NetSurf Internet: WiFi Speed Test
NetSurf Internet
NetSurf Internet hmanga WiFi Speed kan test na leh a result hrang hrang te sawifiah pahin kan han tarlang ange.
Speed test hi Fiber plan 100 Mbps speed a test neih a ni.
Speed test na application atan Ookla speedtest.net hman a ni.
Server ah Powergrid Corporation of India Limited: New Delhi hman a ni bawk a. Server kan hman a zirin kan result pawh a danglam nasa thei khawp mai.
2.4 GHz WiFi
A hnuaia thlalak hi 2.4 GHz WiFi Frequency dinhmun a ni a. A tawt in a inthuah nasa khawp mai. Hei hian speed leh stability nasa takin a tih ṭhatloh phah ngei a rinawm.
A hmasa ber atan WiFi router man tlawm, kan hman lai, connect tu pawh awm nual Mercusys 305R hmanga test neih a ni.
WiFi connect tu kan tam a, router ṭha leh man to tak a nilo bawk nen, signal chhe tak tak a connect tu an awm nual bawk a, WiFi Performance chu a lo ti danglam nasa thei khawp mai.
Nge kan internet hi a muang ve hrim hrim? Ilo thlir zel ang.
A dawt leh atan chuan TP-Link Archer C60 WiFi Router pangai ve tak hmanga test neih leh a ni.
WiFi Router ṭha pangai tak hmanga, keimah chiahin ka connect chung pawn 2.4 GHz WiFi ah chuan duhthusam a la ni chuang hauh lo mai.
Thalak hmasa berah khian 2.4 GHz WiFi frequency hmangtu khawl dang tam zia leh a in bawhthuah nasat zia kan lo hmu tawh a. Rin lawk angin speed chu a tih chhiat phah a ni thei angem?
5 GHz WiFi
A hnuai thlalak a kan hmuh ang hian 5 GHz frequency a ka channel hman lai chu khawl dang hmang ve tu an awm lo a. Hemi ah chuan speed leh stability chu a ṭha thei ang ber kan hmuh theih ka ring a. Online games khelh nan pawh duhthusamin a ṭhat ka beisei.
TP-Link Archer C60 hian 5 GHz WiFi a neih ve tho avangin midang hman ve miah loh channel hmangin a dawtah test neih leh a ni a.
Vawi khat test na result ah pawh duhthu a sam nghal khawp mai. Hei hian a hma lama kan lo sawi tawh leh rin lawk ang te chu a rawn ti chiang viau in ka hria a.
A chian lehzual nan 5 GHz WiFi kan hman sa nen in ang chiah turin a channel chu ka set ve leh a.
5 GHz WiFi pawh a in bawhthuah chuan speed a hniam phah nghal ngei mai. Mahse 2.4 GHz ang em em a in thuah nasa a nih loh avangin a la zia zawk deuh chuan a lang.
A hma zawnga WiFi tha reng thin pawh thenawm ten WiFi an neih thar avangin kan WiFi in alo chhiat pui theih zia kan hriat belh ngei ang.
WiFi range tawi hi Service Provider thlak avanga thui belh thei a ni lo a, WiFi Router man to apiang hi a range a thui phah bawk hek lo.
WiFi connect phak lohna hmunah emaw signal tlemna hmunah chuan WiFi extender hmangin emaw signal pek chhuah that leh mai tur.
Phone zawng zawngin 5 GHz WiFi an nei vek lo na in, tunlai phone chhuak thar chuan a nei deuh vek tawh thung.
He kan test result aṭang hian WiFi dinhmun tamtak kan hriat belh ngei ka beisei.