Молитва о мире

Господи, Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще двое от вас совещаются на земли о всякой вещи, еже аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их». И еще рекл еси: «Дана Мне всяка власть на небе и на земле».

Непреложны словеса Твоя, Господи, милосердие Твое безприкладно и человеколюбию Твоему несть конца.

Сего ради молим Тя о всех, в ихже домы вниде горе.

Молимся о всех иже под воздушными брани быша во областех 

Белгородстей, Брянстей, Днепропетровстей, Донецтей, Запорожстей, Киевстей, Курстей, Луганстей, Львовстей, Николаевстей, Полтавстей, Сумстей, Харьковстей, Херсонстей, Черниговстей, в Крыму и на Кубани. 

Господи, упокой погибшыя, исцели раненых, пребуди с плачущими, сродники и ближния потерявшим Сам буди утешение, иже хлеба насущнаго лишишася укрепи. 

Наипаче же молимся Тебе о иже в Севастополе убити и уранени быша. Скорбь сердец сродник и знаемых их, Господи, утоли.

Молимся Тебе также в убиенных и пострадавших во градех Махачкале и Дербенте, идеже ненавистию одержимии люди церковь и сонмище сжегосте и такожде воини и мирныя люди устрелиша. Приими мученика твоего протоиерея Николая и сотрудника его, в церкви злодейски убиенных. Ураненыя исцели, ненавистию зараженныя люди утиши и действиям их запрети, Дагестана и всех землей Кавказских жители в мире и согласии жити умудри. 

Се, Господи, пред лицем твоим братья и сестры наша, иже о жертвех попечение имут, алчущыя питают, озлобленных укрепляют. Помози им, укрепи, охрани их от належащих бед.

Господи, пребуди и с братьями и сестрами нашими, слово еже о мире и ныне дерзновенне глаголющыми. Не остави и иже заповедь Твою исполньше от кесаря пострадаша: изгнани, в темницех или пенями. Не остави и иереи Твоя, за проповедь мира Твоего запрещенныя и изверженныя. 

Молимся Тебе, Господи, и о Алексии Навальнем, в темнице умученнем, и об инех связнях, во озлоблении сущих. Подаждь иже в темницех держимым споспешествования Твоего, мужества, укрепи сродники их и присныя. Умягчи сердца судий и стражей и даруй им милосердие.

Даруй, Господи, крепости мужем российским, брани сей приобщатися отрицающимся и нуждение от начальник своих презирающим. Путь верен им покажи, намерения укрепи, от греха убийства огради, в домы своя живы и неповрежденны возврати. 

Всем, во дни брани сея плененным свобождение даруй, к семьям возврати и от будущего кровопролития избавь, стражей же их милосердию и состраданию научи.

Милосердне Господи, даруй всем людем в Украине, России и Израиле мир. Умягчи сердца ожесточенных, ненавистью недугующия исцели, жажду отмщения в сердцах угаси. Сохрани вся, во бранями сими охваченных землях живущия, и изгнанником помози.

Ниспосли помышление о мире в сердца власть имущих, в сердца враждующих вложи дух мира и прощения. Подаждь властем страны нашея прозрение и покаяние да узрят греси свои и зло, еже суть сотворили, и направят стопы своя на пути уврачевания язв, яже от них бысть.

Ты бо еси Царь мира и мира Твоего несть предела и Тебе слава и благодарение и поклонение от всех да возсылается, и ныне и присно и до скончания века веков. Аминь.