Очлик қоидалари

Очликни тўғри амалга оширилса хар қандай касалликдан, хаттоки саратон ва жигар циррозидан қутулиш мумкин. Хар бир дардни негизида тўқлик тургани каби, хар бир дардни очлик билан енгиш мумкин.

Набавий табобатда рўза тутинг саломат бўласиз дейилган. Очликдаги аутофагия жараёнини илмий ёритиб берилгани учун япон олимига нобель мукофоти берилган. Шунинг учун касал одамга сизга оч қолиш мумкин эмас, иммунитетингиз тушиб кетади деган иддаоларни айтувчиларга рўзанинг фойдаларию япон олимининг тадқиқотлари кучли раддия хисобланади.

Беморлар учун очликни шу соҳада илми бор мутахассис назоратида амалга ошириш тавсия қилинади. Ундан ташқари очликни ўтказишдан олдин очлик тўғрисида илмни ўрганиш керак. Очлик вақтида организмда қандай биохимиявий жараёнлар кечишини, очлик даврида қандай нохуш ҳолатлар юзага келиши мумкинлигини, очликка қандай тайёргарлик кўриш керак ва уни қандай қилиб ўтказиш керак, очликдан қандай чиқиш керак ва бошқа нозик масалаларни ўрганиб чиқиш керак бўлади. Ушбу маълумотларни қуйидаги йўриқномада жамлашга харакат қилганмиз.

Очликни ўтказиш 3 та этапдан иборат.

1.Очликка тайёргарлик кўриш.

2.Очликни ўтказиш.

3.Очликдан чиқиш.

Бу уччала этап бирдек муҳим ҳисобланади.

Очликка тайёргарлик кўриш.

-        Аввалом бор ниятни тўғрилаб олишимиз керак. Хадисларда жуда ҳам кўп оч юришга тарғиб бор. Пайғамбаримиз Муҳаммад соллаллоҳу алайҳи васаллам хафтанинг душанба пайшанба кунлари, ойнинг 13,14,15 кунлари рўза тутиб оч юрганликлари, ҳамда уч кун ва ундан кўп муддатда умуман овқат емасдан оч юрганликлари тўғрисида ривоятлар келган. Агарда биз  суннатга эргашиб соғлиқни тиклаш ниятида Аллоҳга юзлансак, ушбу очликда барака бўлиб, енгиллик бўлади ва албатта савоб берилади иншаАллоҳ.  

-        Очликдан 1-2 кун аввал гўшт ва сут маҳсулотларини истеъмолини тўхтатиш тавсия қилинади.

-        Очликдан 1-2 кун аввал сурги дори ичиб ичакларни бўшатишга катта аҳамият бериш керак. Чунки ичакдаги тўпланган захарлар қонга сўрилиб, интоксикация, яъни ички захарланиш белгиларини (холсизлик, бош оғриғи, титраш, бехузурлик, юрак сиқилиши, сурункали касалликларни қўзиши)ни юзага келтириш мумкин. Шу жойда бир нарсани айтиб ўтиш керакки, айрим инсонларнинг очликка чидай олмайман дейишига сабаблардан бири  ичакдаги захарларни қонга сўрилиб, ички заҳарланишни юзага келишидадир.

Очликни ўтказиш.

Агар сиз авваллари очлик қилмаган бўлсангиз, у ҳолда организмни секин аста чиниқтириш керак. Аввалига хафтасига 24 соатдан икки марта. Кейин 36 соатли очликни хам хафтасига 2 марта. Кейинчалик 48 ва 72 соатли очликларни хафтасига бир мартадан ўтказиш тавсия қилинади. 3 марта 72 соатли очликни ўтказганингиздан сўнг 7 ва 10 кунлик очликни ўтказиш мумкин.

Сизнинг холатингиз, касалликларингиз ва бошқа вазиятларни эътиборга олиб мутахассис сизга очлик қилиш схемасини белгилаб беради.

