«Людзі пэндзлямі фарбуюць МАЗы». Як у Беларусі ідуць італьянскія забастоўкі

Завадчане знаходзяць унікальныя шляхі, каб пратэставаць на працоўных месцах.

Заканадаўства ў Беларусі такое, што класічную забастоўку не правядзеш (падрабязней мы распісвалі гэта вось тут). Але завадчане ўсё адно знаходзяць унікальныя шляхі, каб пратэставаць на працоўных месцах.

«На БМЗ у Жлобіне завадчан прымушалі працаваць. Але раптам абваліўся газаадвод, і з трох пячэй толькі адна працуе. І газаадвод вельмі павольна рамантуюць.

Звольнілі 10 чалавек з канвееру МАЗ, канвеер на доўгі час стаў. Потым зламаліся пульверызатары. Цяпер машыны пэндзлямі фарбуюць. І за тыдзень на заводзе вырабляюць столькі машын, колькі раней выраблялі за дзень», – распавёў Ліхачэўскі.

Салігорск ужо стаў легендарным горадам. Але акрамя славутага Юрыя Корзуна, які прыкуў сябе кайданкамі пад зямлёй, там адбываецца шмат чаго яшчэ.

Паводле Яраслава, такія дзеянні адбываюцца па ўсёй краіне:

А што пасля працы?

Тыя, хто згубілі працу, маюць розныя гісторыі:

Калі чалавеку нічога не пагражае, ён застаецца ў Беларусі. Яму выплачваюць дапамогу ў 1,5 тыс. еўра ад фонду – гэта мае хапіць на першы час, пакуль чалавек шукае новае месца працы ці атрымлівае новую спецыяльнасць.

МАЗ у лічбах за жнівень

Страйкоўцы заводу сабралі дадзеныя, колькі машын яны выпускалі да і пасля выбараў. Калі арганізаваць афіцыйную забастоўку на заводзе не атрымалася (упрыватнасці, праз частыя візіты АМАПу), людзі пачалі зрываць планы.

Максімальнае адставанне ад плана кожны месяц гэтага года да выбараў было не больш за 10 %. За жнівень фактычна зрабілі 562 машыны пры запланаваных 732. План амаль у паўтара разы больш, чым было выпушчана. Калі прасачыць інтэнсіўнасць працы па гатовых машынах, то пасля 9 жніўня бачна, як на траціну спала вытворчасць. Працаўнікі заводу мяркуюць, што пратрымацца МАЗу за кошт прыбытку не атрымаецца, яшчэ больш скарачаць заробкі ўжо няма куды:

«Можна было б інвеставаць у вытворчасць, аптымізаваць працоўны працэс, павялічыць продаж. Праўда, апошнія дваццаць шэсць гадоў гэта неяк не атрымлівалася», – кажа Ліхачэўскі.