Металлург ва бойитувчилар мукофотланди
ОКМК Ахборот хизмати
Ўзбекистон кончилик ва металлугрия саноати ходимлари куни муносабати билан бугун “Олмалиқ КМК” АЖ технологик занжирининг якуний нуқтаси бўлган Мис эритиш заводига комбинат бошқаруви раиси Абдулла Хурсанов ташриф буюриб, металлургларни касб байрамлари билан самимий муборакбод этиб, коронавирус инфекциясининг тарқалишини олдини олиш мақсадида жорий этилган карантин шароитида ҳам “Олмалиқ КМК” АЖ меҳнат жамоаси томонидан ишлаб чиқариш кўрсаткачилари юқори суръатларда бажарилаётганини таъкидлаб, ушбу ютуқларда Мис эритиш заводининг ҳам салмоқли ҳиссаси борлигини маълум қилди.
Тадбир давомида бир гуруҳ ишчи-ходимлар комбинат бошқаруви раисининг буйруғи асосида мукофотлар билан рағбатлантирилди.
Жумладан, III даражали «Кончилик шуҳрати» кўкрак нишони билан Мис эритиш заводи металлургия цехи конвертер-анод бўлими ишлаб чиқариш участкаси катта устаси Шеримбетов Саттар Ерматович, комбинат фахрий ёрлиғи билан Мис эритиш заводи сульфат кислотаси цехи ишлаб чиқариш участкаси катта устаси Жоникулов Аҳмаджон Ҳасанбоевич, Мис эритиш заводи Техник назорат бўлими назорат устаси - Семенова Елена Владимировна, қимматбаҳо совғалар билан Мис эритиш заводи майдалаш-шихталаш бўлими механиги Ибрагимов Ғолибжон Хурсаналиевич, Мис эритиш заводи мисни электролиз қилиш цехи сув аралашмалари электролизчиси Абдукаримов Раҳматулла Насруллаевичлар тақдирланди.
Шунингдек, бугун Абдулла Хурсанов, Мис бойитиш фабрикаси меҳнат жамоаси билан ҳам учрашиб, уларни касб байрамлари билан муборакбод этди.
Эслатиб ўтамиз, комбинат бошқаруви раисининг буйруғига кўра, II даражали «Кончилик шуҳрати» кўкрак нишони - Мис бойитиш фабрикаси бош муҳандиси Ортиқбоев Эркин Эсанбаевич, III даражали «Кончилик шуҳрати» кўкрак нишони билан – МБФ майдалаш ва флотация цехи тегирмон машинисти Ахмедов Нурман Суюнбаевич, комбинат фахрий ёрлиғи билан МБФ чиқариш техник бўлими етакчи муҳандис технологи Ахмадалиев Алишер Мадаминович, қимматбаҳо совға билан МБФ 1-майдалаш цехи бошқарув пульти оператори Протасова Раиса Павловналар мукофотланишди.
ОКМК Ахборот хизмати