Milliy kutubxona mutaxassislari yozgi oromgohga tashrif buyurishdi

O‘zbekistan Respublikasi Bosh vazirining 2022-yil 14-iyunda tasdiqlangan “Yozgi taʼtilda bolalar va yoshlarning bo‘sh vaqtini mazmunli tashkil etish, ular o‘rtasida sog‘lom turmush tarzini targ‘ib qilish, sportni ommalashtirishga qaratilgan chora-tadbirlar kompleks rejasi” ijrosini taʼminlash maqsadida O‘zbekiston Milliy kutubxonasi mutaxassislari turli loyihalar, tadbirlar, tashriflarni amalga oshirib kelmoqdalar.

Xususan, 2022-yilning 22-iyun kuni kutubxona mutaxassislari Yunusobod tumanidagi 260-А maktab qoshida tashkil etilgan yozgi oromgohga tashrif buyurishdi. U yerda mutaxassislar bolajonlarni Milliy kutubxona bilan tanishtirib, ular bilan o‘zbek bolalar adiblaridan Po‘lat Mo‘min va Quddus Muhammadiy asarlaridan parchalar o‘qish, “Topgan topaloq” nomli topishmoqlar o‘yini, “Salomatlik bekati” nomli harakatli o‘yinlar kabi bolalarning bilimlarini mustahkamlovchi, mutolaaga qiziqtiruvchi va, albatta, sog‘lom turmush tarzini targ‘ib etuvchi mashg‘ulotlar o‘tkazdilar.

Tashrif so‘nggida eng faol bolajonlar Milliy kutubxona tomonidan esdalik sovg‘alar bilan taqdirlandilar.