Норезидентнинг даромадидан олинадиган солиқни ундан ушлаб қолмасдан солиқ агенти ҳисобидан тўлаб берилиши

Ситуация: Амалиётда хизматлар импортида норезидентнинг даромадидан олинадиган солиқни ушлаб қолиш ва тўлаш мажбурияти камроқ юзага келганлиги туфайли, баъзи ҳолларда ушбу солиқ бюджетга ўз вақтида тўлаб берилмайди. Шартли равишда импорт контрактига мувофиқ хизматлар қиймати 2 000 АҚШ долларини ташкил этади ва ушбу 2000 АҚШ доллари конвертация қилиниб хорижий хамкорга ўтказилган, дейлик. Хизматлар кўрсатилган кунда 2 000 АҚШ долларига бажарилган ишларни топшириш-қабул қилиш далолатномаси имзоланган.Корхона норезидентнинг даромадидан олинадиган солиқни ўз маблағлари ҳисобидан амалга ошириши мумкинми? Агар хорижий контрагентнинг даромадидан солиқ суммаси ушлаб қолинса, солиқ суммасига дебиторлик қарзи вужудга келмоқда.

Норезидентнинг Ўзбекистон Республикасидаги манбалардан олинган ва доимий муассаса билан боғлиқ бўлмаган даромадларидан олинадиган солиқ норезидентга даромад тўловчи солиқ агенти томонидан ҳисоблаб чиқарилади ва ушлаб қолинади. Солиқнинг ушлаб қолиниши солиқ тўловчининг даромадларидан бундай даромадларнинг ҳар бир тўлови пайтида амалга оширилади (СК 351-м. 1-қ.). Солиқ қонунчилигининг талаби шундай.

Бухгалтерия ўтказмалари:

👉Манба: https://buxgalter.uz/uz/question/20910

Кўриб турибмизки, 6010 «Мол етказиб берувчилар ва пудратчиларга тўланадиган счётлар» счётидаги қарздорлик ёпилди. Бунда дебитор қарздорлик вужудга келмайди.

Шу билан бирга солиқ агенти солиқ солишдан озод қилишни ёки пасайтирилган солиқ ставкасини, агар даромад олувчи норезидент Ўзбекистон Республикасининг халқаро шартномаси тузилган давлатнинг солиқ резиденти бўлса, мустақил равишда қўллаш ҳуқуқига эга (СК 357-м. 2-қ.). Бунинг учун хорижий корхона ўз давлатининг резидентлик сертификатини даромадни тўлаш санасидан кечиктирмай тақдим этиши лозим (СК 357-м. 3-қ.).

Амалиётда сизнинг чет эллик ҳамкорингиз Ўзбекистон Республикаси Солиқ қонунчилиги талабларидан катъи назар, шартномада кўрсатилган 2000 АҚШ доллари миқдоридаги суммани тўлаб беришингизни талаб қиладиган ҳолат ҳам бўлиши мумкин.

Солиқ суммаси ушлаб қолинмаганда ёки Ўзбекистон Республикасининг халқаро шартномалари қоидалари ғайриқонуний равишда қўлланилганда, бу солиқнинг ушлаб қолинмаслигига ёки тўлиқ ушлаб қолинмаслигига сабаб бўлса, солиқ агенти ушлаб қолинмаган солиқ суммасини ва тегишли пеня суммасини бюджетга киритиши шарт. Солиқ агенти томонидан Солиқ кодексининг қоидаларига мувофиқ норезидентнинг даромадларидан ҳисоблаб чиқарилган солиқ суммаси ўз маблағлари ҳисобидан уни ушлаб қолмаган ҳолда тўланган тақдирда, солиқ агентининг солиқни ушлаб қолиш ва ўтказиш бўйича мажбурияти бажарилган деб эътироф этилади (СК 354-м. 11-12 қ.).

Корхона норезидентнинг даромадидан ушлаб қолмасдан ўз ҳисобидан тўлаб юборган солиқ суммалари фойда солиғи бўйича солиқ базасини аниқлашда чегирилмайди (СК 317-м. 11-б.). 

@GoraBuxgalterov