Nókis qalası ádillik bólimi tárepinen atalıqqa bekitilgen jaslar menen ushırasıw bolıp ótti

Nókis qalası ádillik bólimi hám “Madad” mámleketlik emes kommerciyalıq emes shólkemi menen birgelikte Nókis qalası ádillik bólimine atalıqqa belgilengen jaslar menen Qaraqalpaqstan Respublikası Awıl xojalıǵı hám agrotexnologiyalar institutında ushırasıw ótkerildi. Ushırasıwda jaslardıń mashqalaları úyrenilip hám olardı jol kartaǵa kiritiw máselesi kórip shıǵıldı.

Ushırasıw barısında búgingi kúnde qáwipli illetke aylanǵan Korrupciya máselesi de aytıp ótildi. Tiykarınan, Qaraqalpaqstan Respublikası Ádillik ministrligi tárepinen aprel ayı “Korrupciyaǵa qarsı gúresiw aylıǵı” ekenligi hám Ózbekstan Respublikası Prezidentiniń 2017-jıl 3-yanvarda “Korrupciya haqqında”ǵı 419-sanlı Nızamı mazmun-mánisi boyınsha, Korrupciya degenimiz ne ekenligi, onıń sebepleri, aqıbetleri onı ámelge asırǵan shaxslarǵa qanday jaza sharaları bar ekenligi haqqında tolıq túsinikler berildi.

Ushırasıw juwmaǵında jaslar tárepinen sorawlar berilip, ózlerine tiyisli juwapların aldı.

Nókis qalası ádillik bólimi