ВЫГОЛОШЕНЯ (МАНІФЕСТ) ВСЕЗАКАРПАТСЬКОГО З’ЇЗДА РУСИНОВ
rusynг. Мукачево, 22 октовбра 2005 р.
1. Всезакарпатський З’їзд Русинов од лиця 308 выбраных делегату, із 92 населених пункту Закарпатя (історичеської Подкарпатської Руси), помежи многочислеными гостями із Украины і зарубіжних держав, выголошує про образованя Народної Рады Русинов Закарпатя (історичеської Подкарпатської Руси), котруй од лиця даного З’їзда псредавуться полномочія представляти інтересы русинов Закарпатя (історичеської Подкарпатської Руси) на Украйні і заграницьов.
2. Головов Народної Рады Русинов Закарпатя (історичеської Подкарпатської Руси) выбраный Є. Жупан, його замісниками Л. Лицович, І. Туряниця, Р. Колчар, Ф. Шандор, І. Дерич, М. Бабидорич, почесним головов Ю. Чорі, головов ревізійної комісії вибраний Й. Лемко.
3. Представительом русинов Закарпатя (історичеської Подкарпатської Руси) за границьов выбраный проф. І. Туряниця.
4. Всезакарпатський З’їзд Русинов одмічає даякі положительні зміны по одношеню до русинов на Украйні послідньым часом, послі прихода до власти Президента В. Ющенко, і благодаря проголошеному ним курсу на демократизацію, што позволило русинам свободніше і ясніше заявляти про свої права на забрану послі войны сталінським режимом русинську національность. Первый раз за повоєнні роки русины дустали возможность на періодичні передачі русинським языком на державнуй телевізії і радіо, із помочов державы первый раз проводиме Фестиваль русинської културы «Червена ружа».
5. Всезакарпатський З'їзд Русинов привітствує усилія Президента Украины на дальнішу демократизацію нашої державы і інтеграцію її у європейськоє сообщество.
6. Уєдно із тым, Всезакарпатський З’їзд Русинов обеспокоєный нарушеням прав русинов на своюй утцюзнині і непризнанієм русинов на Украйні за окрему національносте не позиравучи на 2-разові рішеня Закарпатської обласної рады (1992, 2002 рр.) про вызнаня русинов за окрему національності». На типирішньый час русины вызнані за окрему національность у 22 державах світу, у тому числі в ушытких сусідньих з Украинов державах (Росії, Словакії, Польщі, Румунії, Мадярщині), признавуться русины за окрему національность європейським і світовым сообществом.
7. Вссзакарпатський З’їзд Русинов категорично осуждає так званый “План заходів щодо розв’язання проблеми русинів-українців”, принятый Кабінетом Міністру Украины у 1996 р., як противозаконный, противорічащый Конституції Украины і направленый на дискрімінацію русинов на Украйні, і котрый дійствує до типирішнього часу.
8. Всезакарпатський З'їзд Русинов одмітує, як неприйнятні обвиненія русинов даякыма лжепатріотами Украины у екстремізмі і сепаратизмі - русины усе были і є законопослушными людьми.
9. Всезакарпатський З’їзд Русинов рахує необходимым уповісти про розбазарьованя природных богатств і земли нашого края, без ряхованя інтересов корінных жителю нашого регіона.
10. Всезакарпатський З’їзд Русинов заявляє, што русины Закарпатя (історичеської Подкарпатської Руси) были, є і будуть на боці демократичных сил на Украйні і її народа.
11. Всезакарпатський З’їзд Русинов обеспокоєный тым, што ігноруєся воля народа Закарпатя (історичеської Подкарпатської Руси), высказана на референдумі 1.12.1991 р. про “Спеціальну самоврядну територію, як суб’єкт в складі незалежної України”.
12. Всезакарпатський З’їзд Русинов заявляє, што русины і надале будуть ушытко робити обы сохранити мир і междунаціональноє согласіє у нашому регіоні, як то было много віку до сых пор.
13. Всезакарпатський З’їзд Русинов наголошує, што русины історичеськи были, є і будуть окремішньым слав’янськым народом, зато требуємс востановленя свойых прав і, перед усім, національных.
Всезакарпатський З’їзд Русинов обращаєся до Президента Украины, Верховної Рады Украины, Кабінета Міністру Украины із слідуючыми предложенями і пожеланіями:
- прекратити наміреноє затягованя вызнаня русинов за окрему національность; согласно Конституції, Законов Украины, международному праву вызнати русинов за окрему національность на Украйні у оприділені юридичными законами терміны; кодифіковати русинський язык;
- сповнити результаты референдума 1.12.1991 р., за котрый проголосовало 78% закарпатцю, про “Спеціальну самоврядну територію, як суб’єкт в складі незалежної України” і дати возможность нашому регіону на шыршоє самоуправленіє;
- дати офіційно доступ русинам до державных засобу масової інформації, одкрыти на Закарпатський державнуй телерадіокомпанії русинську редакцію;
- одкрыти при Ужгородському національному університеті кафедру русинського языка і літературы;
- одкрыти при Мукачевському педінституті групы подготовки учителю по учованю русинського языка і літературы;
- дати возможность ізучати правдиву історію про наш край;
- реабілітовати тых русинов, котрі у 1943 были силов переписані із русинов на українців у корпусі Л. Свободы;
- содійствовати розвою русинської культуры, обычаю, традицій;
- прекратити наміреноє перенаселеня нашого регіона і предупредити возможность демографічных проблем у нашому регіоні;
- раціонально, у інтересах будущого і корінних жителю краю іспользовати природні ресурсы (ліс, мінеральну воду, цеоліты, золото, суль, мрамор і др.) і нашу зимлю;
- установити мораторій на розпродаж закарпатської земли;
- осудити, як дискримінаційный, противозаконный, антиконституційный “План заходів щодо вирішення проблем русинів-українців”, принятый проти русинов Кабінетом Міністру Украины у 1996 р. і одмінити його;
- уважати право корінных жителю краю на народні языки, занятя руководящих должностей;
- дати возможность представителю русинов Закарпатя (історичеської Подкарпатської Руси) представляти інтересы русинов у Верховнуй Раді Украины;
- сповньовати у торжественных случаях, наряду із Гімном Украины у нашому регіоні Гімн подкарпатських русинов (рішеня про то принято іщи у 1992 р. Ужгородським і Мукачевським горісполкомами, айбо до сых пор ігноруєся);
- офіційно іспользовати наряду із обще-украинськов символіков символіку нашого регіона (прапор, герб);
- офіційно із боку державы фінансово подпоровати русинов Закарпатя (історичеської Подкарпатської Руси) на ізданіє русинських газет, журналов, проведеня культурных міроприятій, на одкрытя русинських школ і дошкольных учреждений.
Всезакарпатський З’їзд Русинов виражає признательность Президенту Украины і місным властям, котрі у дусі норончової революції дали возможность проведеня Всезакарпатського З’їзда Русинов, а также Фестиваля русинської культуры “Червена Ружа”, котрый первый раз за послівоєнні роки проводиться із помочов властей.
Сий Маніфест довести до сведенія Украинського руководства, Європейських і Світовых структур. Просиме нашу владу обнародовати його по Закарпатськуй телевізії і радіо, у регіональнуй і центральнуй пресі, Інтернеті.
Сий Маніфест має юридичну силу на русинському, українському, руському і англійському языках.
Принято делегатами Всезакарпатського З’їзда Русинов 22 октовбра 2005 р. у г. Мукачево, у кінотеатрі “Перемога”.
ЖУПАН Є.Є. - Голова НРРЗ