МУРОЖААТГА МУНОСАБАТ

Baliqchi tumanida tibbiyot xodimlarining bir kunlik maoshidan olib qolinganligidan norozilik murojaati boʼlgan edi.

Baliqchi tuman Tibbiyot birlashmasi maʼlumot taqdim etdi: 

Oʼzbekiston Respublikasi Vazirlar Mahkamasining 2022 yil 26 apreldagi №199-F-sonli qarorida 2022 yil 30 aprelь kuni mamlakatimizning barcha xududlarida “Mahalla obodligi-yurt farovonligi” obodonlashtirish va koʼkalamzorlashtirish umumxalq hayriya hashari oʼtkazilishi belgilangan, jumladan ushbu qarorning 8 bandida “Umumxalq hasharini oʼtkazish munosabati bilan vazirliklar, idoralar va boshqa tashkilotlarda mehnat qilayotgan xodimlarning ixtiyoriy mablagʼlarini Oʼzbekiston “Mahalla” xayriya jamoat fondining respublika boshqaruvi hamda Qoraqalpogʼiston Respublikasi, viloyatlar va Toshkent shahar boʼlimlari, tuman va shahar boʼlimlarining bankdagi hisob varaqalariga oʼtkazish tavsiya etilgan. 

Baliqchi tuman tibbiyot birlashmasi davolash-profilaktika muassasalarida mehnat qilayotgan xodimlar ishtirokidagi umumiy yigʼilishda hohishiga va yozma arizasi asosida ixtiyoriy mablagʼlari belgilangan tartibda yuqorida koʼrsatilgan fond hisob varaqalariga oʼtkazilishi mumkinligi tavsiya etilgan.

Ushbu murojaatni oʼrganish davomida tibbiyot birlashmasida mehnat qilayotgan xodimlarning 1 (bir) kunlik ish xaqqi xodimning yozma roziligisiz ushlab qolinishiga yoʼl qoʼyilmaganligi aniqlandi.

Baliqchi tuman tibbiyot birlashmasi maʼmuriyati birlashma tasaruffidagi davolash-profilaktika muassasalarida ishlovchi xodimlarning ish xaqqidan noqonuniy ushlanmalarga yoʼl qoʼymasligini maʼlum qiladi.

Балиқчи туманида тиббиёт ходимларининг бир кунлик маошидан олиб қолинганлигидан норозилик мурожаати бўлган эди.

Балиқчи туман Тиббиёт бирлашмаси маълумот тақдим этди: 

Ўзбекистон Республикаси Вазирлар Маҳкамасининг 2022 йил 26 апрелдаги №199-F-сонли қарорида 2022 йил 30 апрель куни мамлакатимизнинг барча худудларида “Маҳалла ободлиги-юрт фаровонлиги” ободонлаштириш ва кўкаламзорлаштириш умумхалқ ҳайрия ҳашари ўтказилиши белгиланган, жумладан ушбу қарорнинг 8 бандида “Умумхалқ ҳашарини ўтказиш муносабати билан вазирликлар, идоралар ва бошқа ташкилотларда меҳнат қилаётган ходимларнинг ихтиёрий маблағларини Ўзбекистон “Маҳалла” хайрия жамоат фондининг республика бошқаруви ҳамда Қорақалпоғистон Республикаси, вилоятлар ва Тошкент шаҳар бўлимлари, туман ва шаҳар бўлимларининг банкдаги ҳисоб варақаларига ўтказиш тавсия этилган. 

Балиқчи туман тиббиёт бирлашмаси даволаш-профилактика муассасаларида меҳнат қилаётган ходимлар иштирокидаги умумий йиғилишда ҳоҳишига ва ёзма аризаси асосида ихтиёрий маблағлари белгиланган тартибда юқорида кўрсатилган фонд ҳисоб варақаларига ўтказилиши мумкинлиги тавсия этилган.

Ушбу мурожаатни ўрганиш давомида тиббиёт бирлашмасида меҳнат қилаётган ходимларнинг 1 (бир) кунлик иш хаққи ходимнинг ёзма розилигисиз ушлаб қолинишига йўл қўйилмаганлиги аниқланди.

Балиқчи туман тиббиёт бирлашмаси маъмурияти бирлашма тасаруффидаги даволаш-профилактика муассасаларида ишловчи ходимларнинг иш хаққидан ноқонуний ушланмаларга йўл қўймаслигини маълум қилади.