Mushuklar malikasi Minush

🔴 Япон болаларининг китобга бўлган эътибори ва қизиқиши ҳақида кўп эшитгандик. Аммо кеча биз бунинг бевосита гувоҳи бўлдик. Самарқанд зиёратининг сўнгида кунимиз қаҳрамони япониялик жажжи қизалоқ Руна бўлди (ва яна Самарқанд зиёратида бизга гидлик қилган йигит ҳақида ҳам алоҳида пост тайёрлаймиз). 

🔴 Одатда гўдакнинг қўлига нотаниш нарса тушиб қолса, уни еб, ялаб кўришга ҳаракат қилади. Шу ҳаракати билан болалар дунёдаги янгиликлар билан танишадилар. Руна эса бизнинг ҳадямизни кўриши заҳоти кутилмаганда эски қадрдон дўстини кўргандай ҳайратини, хурсандчилигини кўрсатди. Китобни олиб бағрига босди. “Минуш, мушуклар маликасининг” муқовасини диққат билан кўздан кечирди (бошқача бўлмасди ҳам, чунки японияликлар гўдаклигидан расм санъатининг шайдоси бўлишади, китобнинг муқоваси эса ҳақиқий санъат асари эди). 

🔴 Кейин таҳминан ярим соат давомида китобни у бошидан бу бошига варақлаб, уни обдон кузатди. Варақлаганда ҳам эҳтиётлик билан, ғижимлаб қўймасликка ҳаракат қилди. Ўқиб, бизга китобдаги воқеалар ривожини ҳам гапириб берди))) 

🔴 Биз бундан завқланиб, ота-онасига нашриётимизда чоп этилиб, халқимиз орасида жуда машҳур бўлган ва қайта-қайта нашр этилган Масару Ибуканинг “Учдан кейин кеч” китобини кўрсатиб мақтаниб олдик 😊

🔴 Хуллас, Академнашр жамоаси Рунани севиб қолди. Руна эса буни сезгандай аллақачон дўстига айланиб бўлган китобларининг яралишига сабабчи бўлаётган жамоанинг бағридан кечиб ота-онасига қайтишни ҳеч истамасди. У китобни ўқиб бўлиб, Самарқанддан то Тошкент вокзалигача бизнинг бағримизда мириқиб ухлади. Ким билсин, балки япониялик қизалоқ тушида мушуклар маликаси Минушга айланиб халқимиз учун кўп яхши ишлар қилиб юрганмиди...

Харид учун: @akademsavdo