Медитация II

 Бұл әлем адамзаттың түсінігінен әлдеқайда кең. Адам баласы, көрмеген-білмеген қаншама галактика, қаншама өмір белгілері бар планета, тіршілік иелері бар десеңші. Ал бүгін өзім, тіпті, альтернативті әлемнің бар екеніне көз жеткіздім. Әттең, бұл жаңалықты менен басқа ешкім біле алмайтыны өкінішті. Осыны туыс-таныстарыма, достарыма айтсам мені әлемдегі ең соңғы жындыға санар еді. Өйткені, адамдардың санасы тым таяз. Олар өздерін бұл дүниядағы жалғыз ақылды тіршілік иесі санайды. Ал шындығында, адамдар құдық түбінде жатқан құрбақа сияқты: құдық аузынан көрінген кішкене ғана аспан бөлігін көріп аспан өлшемі сондай екен деп ойлайды. Бірақ, құдық сыртында бүтін бір шексіздік жатқанын білмейді де... 

Мені осындай философиялық ойлар шырмап келе жатқанда, кенет, ойыма басқа бір нәрсе түсіп кетті де, бірден қалтамды сипаладым. Қалтамда болған телефон, әмияным, басқа да заттар орнында жоқ болып шықты. Бірақ, оған көп алаңдай қоймадым. Себебі, қазіргі сәтте бұл әлеммен танысып алу бәрінен маңызды болып тұрды. Әйтеуір, үстімде киімім бар екен, оған да шүкір. Терминатор фильміндегідей тыр жалаңаш түссем не болар еді? Ал қалғаны екінші жоспардағы мәселе. 

Бұйырғанын көреміз дейді ме мұндайда? Қанша жүргенім белгісіз, әйтеуір, ойға шомып кеткен мен, кенет тысқа назар аударып едім, қараңғы бұрыштан шығып кетіппін. Көзім алдымен жарыққа үйрене алмай, ештеңе көре алмады. Содан кейін ғана көз алдымда біртіндеп көріністер пайда бола бастады. Осы кезде маған бұрын өзім байқамаған тағы бір шындық ашылды:

Біз - эгоистпіз. Өзімізді ең әдемі, ақылды, идеал санаймыз. Ал бөгде ғаламшарлықтар дегенде неге екені белгісіз, көзі Мәдина Сәдуақасованың төсіндей, аузы Диана Шарапованың аузындай, сексендегі шалдай қалтырап - дірілдеген бір ұсқынсыз Семейлік тіршілік иесін елестетеміз. 

 Мен де параллельді әлем біздің әлемге қарама-қарсы деген стереотип санамызға сіңіп қалғандықтан ба, алғашқыда аяғы мен қолы, көті мен басының орындары ауысқан бір нәрсе көруді күтіп, тіпті одан да нашарына дайындалып, қолыма құсатын бір пакет алып та алғанмын, бірақ... 

Көрген көрінісім мені толықтай шок жағдайына түсірді. Бұл әлемнің кез-келген адамы (басқаша қалай атарымды білмедім) өте әдемі, жүздерінен нұр шашқан, біздің әлем тұрғындарынан жүз, тіпті, мың есе сұлу болып шықты. Сұлулығы сондай, әлеуметтік желіде "гейлерді ату керек, кесу керек, шабу керек" деп негатив пікір қалдырып жүретін нағыз гомофоб мен сол жерде осы әлемнің еркектеріне ғашық болуға шақ қалып, соңғы сәтте ғана есімді жидым. Ал әйелдері енді мүлде бөлек әңгіме. Бұл әлем әйелдерін әдемі, сұлу деген "бейшара" сөздермен теңеу оларды қорлау болып табылатындай көрінді. Оларды сипаттау үшін менің сөздік қорым жетпеді. Көшедегі кез-келген нәзік жандының жүзіне қарай қалсаң болды, сол жерде он қайтара бітіріп, ақыры дамбалың пайдаға аспай қалады. Бұл кімнің "туындылары" болса да сөзсіз шедевр екені хақ! Біздің әлемдегі "Мисс Әлем" ең мықты хирургтарға пластикалық операция, ең қымбат салонда макияж жасатса да, егер осы әлемнің ужас кино кастингіне қатысса, оп-оңай өтіп кетер еді. 

 Бірақ, қанша керемет болып көрінгенмен, бұл параллельді әлем біздің әлемнен әлдеқайда артық деп түйін жасауға асықпадым. Қайта осы әлемді аралап, зерттеп, барлық кереметін өзімнің бес сезім мүшелеріммен сезініп көргім келеді. Себебі, кітапты мұқабасына, орманды бір ағашқа қарап бағалау мүмкін емес...  Осылай менің фантастикалық шытырман өмірім өз бастауын алды. Алда не күтіп тұрғаны беймәлім. 

(жалғасы бар)