ОЛДИНДА ЖИДДИЙ СИНОВЛАР КУТМОҚДА
Бекободлик таэквондочи Чарос Қаюмова Бирлашган Араб Амирликларида шу йилнинг 31 январь – 2 февраль кунлари бўлиб ўтадиган "Fujairah Open" нуфузли халқаро мусобақада иштирок этади.
Мазкур мусобақада мамлакатимиз нуфузини жами 7 та спортчи ҳимоя қилиб, жаҳоннинг 30 та мамлакатидан келган таэквондочилар билан беллашишади.
– Шарқ жанг санъати турлари билан анчадан бери шуғулланаман, – дейди Чарос Қаюмова. – Мунтазам олиб борилган машғулотлар ва мусобақалар давомида ўзимга ишончим ортди, чиниқдим. Таэквондо ВТФ ҳам жисмоний, ҳам маънавий етукликка қилади. Бу жанг санъатини эгаллаган инсон ўзини ҳимоя қила олади, жанг давомида оёқ ва қўлларини ҳам ҳужум, ҳам ҳимоя учун ишлатади. Бундай халқаро мусобақаларда ўрганганларимиз синовдан ўтади.
Ўзбекистон давлат жисмоний тарбия ва спорт университети талабаси Ч. Јаюмова шу кунларда тажрибали устози, Чирчиқ шаҳар ихтисослаштирилган Олимпия захиралари мактаб-интернати мутахассиси Паҳлавон Собиров билан тинимсиз шуғулланмоқда.
Умид қиламизки, вилоятимиз вакили мусобақада муносиб қатнашади. Бекободлик спортчи қизимизга омад тилаб қоламиз.
Манба:”Тошкент ҳақиқати” газетаси
https://t.me/haqiqatonline