishlab chiqarilgan sana: 02.2022, yaroqlilik muddati: cheklanmagan, seriya: 210222) dori vositasi o‘tkazilgan laboratoriya tahlillari natijasiga ko‘ra normativ hujjat talablariga javob bermaslik holati aniqlandi.

Tekshiruvlar natijasida mazkur mahsulot belgilangan standartlarga javob bermasligi, ishlab chiqarish jarayoni Yaxshi ishlab chiqarish amaliyoti (GMP) — O‘z DSt 2766:2018 talablariga muvofiqligini tasdiqlovchi sertifikatga ega emasligi ma‘lum bo‘ldi. Shuningdek, dori vositasini ishlab chiqarish huquqini beruvchi litsenziya mavjud emasligi hamda mahsulotning davlat ro‘yxatidan o‘tkazilganlik guvohnomasi amal qilish muddati tugagani aniqlangan.

Yurtimizda dori vositalarining ulgurji va chakana realizatsiyasi bilan shug‘ullanuvchi hurmatli tadbirkorlar!

Yuqoridagilarni inobatga olib “Medflora” MChJ tomonidan ishlab chiqarilgan “70% tibbiyot etil spirti” (ishlab chiqarilgan sana: 02.2022, yaroqlilik muddati: cheklanmagan, seriya: 210222) dori vositasini tibbiyot amaliyotida foydalanishni darhol to‘xtatilsin, mavjud zaxiralarni belgilangan tartibda chaqirib olinib va yo‘q qilish choralari ko'rilsin.

Eslatib o‘tamiz, “Dori vositalari va farmatsevtika faoliyati to‘g‘risida”gi Qonunining 23-moddasiga muvofiq, cifatsiz, qalbakilashtirilgan, O‘zbekiston Respublikasida ro‘yxatdan o‘tkazilmagan dori vositalarini va tibbiy buyumlarni, shuningdek O‘zbekiston Respublikasida ro‘yxatdan o‘tkazilgan dori vositalarining g‘ayriqonuniy nusxalarini realizatsiya qilish maqsadida saqlash, tashish taqiqlanadi

Shuningdek, “Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizom”ga muvofiq, O‘zbekiston Respublikasida ro‘yxatdan o‘tkazilmagan sifatsiz, qalbakilashtirilgan dori vositalarini va tibbiy buyumlarni, shuningdek, O‘zbekiston Respublikasida ro‘yxatdan o‘tkazilgan dori vositalarining g‘ayriqonuniy nusxalarini saqlash va (yoki) realizatsiya qilish, litsenziyaning amal qilishini tugatishga olib keladigan litsenziya talab va shartlarini qo‘pol ravishda buzilishi hisoblanadi.