Мақсадимиз халқимизни, тадбиркорларимизни рози қилиш.

НАМАНГАН. Президент Шавкат Мирзиёев раислигида жорий йилнинг

23-июль куни бўлиб ўтган аҳоли мурожаатлари билан ишлаш тизимини янгича ташкил қилиш чора-тадбирлари бўйича видеоселектор йиғилишида Давлатимиз раҳбари - "Вазирлик ва идоралар ўз йўналишида энг кўп келиб тушаётган мурожаатларни таҳлил қилиб, уларга аниқ ечимлар топиши шарт" эканлигини алоҳида таъкидлаб ўтган эдилар.

     Бугун юқоридаги видеоселектор йиғилишида берилган топшириқлар ижросини таъминлаш мақсадида Кадастр агентлиги Наманган вилояти бошқармаси бошлиғи Содиқжон Мухитдинов бошчилигида ишчи гуруҳ Косонсой туманининг чекка ҳудудида САЙЁР ҚАБУЛ ўтказди ва  Ўзбекистон Президентнинг вертуал қабулхонасига тумандан мурожаат қилган фуқароларнинг мурожаати жойига чиқиб қайта ўрганилди.

 Ташкил этилган сайёр қабулда кадастр хизматлари юзасидан 20 нафар мурожаатчи қабул қилинди. Уларнинг масалалари сайёр қабулда қатнашаётган мутахассислар иштирокида ҳар томонлама ўрганилиб 9 нафар мурожаатчиларнинг масалалари шу жойининг ўзида ҳал этилди.

     Қўшимча ўрганиш лозим бўлган 3 та мурожаатга ўрганилиб натижаси бўйича хабардор қилиниши тушунтирилди, муддат талаб қилган 8 та мурожаат бошқарма бошлиғи томонидан назоратга олинди.   

Ўзбекистон Республикаси Президентининг Халқ қабулхонаси ва Виртуал қабулхонаси орқали кадастр хизматлари масаласи бўйича бошқармага келиб тушган мурожаатлардан жами 350 та қайта ўрганилиши лозим бўлган мурожаатлар, ҳуқуқий тушунтириш берилган ва умумий тушунтириш берилган мурожаатларнинг фуқаробай рўйхати шакллантирилиб, вилоят бошқармаси томонидан ўрганилиши лозим бўлганлари ажратиб олинди ва қайта ўрганиб чиқилди.

Вилоятда штаб ташкил этилиб фуқаробай қайта ўрганилиши лозим бўлган мурожаатларнинг кунлик ўрганиш ҳолати ва натижалари таҳлил қилиб борилмоқда. Бугунги кун ҳолатига қайта ўрганилиши лозим бўлган жами 350 та мурожаатдан 350 таси (100 %га) қайта ўрганиб чиқилди. Қайта ўрганилган мурожаатлардан 240 таси (68,6%) ижобий хал этилган бўлса, қолган 110 (31,4 %) тасига ҳуқуқий тушунтиришлар берилди.

Келиб тушаётган мурожаатлар таҳлил қилинганда, фуқаролардан:

-        турар-жой қуриш учун ер участкалари ажратиб бериш;

-        тадбиркорлик фаолияти билан шуғулланиш учун қишлоқ хўжалиги ва ноқишлоқ хўжалиги ер майдони ажратиш;

-        ўзбошимчалик билан қурилган турар-жойга эгалик ҳуқуқини эътироф этиш ҳамда кадастр ҳужжатларини расмийлаштириш;

-        уй-жой мероси ва низоли ҳовли-жой масалалари бўйича;

-        ер ва мулкларни ўзаро оғзаки келишув асосида олди-сотди қилиш натижасида келиб чиққан ер ва мулк билан боғлиқ низолар;

-        ер ва мулкига эгалик ҳуқуқи мавжуд бўлмаган кўчмас мулкларга кадастр ҳужжати тайёрлаб бериш масалаларидир.

Мана масалан,

1. Косонсой тумани, Ўзбекистон маҳалласида яшовчи фуқаро Мирзамахмудов Фурқатнинг аукционга ер қўйиб бериш масаласида қилган мурожаати ҳуқуқий тушунтириш бериш орқали ҳал этилган ҳолатида ёпилганлиги, бунга сабаб фуқаронинг танлаган ер майдони аукционга чиқиш жараёнида тегишли ташкилотлар ижобий хулоса бергунга қадар вақт талаб этганлиги сабабли ўша пайтда ижобий хал бўлмаганлиги, ҳозирда ушбу фуқаро билан суҳбатлашилганда, ер майдони аукционга чиққанлигини ва ўзи сотиб олганлигини билдириб миннатдорлик билдирди ва мурожаат қайта ёпилиб ижобий ҳал этилган ҳолатига ўтказилди.

2. Косонсой тумани, Жар маҳалласида жойлашган турар жойнинг кадастр ҳужжати тайёрлаш бўйича фуқаро Бакиров Камолхоннинг мурожаати ижобий ҳал этилди. Бу фуқаро аввал мурожаат этган вақтда уйини кадастр ҳужжати тайёрлаб бериш учун турар-жойига эгалик ҳуқуқини берувчи ҳуқуқий хужжати мавжуд бўлмаганлиги сабабли ижобий ҳал этилмаганлиги, ҳозирда ҳуқуқий ҳужжат тақдим этгандан сўнг турар-жойига кадастр ҳужжати тайёрлаб берилди.

Сайёр қабуллар ва фуқаролар мурожаатларини қабул қилиш давом этади. Кейинги сайёр қабул Мингбулоқ туманида ўтказилади.

Матбуот хизмати.