Myanmar Hard Talk
MHTNEWS❝(၁၀) ရက်အတွင်း ငွေကျပ် သိန်းပေါင်း ၈၃၀၀ ကျော်တန်ဖိုးရှိ တရားမဝင်ကုန်ပစ္စည်းများ ဖမ်းဆီးရရှိ❞
𝙈𝙃𝙏𝙉𝙀𝙒𝙎《𝙁𝙀𝘽～𝟏𝟒》
၂၀၂၆ ခုနှစ် ဇန်နဝါရီ ၂၈ ရက်၊ ၂၉ ရက်၊ ဖေဖော်ဝါရီ ၁ ရက်၊ ၂ ရက် ၃ ရက်၊ ၆ ရက်၊ ၇ ရက်၊ ၈ ရက်၊ ၁၀ ရက်နှင့် ၁၁ ရက်တို့တွင် ငွေကျပ် သိန်းပေါင်း ၈၃၀၀ ကျော်တန်ဖိုးရှိ တရားမဝင် သစ်မျိုးစုံ၊ လူသုံးကုန်ပစ္စည်းများ၊ လုပ်ငန်းသုံးကုန်ပစ္စည်းများ၊ လျှပ်စစ်ပစ္စည်းများ၊ စားသောက်ကုန်ပစ္စည်းများ၊ တရားမဝင်ကုန်ပစ္စည်းများ၊ မော်တော်ယာဉ်များ၊ မော်တော်ဆိုင်ကယ်များနှင့် တရားမဝင်ကုန်ပစ္စည်းတင် မော်တော်ယာဉ်များကို ဖမ်းဆီးရမိခဲ့ကြောင်း တရားမဝင် ကုန်သွယ်မှုတိုက်ဖျက်ရေး ဦးဆောင်ကော်မတီမှ သိရသည်။
ဖြစ်စဥ်များမှာ ဇန်နဝါရီ ၂၈ ရက်နှင့် ၂၉ ရက်တို့တွင် မန္တလေးတိုင်းဒေသကြီး၊ ပျော်ဘွယ်မြို့နယ်အတွင်း၌ တရားမဝင်အခြားသစ် ၆ ဒသမ ၃၈၉၂ တန်နှင့် တရားမဝင်သစ်ခွဲရာတွင်အသုံးပြုသည့် ဆက်စပ်ပစ္စည်းနှစ်မျိုး (ခန့်မှန်းတန်ဖိုးငွေကျပ် ၇၀၈၉၂၀၀)ကိုလည်းကောင်း၊ အဆိုပါပစ္စည်းများ တင်ဆောင်လာသည့် လိုင်စင်ရှိ သုံးဘီးယာဉ်နှစ်စီး (ခန့်မှန်းတန်ဖိုး ငွေကျပ် ၃၀၀၀၀၀၀) ကို လည်းကောင်း၊ ပြင်ဦးလွင်မြို့နယ်အတွင်း၌ တရားမဝင်အခြားသစ် ၅ ဒသမ ၀၇၄ တန် (ခန့်မှန်းတန်ဖိုးငွေကျပ် ၃၅၅၁၈၀၀၀) ကိုလည်းကောင်း စုစုပေါင်းခန့်မှန်းတန်ဖိုးငွေကျပ် ၄၅၆၀၇၂၀၀ ကို ဖမ်းဆီးရမိခဲ့ခြင်းဖြစ်သည်။
ထို့ပြင် ဖေဖော်ဝါရီ ၁ ရက်နှင့် ၂ ရက်တို့တွင် မွန်ပြည်နယ်၊ ဘီးလင်းမြို့နယ် ဘိုးလှကြီးရပ်ကွက်အတွင်း၌ မော်တော်ယာဉ်တစ်စီးပေါ်မှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် လျှပ်စစ်ပစ္စည်း ၁၃ မျိုး (ခန့်မှန်းတန်ဖိုးငွေကျပ် ၁၁၃၁၀၀၀၀၀) နှင့် အဆိုပါပစ္စည်းများ တင်ဆောင်လာသည့် လိုင်စင်ရှိ Hino Ranger Truck တစ်စီး (ခန့်မှန်းတန်ဖိုးငွေကျပ် ၂၂၀၀၀၀၀၀) ကိုလည်းကောင်း၊ မုဒုံမြို့နယ် ကွမ်တာကျေးရွာအနီး၌ တရားဝင်စာရွက်စာတမ်းအထောက် အထားတင်ပြနိုင်ခြင်းမရှိသည့် စားသောက်ကုန်ပစ္စည်း ငါးမျိုး၊ (ခန့်မှန်း တန်ဖိုးငွေကျပ် ၁၃၅၅၀၀၀၀)ကို လည်းကောင်း၊ လျှပ်စစ်ပစ္စည်း ၁၇ မျိုး (ခန့်မှန်းတန်ဖိုးငွေကျပ် ၃၆၃၀၇၀၀၀) ကိုလည်းကောင်း၊ လုပ်ငန်းသုံးပစ္စည်း ၁၁ မျိုး (ခန့်မှန်းတန်ဖိုးငွေကျပ် ၄၈၈၄၅၀၀၀) ကိုလည်းကောင်း၊ အဆိုပါပစ္စည်းများ တင်ဆောင်လာသည့် Mazda Titan Truck တစ်စီး (ခန့်မှန်းတန်ဖိုးငွေကျပ် ၂၅၀၀၀၀၀၀)၊ Mitsubishi Canter Truck တစ်စီး (ခန့်မှန်းတန်ဖိုးငွေကျပ် ၂၈၀၀၀၀၀၀)၊ Toyota Light Truck တစ်စီး (ခန့်မှန်းတန်ဖိုးငွေကျပ် ၂၅၀၀၀၀၀၀) စုစုပေါင်းခန့်မှန်းတန်ဖိုး ငွေကျပ် ၃၁၁၈၀၂၀၀၀ ကို ဖမ်းဆီးရမိခဲ့သည်။
အလားတူ ဖေဖော်ဝါရီ ၃ ရက်၊ ၆ ရက်၊ ၇ ရက်တို့တွင် ရန်ကုန်တိုင်းဒေသကြီး ဒဂုံမြို့သစ်(အရှေ့ပိုင်း)မြို့နယ် အနော်ရထာလမ်းမအနီး၌ တရားမဝင် မော်တော်ဆိုင်ကယ်တစ်စီး (ခန့်မှန်းတန်ဖိုးငွေကျပ် ၇၀၀၀၀၀၀) ကိုလည်းကောင်း၊ လှိုင်သာယာ(အနောက်ပိုင်း) မြို့နယ် သမကုန်းမီးပွိုင့်အနီး၌ တရားမဝင်မော်တော်ယာဉ် Toyota Crown တစ်စီး (ခန့်မှန်းတန်ဖိုးငွေကျပ် ၈၀၀၀၀၀၀) ကိုလည်းကောင်း၊ ကျောက်တန်းမြို့နယ် ရွှေကုန်းရပ်ကွက်၌ တရားမဝင်မော်တော် ဆိုင်ကယ်တစ်စီး (ခန့်မှန်းတန်ဖိုးငွေကျပ် ၂၀၀၀၀၀) ကို ပို့ကုန်သွင်းကုန် ဥပဒေအရလည်းကောင်း၊ လှည်းကူးမြို့နယ် စံပြကျေးရွာအနီး၌ တရားမဝင်ကျွန်းသစ် ၀ ဒသမ ၆၇၅၂ တန် (ခန့်မှန်းတန်ဖိုးငွေကျပ် ၈၁၀၂၄၀)ကိုလည်းကောင်း၊ ဒဂုံဆိပ်ကမ်းမြို့နယ် ပဲခူးမြစ်ကမ်းစပ်အနီး၌ တရားမဝင်ကျွန်းသစ် ၀ ဒသမ ၇၈၆၄ တန် (ခန့်မှန်းတန်ဖိုးငွေကျပ် ၉၄၃၆၈၀)ကို သစ်တောဥပဒေအရလည်းကောင်း စုစုပေါင်းခန့်မှန်းတန်ဖိုးငွေကျပ် ၁၆၉၅၃၉၂၀ ကို ဖမ်းဆီးရရှိခဲ့သည်ဟုဆိုသည်။
