Makoto Iwamatsu

Ya da ən çox bilinən adı ilə Mako. Əgər səsləndirmə dünyasına aşinasınızsa, bu ad sizə heç də yad gəlməyəcək. Səbəbini isə postun davamında anlayacaqsınız...

• Əslən Yaponiyalı olan Mako universitetdə memarlıq fakültəsində oxusa da, teatrda öz aktyorluq bacarığını göstərməsi nəticəsində kariyerasına fərqli bir yoldan - aktyorluqla davam edir.
• Mako bir çox məşhur filmdə isə köməkçi rolları ifa edir və hətta Oscara namizəd belə olur. Bundan başqa Tony mükafatı və bir çox məşhur mükafatlara layiq görülür.
• Filmlərdəki uğurlarından sonra Mako səsləndirmə sektoruna girir. Öncəliklə, cizgi filmlərdə kiçik rollar alır. Ən böyük və uğurlu rolu isə "Samuray Jack" cizgi filminin baş mənfi obrazı Aku olur.

• "Dexter's Lab" cizgi filmində də hər bölümün sonunda səslənən məşhur bağlanış mətnini o səsləndirmişdir.

• Aku xarakterinə vida etdikdən sonra "Avatar: The Last Airbender" cizgi filmində bir çoxlarının sevimlisi olan İroh personajını səsləndirməyə başlayır.

• Ancaq, 2006-cı il 21 iyulda, cizgi filmin 2-ci sezonu çəkilməyə davam edərkən, Mako xərçəng xəstəliyi səbəbilə dünyasını dəyişir. Onun xatirəsini yaşatmaq üçün ATLA'nın Mako'nun ölümündən sonra yayımlanan bölümü ona həsr olunur.

• Bölümün emosional ağırlığı onun ölümünün əməkdaşları arasında böyük qüssəyə səbəb olduğuna işarə idi. Həmin bölüm İMDB'də 9.3 xal ilə cizgi filmin ən çox sevilən bölümlərindən birinə çevrildi.

🎬 Sözügedən bölümü izləmək istəyənlər üçün : Link

• Sonralar Makonun xatirəsini yaşatmaq naminə, ATLA cizgi filminin davamı olan "Legend of Korra" cizgi filmindəki baş personajlardan birinə də onun adı verildi.

Bu gün Makoto Iwamatsu'nun ölümündən 15 il keçir. Bütün ATLA sevərlərin adına, onun ölümünü hörmətlə anırıq. Hüzur içində yat, "İroh"...