Марихуана гиёҳвандлик воситасини олиб кетаётган вақтида қўлга олинди
Ички ишлар вазирлиги2019 йил 12 февраль куни Тошкент вилоятининг Оҳангарон туманида вилоят ички ишлар органлари ходимлари томонидан ўтказилган тезкор тадбирлар натижасида, Оҳангарон шаҳар 2-микрорайонда яшовчи Л.И., Эйвалак маҳалласида ўзи билан бирга 1 кг. 262,2 гр. “марихуана” гиёҳвандлик моддасини олиб кетаётган вақтида қўлга олинди.
Ҳолат юзасидан Ўзбекистон Республикаси Жиноят кодексининг тегишли моддаларига мувофиқ жиноят иши қўзғатилган. Тергов ҳаракатлари олиб борилмоқда.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси