Неге Python?

Күрделіден қарапайым жақсы. © Дзен Python

Осы керемет бағдарламалау тілін қолданайын ба, жоқ па деп екі ойлы боп жүргендерге арналады.

Python деген не?

Python – жаңадан бастап жатқанға да, әккі маманға да қолайлы бағдарламалау тілі. Басқа бағдарламалау тілдеріне қарағанда көп сөйлемейді.

Жалпы Python барлығына қол жетімді. Үйренуге де, қолдануға да оңай. Тіпті түгелге жуық затты бұнымен жасаса болады

Сонымен қатар Python қауымдастығы тату.

Тілдің танымалдылығы

Барлығына жаңалық емес, Python – ең көп қолданылатын бағдарламалау тілдерінің бірі. Әлемнің түгелге жуық ірі компаниялары өздерінің технологиялық тауарларында бұл тілді жиі қолданады. Онша емес тілдерді ешкімнің қолданбасы бәрімізге түсінікті шығар, яғни Python тілінің қолданылуының ауқымдылығы, оның күштілігін көрсетеді. Төменде Python тілін қолданатын компаниялардың кейбіреуімен танысып қойыңыз:

• Microsoft
• Google
• Facebook
• Dropbox
• Yandex
• және тағы басқалары

IT алпауыттарының арасында танымал болғаны әлбетте жақсы. Алайда жеке жобаларда пайдаланған қалай болады екен? Ал бұл жерде тіпті керемет: көптеген жаңадан бастап жатқандар (әккі мамандарда) синстаксисінің қарапайымдылығы (жеңілдігі) үшін, кез-келген бағдарламаны тез жасап тастауға болатыны үшін тап осы Python-ді таңдайды.

Қолданыс аялары

Шамамен бүкіл салаларларда Python толығымен немесе жарым-жартылай болсын қолданылады, тіпті ойын жасауда (Battlefield, EVE Online, Sims 4, Civilization IV және басқалары), микроконтроллер және үрдістерді автоматтандыруда қолданады. Алайда ең танымалы төмендегі екі сала.

Web Әзірлеу

Python ұялмай өзінің web-фреймворктарымен мақтана алады, нақтырақ Django және Flask-пен (негізі бұдан көп). Қосымшаның сервер жағының кодын жазу үрдісін едәуір жеңілдетеді: олардың арқасында адрестерді өңдеу, мәліметтер қорын пайдалану және пайдаланушыларға көрсетілетін беттерді құру үрдісі жеңілдеді.

Сонымен қатар осы екі фреймворктың бірін болсын білетін Python әзірлеушілерге арналған вакансиялар күннен-күнге артуда.

Data Science (машиналық оқыту, деректерді талдау)

Python-да "машиналық оқыту саласында" өнімді скриптарды жылдам құруға көмектесетін әртүрлі модульдер бар. Мысалы, Scikit-learn. Оның ішінде ең кең таралған оқыту алгоритмдері орнатылып қойған. Келесі, TensorFlow, бұл қолданушы өзінің алгоритмін құруға мүмкіндіктер ашатын төменгі деңгейдегі кітапхана.

Python бағдарламалау тіліне негізделген машиналық оқыту үрдістері келбет пен дауысты тану жүйелерін, нейрондық желілерді, терең оқыту (deep learning) және басқада көптеген заттар жасауға көмектеседі.

Негізгі артықшылықтары

Біз Python - ең жақсы бағдарламалау тілі деп таласқымыз келмейді. Әр тапсырманың өз құралы болуы керек, бірақ кейбір құралдар (яғни тілдер) басқаларына қарағанда жақсырақ шешеді. Енді Python-ның мықты жақтарын қарастырайық.

1. Ең танымал тілдердің бірі

Java және C++ - бұл объектіге-бағытталған тәсілі бар тілдер. Оларды қолдану өте кең таралған және тиімділігі орасан зор. Бұл тілдердің жалғыз мәселесі - олармен жоба жасау қиын. Код көбінесе күрделі болып келеді, сондықтан кез-келген бөлікті түзету немесе қайта өңдеу өте қиын үрдіс.

Екінші жағынан, Python-да Java және C++ сияқты объектіге-бағытталған бағдарламалаудың барлық ерекшеліктері бар, ал қазіргі таңда өнімділігі жағынан қалыс қалмайды. Код аз, синтаксис қарапайым, сондықтан бәрін өзгерту, қайта өңдеу және оңтайландыру оңай.

2. Аз код қажет

Көбінесе, белгілі бір мәселені шешу үшін C++ Python кодына қарағанда бірнеше есе көп код қажет етеді.

Мысалы, Python және Java көмегімен қалай файлды ашып, сол жерден деректерді оқуға болатындығын көрейік:

Python

with open('file.txt') as file:
    content = file.read()

Java

import java.io.IOException;
import java.nio.file.Files;
import java.nio.file.Paths;
public static void main(String[] args) throws IOException {
    String content = new String(Files.readAllBytes(Paths.get("file.txt")));
}

2 жол vs 5 жол – жақсы нәтиже.

3. Барлығы қолдана алады

Python кроссплатформалы бола отырып, оны қарапайым студенттер мен фрилансерлерден бастап, стартаптар, IT-алыптарға дейін қолдана алады. Сонымен қатар, жаңадан шығып жатқан компаниялар істерін Python-ды қолдану арқылы экономикалық тұрғыдан тиімді бастай алады.

Қосымшалар мен бағдарламалық жасақтаманы жылдам әзірлеу мүмкіндігі Python-ды стартаперлер үшін таптырмас құрал екенін көрсетеді, өйткені олар тілдің барлық артықшылықтарын пайдалану арқылы қатал бәсекелестікте жеңімпаз болып шыға алады.

4. Алыптар пайдаланады

Python шағын және орта компанияларға ғана емес, сонымен қатар Google, Spotify, Instagram және Dropbox сияқты топ компанияларғада таптырмас бағдарламалау тілі. Python-ға көшкен IT емес алыптардан NASA, Electronic Arts және Disney атап айта аламыз.

Енді өзіңізді келешекте жоғарыда аталған компаниялардың бірінде Python тілін жетік біле жұмыс істейтініңізді елестетіңіз;)

Байланыс:

Telegram: it_bilimkz

Instagram: it_bilim.kz

Telegram chat: it_bilim_chat