Очликнинг турлари:

-        Вақтига қараб – 17,24,36,48,72 соатли ва 7, 10,14,21,30 кунлик очликка бўлинади.

-        Таом билан очлик – рўза тутиш. Энг енгил очлик қилиш тури ҳисобланади. Бу очликни хар куни, кун-ора ва хафтада икки марта ўтказиш мумкин. Холатингизга қараб рационни мутахассис тузади.

-        Сув ва таом билан очлик – сахарликка сув, ифторликка таом. Бу очликни хам хар куни, кун-ора ва хафтада икки марта ўтказиш мумкин. Холатингизга қараб рационни мутахассис тузади.

-        Сув билан очлик – яъни бунда хеч қандай таом ейилмасдан доимий равишда сув ичиб юрилади. Бу турдаги очлик рўза ўрнига ўтмайди ва буни 10 кундан ошиқ ўтказиш тавсия қилинмайди.

-        Қуруқ очлик – яъни сув билан рўза тутиш. Белгиланган очлик кунларида таом ейилмайди. Сахарлик ва ифторликка сув ичилади холос. Бу турдаги очликни хам 10 кундан ошиқ ўтказиш тавсия қилинмайди.

 Очликни қоидалари.

-        Ўзини руҳан тайёрлаш. Иҳтиёрий очлик енгил ўтиб шифо бўлади. Мажбурий очлик дард келтириши мумкин.

-        Доимо Аллоҳдан енгиллик сўраб дуо қилиш.

-        Очлик кунлари хар куни душ қабул қилиш.

-        Оғир меҳнат ва стрессдан узоқда бўлиш.

-        Ошхона ва егуликлардан узоқда бўлиш.

-        Телевизор кўриш, мусиқа эшитиш очликни оғирлаштиради.

-        Намоз, ибодат, илм ўрганиш, китоб ўқиш очликни енгиллаштиради.

-        Очлик вақтида интоксикация ёки сурункали касалликлар белгиси юзага келганда Аллоҳдан енгилликни сўраб дуо қилган холатда аввалига чуқур-чуқур нафас олиш, ўтмаса душ қабул қилиш, шунда ҳам ўтмаса клизма қилиш тавсия қилинади. Албатта бундай холатда очликни назорат қилаётган мутахассисга мурожаат қилиш керак.

Очликда организмда бўладиган биохимик ўзгаришлар.

-        Очлик даврида организмда “аутофагия” жараёни кечади, яъни хужайрага ташқаридан емиш келмаганда у ички манбалар – ахлат, чиқиндилар, патоген бактериялар ҳисобидан энергия ишлаб чиқаришни бошлайди ва шу билан ўзини ўзи тозалайди. Оч қолиш билан биз хужайралармизга ўзини ўзи тозалаб олишига фурсат қилиб беришимиз керак. Лекин организм доим тўқ юрса, хужайраларга ахлатни қайта ишлашга хожат қолмайди. Бу эса танамизда шлак ва ахлатлар тўпланишига сабаб бўлади. Натижада хар хил касалликлар юзага келади. Ёмон томони шундаки ахлатлар тиқилмалар хосил қилганда, дори дармонларнинг касал аъзога таъсири хам кесилади.

