Nurafshon: Fidoyi insonlar doim ardog'imizda

Bugun shahrimizdagi "Tong" madaniyat markazida shahar hokimi Muzaffar Saliyev boshchiligida yana bir xayrli tashabbus amalga oshirildi.

Xabaringiz bor, Nurafshon shahrining 5 yillik yubiley bayrami munosabati bilan "Nurafshon shahri qadim o‘tmishdan nurli kelajakka" nomli kitobi nashr etilgan edi.

Mazkur kitobdan shaharning qadimiy, uzoq va yaqin tarixiy o‘tmishi; shahar bunyodkorligi yo‘lidagi shonli 5 yil solnomasi; shuningdek, uning porloq kelajagi; shu tabarruk zamin farzandi bo‘lgan fidoyi insonlar hamda shahar mahallalari haqida batafsil ma'lumot o'rin olgan.

Nurafshon shahridek tabarruk zamindan yetishib chiqqan fidoyi insonlar, ko'p yillik samarali mehnati, shahrimizning iqtisodiy, siyosiy, ijtimoiy, ilmiy, maʼnaviy salohiyatini yuksaltirishga munosib hissa qoʻshib kelayotgan bir guruh nuroniy-keksalarimizga hamda ularning oila a'zolariga ushbu kitoblarni topshirish marosimi o'tkazildi.