Молитва о мире

Господи Иисусе Христе, рекий святым Твоим учеником и апостолом: «Аминь глагою вам, яко аще два от вас совещаета на земли о всяцей вещи, еяже аще просита, будет има от отца моего, иже на небесех: идеже бо еста два или трие собрани во имя мое, ту есмь посреде их». Поминающе слова сия, просим Тя: буди и ныне посреде нас и услыши молитву нашу.

Молимся, Господи Тебе о всех, в ихже домы вниде горе.

Молимся о всех иже под воздушными брани быша во областех Херсонтей, Донецтей, Сумстей, Одесстей, Харьковстей, Запорожстей, Днепропетровстей, Луганстей, Винництей и Черниговстей областех, такоже и в Белгородстей, Брянстей областех, Курстей, Рязанстей и Ленинградстей областех. 

Наипаче молимся за вся убиенныя и ураненныя жители Белгорода и Одессы, идеже лютейшия прежних дней скорби и обстояния ныне суть брани сея ради.

Господи, упокой погибшыя, исцели раненых, пребуди с плачущими, сродники и ближния потерявшим Сам буди утешение, иже хлеба насущнаго лишишася укрепи.

Се, Господи, пред лицем твоим братья и сестры наша, иже о жертвех попечение имут, алчущыя питают, озлобленных укрепляют. Помози им, укрепи, охрани их от належащих бед.

Господи, пребуди и с братьями и сестрами нашими, слово еже о мире и ныне дерзновенне глаголющыми. Не остави и иже заповедь Твою исполньше от кесаря пострадаша: изгнани, в темницех или пенями. Не остави и иереи Твоя, за проповедь мира Твоего запрещенныя и изверженныя. 

Молимся Тебе, Господи, и о Алексии Навальнем, в темнице умученнем, и об инех связнях, во озлоблении сущих. Подаждь иже в темницех держимым споспешествования Твоего, мужества, укрепи сродники их и присныя. Умягчи сердца судий и стражей и даруй им милосердие.

Даруй, Господи, крепости мужем российским, брани сей приобщатися отрицающимся и нуждение от начальник своих презирающим. Путь верен им покажи, намерения укрепи, от греха убийства огради, в домы своя живы и неповрежденны возврати. 

Всем, во дни брани сея плененным свобождение даруй, к семьям возврати и от будущего кровопролития избавь, стражей же их милосердию и состраданию научи.

Милосердне Господи, даруй всем людем в Украине, России и Израиле мир. Умягчи сердца ожесточенных, ненавистью недугующия исцели, жажду отмщения в сердцах угаси. Сохрани вся, во бранями сими охваченных землях живущия, и изгнанником помози.

Ниспосли помышление о мире в сердца власть имущих, в сердца враждующих вложи дух мира и прощения. Подаждь властем страны нашея прозрение и покаяние да узрят греси свои и зло, еже суть сотворили, и направят стопы своя на пути уврачевания язв, яже от них бысть.

Ты бо еси Царь мира и мира Твоего несть предела и Тебе слава и благодарение и поклонение от всех да возсылается, и ныне и присно и до скончания века веков. Аминь.