«НАФОСАТ-2021» ФЕСТИВАЛИ ДОИРАСИДА МАТБУОТ АНЖУМАНИ ЎТКАЗИЛДИ
![](/file/300f7b7e34b9cfcb2387f.jpg)
Андижон вилояти ҳокимлигида Ўзбекистон Республикаси Олий Мажлиси Сенатининг хотин-қизлар ва гендер тенглик масалалари қўмитаси бош маслаҳатчиси Нодирахон Шотурсунова, Ўзтўқимачиликсаноат уюшмаси янги дизайнерлик ишлари жорий этиш бўлими бошлиғи Камола Гулямова, Хадичаи кубро аёл-қизлар ўрта-махсус Ислом билим юрти раҳбари Нозима Ибрагимова, Маҳалла ва оилани қўллаб-қувватлаш вазирлиги мутахассиси Тўлиной Қодировалар иштирокида матбуот анжумани ўтказилади.
![](/file/3bc79642c4afae84f1e1c.jpg)
Унда сўз олганлар жамиятда хотин-қизларнинг фаоллигини ошириш, уларни қўллаб-қувватлаш борасида амалга оширилаётган изчил ислоҳотлар хусусида фикр-мулоҳазалар билдирдилар. Шунингдек, аёлларни миллий менталитетимизга хос кийиниш маданиятини шакллантириш, оиладаги фарзандлар тарбиясидаги бўшлиқларни тўлдириш ҳамда хотин-қизларнинг бандлигини таъминлаш борасидаги лойиҳалар муҳокама қилинди. «Нафосат-2021» фестивалининг ҳудудий босқичини юқори савияда ўтказиш ва жараён билан боғлиқ масалаларга кенг ўрин берилди.
![](/file/ed56788f1373f7323496b.jpg)
Шунингдек, матбуот анжуманида Камолиддин Бехзод номидаги Миллий рассомлик ва дизайн институти Дизайн факультети декани - Сайёра Нишонова ҳамда мазкур институт кафедраси ўқитувчиси Азиза Саидғаниевалар ҳам иштирок этади.
Мулоқот давомида босма ва электрон ОАВлари вакиллари фикрлар билдириб, ўзларини қизиқтирган саволларига атрофлича жавоблар олдилар.
![](/file/7028cde386b0276d2d3d5.jpg)
![](/file/c0b33b757b9040d8f5b61.jpg)
![](/file/dfbc55cf82cd16827d0b4.jpg)
![](/file/d69a55bda32853f9c252f.jpg)
![](/file/93a4325467d78aeb749b9.jpg)
Андижон вилояти ҳокимлиги
МАТБУОТ ХИЗМАТИ