МОЛИЯ ВАЗИРЛИГИДА ЯНГИ ТАЙИНЛОВ
ЎЗБЕКИСТОН РЕСПУБЛИКАСИ ПРЕЗИДЕНТИНИНГ 2018 ЙИЛ 10-СЕНТЯБРДАГИ 3938-СОНЛИ ҚАРОРИГА АСОСАН СУЛТАНОВ ДИЛШОД ШУХРАТОВИЧ ЎЗБЕКИСТОН РЕСПУБЛИКАСИ МОЛИЯ ВАЗИРЛИГИ ҒАЗНАЧИЛИГИ БОШЛИҒИ - ВАЗИР ЎРИНБОСАРИ ЛАВОЗИМИГА ТАЙИНЛАНДИ
Дилшод Султанов 1980 йилда туғилган, маълумоти олий, иқтисодчи. 2002 йилда Тошкент темир йўллари ва транспорт институтини тамомлаган.
Молия вазирлиги тизимида иш фаолиятини 2003 йилдан бошлаган. 2003-2012 йиллар мобайнида Ўзбекистон Республикаси Молия вазирлигининг Солиқ сиёсати бошқармаси бош иқтисодчиси, бўлими бошлиғи ўринбосари, бўлим бошлиғи. 2013-2017 йилларда Молия Вазирлиги ҳузуридаги бюджетдан ташқари Пенсия жамғармаси Республика тиббий-ижтимоий экспертиза инспекцияси бошлиғи, Пенсия жамғармаси ижро этувчи директори лавозимларида самарали фаолият юритган.
2017 йилнинг сентябр ойидан хозирги кунгача Дилшод Султанов Ўзбекистон Республикаси Молия вазирлигининг Давлат бюджети бош бошқармаси бошлиғи лавозимида ишлаган.
Молия вазирлиги
Ахборот хизмати