Munosabat

Hurmatli Toshkent aholisi! 

📢 2024-yil 3-4-yanvar kunlari «Veolia Energy Tashkent» MChJ XK («VET» MChJ XK) hududiy boshqarmalariga, shuningdek, ijtimoiy tarmoqlar orqali «Toshkent issiqlik markazi» MChJga («TIM» MChJ) qarashli 1-IM qozonxonasi hududida joylashgan iste’molchilardan issiq suvda loyqalik bilan qora zarralar mavjudligi yuzasidan shikoyatlar kelib tusha boshladi.

Sababi

«VET» MChJ XK kimyo laboratoriyasi xodimlari tomonidan zudlik bilan 1-IM qozonxonasidan iste’molchilarga yetkazib berilayotgan issiq suv tahlili o‘tkazildi.

 Aniqlanishicha, 2024-yil 2-yanvardan 3-yanvarga o‘tar kechasi 1-IM qozonxonasida suvni tozalash filtridan sulfatlangan ko‘mir ajralib chiqqan. «VET» MChJ XK isitish tarmoqlariga qozonxonadan sulfatlangan ko‘mir tushishi natijasida Mirzo Ulug‘bek va Yashnobod tumanlaridagi iste’molchilarning issiq suvlarida qora fraksiyalar (sulfoko‘mir) paydo bo‘lgan. Issiq suv parametrlari, rang va loyqalikdan tashqari, normal holatda.  

Amalga oshirilgan ishlar 

Sulfoko‘mir suvni filtrlashda ishlatiladi va iste'molchilar uchun xavf tug'dirmaydi.

«TIM» MChJga qarashli 1-IM qozonxonasi xodimlari tomonidan issiqlik tarmoqlarida sulfatlangan ko‘mir oqimi bartaraf etildi. Ayni paytda vaziyat qozonxona va «VET» MChJ XK texnik xodimlari tomonidan nazoratga olingan. 

Issiqlik energiyasi iste'molchilariga yordam 

Issiq suv hisoblagichlari tiqilib qolgan taqdirda, «VET» MChJ XK hisoblagichlarga (schetchiklarga) profilaktik xizmat ko‘rsatishga tayyor, agar kerak bo‘lsa, muhrlarni olib ifloslanishni bartaraf etgandan so‘ng qayta o‘rnatishga ham.  

Shu bilan birga, iste’molchilardan issiq suv hisoblagichlaridagi plombalarni o‘zlari ochmasdan, «VET» MChJ XK hududiy boshqarmalariga (Mirzo Ulug‘bek va Yashnobod tumanlari) murojaat qilishlarini so‘raymiz.  

Eslatib o'tamiz, issiq suv hisoblagichlaridan muhrlarni ruxsatsiz olib tashlash Issiqlik energiyasidan foydalanish qoidalariga zid hisoblanadi. 

«TIM» MChJ va «VET» MChJ XK yuzaga kelgan noqulayliklar uchun uzr so‘raydi.

👉 Eslatma: «Toshkent issiqlik markazi» MChJ «Veolia Energy Tashkent» MChJ XK uchun issiq suv ko'rinishidagi issiqlik energiyasining asosiy etkazib beruvchisi hisoblanadi.