-        Очлик организм учун стресс ҳисобланади. Стрессда эса кортизол деган гормон ишлаб чиқарилади. Кортизолни асосий 2 хил таъсири бор. Биринчиси - эркаклик гормонини, яъни тестостеронни ишлаб чиқаришини камайтиради. Пайғамбаримиз Мухаммад соллаллоҳу алайҳи васаллам уйланмаган йигитларга рўза тутиб юришни маслаҳат беришлари бежизга бўлмаган, яъни оч қолганда эркаклик гормони кам ишлаб чиқарилади ва шу билан хирсни жиловлаб олиш мумкин бўлади. Кортизолни иккинчи таъсири – яллиғланишга қарши таъсирга эга. Асосан аутоиммун касалликлардаги яллиғланишларга яхши таъсирга эга. Инсон шамоллаган пайтда табий холатда иштахаси бўлмайди, ички қувват шамоллашни бартараф қилишга сафарбар қилинади. Лекин биз шу пайтда иштахамиз бўлмаса ҳам овқат еб ички қувватни сарфлаб қўямиз. Шу билан шамоллаш жараёни чўзилиб кетади.  Иммунитетни ишлаши узундан узун мураккаб биохимик жараёнлардан иборат. Агарда биз организмга халал бермасдан ўзини ўзи тозалаш ва тиклаш имкониятини берсак, иммунитетнинг ўзи кўп   муаммоларни хал қилади. Шунинг учун хам бронхиал астма, ревматоид полиартрит, склеродермия, псориаз, қандли диабет 1-тип каби аутоиммун касалликларни даволашда очликни ўтказиш хам яхши самара беради. Очлик бошлашдан бир кун олдин ётишдан олдин сано ичилади.

-        Очликда организм бир неча манбадан қувват ишлаб чиқаради. Шулардан бири организмнинг ўзини оқсили ва ёғларини парчалаб энергия хосил қилади. Оқсил парчаланганда азот ва мочевина хосил бўлади. Шуларни хисобига оғиздан хид келади. Ёғ парчаланганда эса кетон таначалари ва кейин ацетон хосил бўлади. Ацетон бу захар. Шу захар бизни мазамизни қочиради оч қолганимизда. Бу захарни кўп кўп сув ичиш билан организмдан чиқарворишимиз керак бўлади. Ундан ташқари бу захарнинг бир қисми теридан чиқади, шунинг учун оч кунлари душ қабул қилиб туришимиз керак.

-        Очликда азот, мочевина, ацетон каби чиқиндилардан ташқари танамизда йиғилган бошқа шлаклар ҳам қон орқали чиқариб ташланади. Агарда уларни миқдори кўпайиб кетса, терига тошмалар тошиши, тана ҳарорати кўтарилиши, бош оғриши, бош айланиши, титроқ бўлиши, қон босими кўтарилиши ёки тушиши, хар хил оғриқлар, эски касалликларни қўзиши каби холатлар кузатилиши мумкин. Бу белгилар очликда кузатилиши мумкин ҳолат бўлиб, кўпчилик холатда бир мунча вақтдан кейин ўтиб кетади. Айрим холатларда очликни тўхтатиш керак бўлади. Албатт бундай холатларда сизни назорат қилаётган мутахассисга мурожаат қилиш керак бўлади.

-        Очликни аввалги кунларида одатланган овқатланиш вақтлари келганда ошқозонда очлик ҳиссиётлари кузатилади. Бу ўз ўзидан ўтиб кетадиган ҳолат.

Очликдан чиқиш.

Очликдан тўғри чиқиш муҳим ҳисобланади ва унда иккита қоида бор

-        Очликдан чиқишда гўшт истеъмол қилмаслик. Гўшт истеъмол қилинса ҳазм жараёни аъзолари касалланиши мумкин.

-        Ейиладиган таомнинг миқдори кам бўлишлик. Кўп таом ейилса ичак буралиб қолиши мумкин.

3 кун ва ундан кўп муддатли ўтказилган очликлардан чиқилганда биринчи кун фақат мева ва сабзавотлар истеъмол қилинади. Иккинчи кун нонуштага мева, тушликка гўштсиз қайнатма, кечки овқатга пишган гуруч ва салат. 3 кун нонуштага арпа ёки сули бўтқаси, тушликка балиқ ва салат, кечки овқатга гўштли таом истеъмол қилса бўлади. Очликдан чиқишни бу таомномаси соғлом одам учун.

Касаллар учун очликдан чиқиш таомномасини мутахассис тузиб беради.  

Хозирги карантин кунларда очлик ўтказишни хохловчилар учун, айниқса сурункали касалликлари борлар учун онлайн маслаҳатга мурожаат қилинг.

Мурожаат учун +998911391616 , Исмоил Маҳмудов