MUNOSABAT
Qashqadaryo vilayat Maktabgacha ta'lim boshqarmasi Axborot xizmati“Daryo.uz” va boshqa telegramm kanallarida e'lon qilingan Qashqadaryodagi bog‘chada bolalarga mog‘orlagan non berilgani xususida post yuzasidan quyidagilarni ma'lum qilamiz.
Joriy yilning 2 mart kunida viloyat maktabgacha ta'lim boshqarmasi tomonidan “Nasafnews.uz” saytida e'lon qilingan maqola hamda Qamashi tumanidagi 15-Davlat maktabgacha ta'lim tashkilotidagi qonunbuzilishlari yuzasidan o‘rganish o‘tkazilgan.
O‘rganish davomida qator kamchiliklar bilan birgalikda xo‘jalik mudiri tomonidan oziq-ovqat mahsulotlarini nomaqbul sharoitda saqlanayotganligi holati ham aniqlangan.
Ammo postda keltirilganidek, bolalarga mog‘orlagan non berilmagan. Non mog‘orlaganligi holati oshpaz tomonidan aniqlangan va xo‘jalik mudiriga qaytarilgan.
![](/file/798acf516f74d6bd12ea0.jpg)
![](/file/c787ade5bb7456774aaa4.jpg)
Ishchi guruh ma'lumotnomasi Qamashi tuman prokuraturasiga 2022 yil 7 mart kunidagi 01-01/3-338 raqamli xat bilan huquqiy baho berish uchun yuborilgan. Shuningdek, boshqarma boshlig‘ining 2022 yil 7 mart kunidagi 41-K-sonli buyrug‘iga asosan Qamashi tumanidagi 15-Davlat maktabgacha ta'lim tashkiloti direktoriga nisbatan intizomiy jazo qo‘llanilgan.