Мустақиллик Муборак бўлсин!
#Табрик
ВАТАН
Йиғласам юпатган, шодлансам қутлаб,
Онамдек хокисорим, Онажон – Ватан!
Мен сендан воз кечсам – жонимдан кечгум,
Жон қадар азизсан, жонажон - Ватан!..
Бугун дунё халқлари орасида ўз номига, ўз мадҳиясига, ўз байроғига, ўз гербига, ўз-шану шавкатига, меҳнатсевар-меҳмондўст ўз халқига эга бўлган жонажон ватанимизнинг Истиқлол байрами! 30 йиллик Мустақиллик даврида мамлакатимизда оламшумул воқеалар, асрларга татигулик бунёдкорлик ишлари амалга оширилди. Бу жараёнлар ҳали - ҳануз давом этмоқда.
Юртимизнинг қай бир гўшасига борманг ҳамма ерда янгиланишни, ободлик ва кўркамликни кўрасиз! Халқимизнинг эртанги кундан, келажакдан умида ниҳоятда улкан. Янги Ўзбекистон давлатини тараққий эттиришга ҳисса қўшиш мақсадини амалга ошириш йўлидаги саъйи-ҳаракатлари, қадамлари дадил эканлиги намоён бўлиб турибди. Ота-оналар ўсиб келаётган ёш авлодни илму маърифат соҳиблари этиб тарбиялашга, уларни ҳар томонлама баркамол қилиб вояга етказишга бор куч ва ғайратларини сарфлашмоқда.
Кун сайин ривожланиб, тараққий этиб бораётган гўзал Ўзбекистонимиз дунё халқларининг эътирофи ва эътиборида. Буюк алломаларга бешик бўлган шу Ватанни тараққий этиши учун, унинг ривожу равнақи учун барчамиз бирдек масъулмиз.
Бугунги Истиқлолимизнинг шонли 30 йиллик Мустақиллик байрами билан барча ватандошларимизни чин кўнгилдан муборакбод этамиз. Ватанимизнинг тарақиёти йўлидаги ҳар бир ҳатти-харакатларимиз ўз самарасини бериб, кўп миллатли халқимиз орасидаги меҳр-оқибат ҳамиша мустаҳкам бўлсин! Осмонимиз мусаффо, дастурхонларимиз тўкин-сочин бўлиб, Мустақиллик байрами барчага муборак бўлсин!
Тошкент вилояти Маданий мерос Бошқармаси – Мансур Исраилов