OCHIQ DARS: KENG TARQALGAN XATOLAR
Birinchi xato: juda yengil mavzuni tanlash
Bolalar maʼlumotni qanchalik tez anglashlari, dasturni qanchalik uddalayotganlarini namoyish etishni istab, oʻqituvchilar koʻpincha dars mavzusi sifatida bolalar oʻrgangan va yaxshi oʻzlashtirgan materiallarni tanlashadi. Oʻquvchilar ishtiyoq va zavq bilan doskaga chiqishadi. Aʼlochi oʻquvchilargina qoʻl koʻtarishadi. Ushbu ssenariy “Qanday qilib ochiq dars oʻtkazish va bundan aqldan ozmaslik kerak?” deb nomlangan muammoning aniq va optimal yechimi boʻlib tuyuladi.
Agar darsingizga taklif qilingan mutaxassis juda yosh va tajribasiz oʻqituvchi boʻlsa, bu usul albatta ishlaydi. Biroq, sizning darsingizda ishtirok etishi mumkin boʻlgan mutaxassislar doimo katta kasbiy tajribaga ega boʻlishadi. Ular bu hiylani darrov payqashadi, shunda siz uchun koʻplab savollar tugʻiladi.
Ikkinchi xato: darsni bolalar bilan oldindan takrorlash
Baʼzi oʻqituvchilar, goʻyoki ideal koʻrinadigan ochiq darsni oʻtkazishni istasalar, osonroq mavzuni tanlashadi. Dars davomida ular faqat bilimi kuchli oʻquvchilarga murojaat qilishadi. Shu bilan birinchi darajali pedagogik ishning illyuziyasini yaratib, komissiya koʻzini shamgʻalat qilish uchun hiyla-nayrang usullarini oʻylab topishadi. Afsuski, koʻplab oʻqituvchilar xavotirga tushib, darsni bolalar bilan oldindan takrorlashga qaror qilishadi. Ular oʻquvchilarni “jiddiy” amakilar yoki xolalar darsga kelishlari haqida ogohlantirishadi, ularning oldida hech qanday ortiqcha hatti harakat qilmaslik, qirq daqiqada oʻzlarini qanday holatda tutishni aytishadi. Oʻquvchilarga savollarga javoblar berilgan tayyor shpargalkalarni berishadi. Bu yerda oʻqituvchilik xatosi nimada?
Siz har kuni bu bolalar bilan ishlaysiz, ularga nafaqat mavzuni oʻrgatishga, balki ular bilan oʻzaro aloqalarni malakali ravishda oʻrnatishga harakat qilasiz. Bir marta aldashga qodir ekaningizni koʻrsatib, oʻqituvchilik obroʻsini butunlay yoʻqotishingiz mumkin.
Uchinchi xato: Ochiq dars paytida oʻzini boshqacha tutish
Baʼzan ochiq dars oʻtkazadigan oʻqituvchilar oʻzlarini gʻayritabiiy tutishadi. Ular bolalarga yangicha murojaat qilishadi: qattiqroq yoki aksincha, yumshoqroq. Kutilmagan intonatsiyalardan foydalanib, oʻzlarini odatda boshqacha koʻrsatishadi. Bu hatti-harakatlar tushunarli boʻlsa-da (koʻp odamlar jamoat oldida soʻzlaganda hayajonlanishadi), oʻquvchilaringiz buni yoqtirmasligi mumkin.
Ular sizni har doim ham ishonishga loyiq boʻlgan inson sifatida koʻrishadi. Bu holatingiz, aslida dars kim uchun ekanligini unutganingiz uchun hurmatni yoʻqotishiga olib keladi. Yodingizda boʻlsin, ochiq dars bolalar uchun. Har qanday dars faqat bolalar uchun oʻtkaziladi. Ular birinchi oʻrinda.
Kanalga obuna bo'lish:👇👇👇
Telegram | Facebook | Instagram | You Tube | Twittter