ယင်းအပြင် ဖေဖော်ဝါရီ ၇ ရက်၊ ၈ ရက်နှင့် ၁၀ ရက်တို့တွင် ပဲခူးတိုင်းဒေသကြီး၊ ဥသျှစ်ပင်မြို့နယ် ရတနာပုံရပ်ကွက်၌ တရားမဝင်မော်တော်ဆိုင်ကယ်တစ်စီး (ခန့်မှန်းတန်ဖိုးငွေကျပ် ၁၅၀၀၀၀) ကိုလည်းကောင်း၊ မိုးညိုမြို့နယ် နှမ်းကုန်းကျေးရွာ၌ တရားမဝင်မော်တော်ဆိုင်ကယ်တစ်စီး (ခန့်မှန်းတန်ဖိုးငွေကျပ် ၁၀၀၀၀၀)ကို လည်းကောင်း၊ သုံးဆယ်မြို့နယ် အရှေ့သပြေကုန်းရပ်ကွက်၌ တရားမဝင်မော်တော်ဆိုင်ကယ်တစ်စီး (ခန့်မှန်းတန်ဖိုးငွေကျပ် ၂၅၀၀၀၀) ကိုလည်းကောင်း၊ မင်းလှမြို့နယ် အမှတ်(၅)ရပ်ကွက်၌ တရားမဝင် မော်တော်ဆိုင်ကယ်တစ်စီး (ခန့်မှန်း တန်ဖိုးငွေကျပ် ၃၀၀၀၀၀) ကို ပို့ကုန်သွင်းကုန်ဥပဒေအရ လည်းကောင်း၊ ပဲခူးမြို့နယ်အတွင်း၌ တရားမဝင်အခြားသစ် ၇ ဒသမ ၈၂၉၂ တန် (ခန့်မှန်း တန်ဖိုးငွေကျပ် ၁၈၇၉၀၀၈) ကိုလည်းကောင်း၊ တောင်ငူမြို့နယ်အတွင်း၌ တရားမဝင် အခြားသစ် ၁ ဒသမ ၄၅၈၈ တန် (ခန့်မှန်းတန်ဖိုး ငွေကျပ် ၁၄၀၀၄၄၈) ကိုလည်းကောင်း စုစုပေါင်းခန့်မှန်းတန်ဖိုးငွေကျပ် ၄၀၇၉၄၅၆ ကို ဖမ်းဆီးရမိခဲ့သည်။
ထို့အတူ ဖေဖော်ဝါရီ ၈ ရက်တွင် မကွေးတိုင်းဒေသကြီး၊ ငဖဲမြို့နယ် ပဒါန်းကျေးရွာအနီး၌ တရားမဝင်မော်တော်ဆိုင်ကယ်တစ်စီး (ခန့်မှန်း တန်ဖိုးငွေကျပ် ၂၀၀၀၀၀) ကို ပို့ကုန်သွင်းကုန်ဥပဒေအရလည်းကောင်း၊ မင်းဘူး(စကု)မြို့နယ် ကျွန်းပြာကျေးရွာ၌ တရားဝင်စာရွက်စာတမ်း အထောက်အထား တင်ပြနိုင်ခြင်းမရှိသည့် လူသုံးကုန်ပစ္စည်းအမျိုး ၂၀ (ခန့်မှန်းတန်ဖိုးငွေကျပ် ၃၅၁၃၀၀)ကို ဖမ်းဆီးရရှိခဲ့သည်။
ထို့နောက် အကောက်ခွန်ဦးစီးဌာန၏ စီမံခန့်ခွဲမှုဖြင့် စစ်ဆေးမှုများဆောင်ရွက်ခဲ့ရာ ဖေဖော်ဝါရီ ၁၀ ရက်တွင် ရန်ကုန်အပြည်ပြည်ဆိုင်ရာ လေဆိပ်၌ ခရီးသည်လေးဦး၏ ခရီးဆောင်အိတ်အတွင်းမှ တရားဝင် စာရွက်စာတမ်းအထောက်အထားတင်ပြနိုင်ခြင်းမရှိသော လူသုံးကုန်ပစ္စည်း ၃၂ မျိုး စုစုပေါင်းခန့်မှန်းတန်ဖိုးငွေကျပ် ၈၀၂၅၇၅၀၀ ကို ဖမ်းဆီးရမိခဲ့သည်။
ဆက်လက်၍လည်း ဖေဖော်ဝါရီ ၁၁ ရက်တွင် ကရင်ပြည်နယ်၊ ဘားအံမြို့နယ် စံဖရီးရွာ အဝင်လမ်းမအနီး၌ တရားမဝင်မော်တော်ယာဉ် သုံးစီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်းတစ်မျိုး၊ စားသောက်ကုန်ပစ္စည်းသုံးမျိုး၊ လူသုံးကုန်ပစ္စည်း ၁၀ မျိုး (ခန့်မှန်းတန်ဖိုး ငွေကျပ် ၂၇၆၇၀၀၀၀)ကို လည်းကောင်း၊ အဆိုပါပစ္စည်းများတင်ဆောင်လာသည့် Toyota Hilux Vigo နှစ်စီး၊ Toyota Revo တစ်စီး (ခန့်မှန်းတန်ဖိုးငွေကျပ် ၅၄၀၀၀၀၀၀) ကိုလည်းကောင်း၊ ဘာအံမြို့နယ် အမှတ်(၅)ရပ်ကွက်၌ တရားမဝင်မော်တော်ယာဉ် တစ်စီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လျှပ်စစ်ပစ္စည်းတစ်မျိုး (ခန့်မှန်းတန်ဖိုး ငွေကျပ် ၂၄၄၈၀၀၀၀၀) ကို လည်းကောင်း၊ အဆိုပါပစ္စည်းများ တင်ဆောင်လာသည့် Honda Insight တစ်စီး (ခန့်မှန်းတန်ဖိုးငွေကျပ် ၅၀၀၀၀၀၀)ကိုလည်းကောင်း၊ ဘားအံမြို့နယ် သံလွင်တံတားပူးပေါင်း စစ်ဆေးရေးဂိတ်၌ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် လူသုံးကုန်ပစ္စည်း ၂၃ မျိုး (ခန့်မှန်းတန်ဖိုးငွေကျပ် ၂၁၁၀၄၈၀၀) ကိုလည်းကောင်း၊ ဘားအံမြို့ အမှတ်(၉)ရပ်ကွက်၌ မော်တော်ယာဉ် တစ်စီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လူသုံးကုန် ပစ္စည်းငါးမျိုး (ခန့်မှန်းတန်ဖိုးငွေကျပ် ၁၅၁၆၂၀၀၀)နှင့် အဆိုပါပစ္စည်းများတင်ဆောင်လာသည့် လိုင်စင်မဲ့မော်တော်ယာဉ် Toyota Hiace တစ်စီးခန့်မှန်းတန်ဖိုးငွေကျပ် ၄၀၀၀၀၀၀ ကိုလည်းကောင်း စုစုပေါင်းခန့်မှန်းတန်ဖိုးငွေကျပ် ၃၇၁၇၃၆၈၀၀ ကို ဖမ်းဆီးရမိခဲ့ကြောင်း သိရသည်။
သို့ဖြစ်သဖြင့် ၂၀၂၆ ခုနှစ် ဇန်နဝါရီ ၂၈ ရက်၊ ၂၉ ရက်၊ ဖေဖော်ဝါရီ ၁ ရက်၊ ၂ ရက် ၃ ရက်၊ ၆ ရက်၊ ၇ ရက်၊ ၈ ရက်၊ ၁၀ ရက်နှင့် ၁၁ ရက်တို့တွင် ဖမ်းဆီးရမိသည့် အမှုတွဲ(၃၅)မှုရှိခဲ့ပြီး အဆိုပါ ဖမ်းဆီးရမိမှုမှ စုစုပေါင်း ခန့်မှန်းငွေကျပ် (၈၃၀,၉၈၈,၁၇၆) တန်ဖိုးရှိ တရားမဝင် သစ်မျိုးစုံ၊ လူသုံးကုန်ပစ္စည်းများ၊ လုပ်ငန်းသုံးကုန်ပစ္စည်းများ၊ လျှပ်စစ်ပစ္စည်းများ၊ စားသောက်ကုန်ပစ္စည်းများ၊ တရားမဝင်ကုန်ပစ္စည်းများ၊ မော်တော်ယာဉ်များ၊ မော်တော်ဆိုင်ကယ်များနှင့် တရားမဝင်ကုန်ပစ္စည်းတင် မော်တော်ယာဉ်များနှင့်ပတ်၍ သက်ဆိုင်ရာ ဥပဒေများနှင့်အညီ အရေးယူဆောင်ရွက်လျက်ရှိကြောင်းလည်း သိရသည်။