Love Through a Prism

Netflix ကနေ ထွက်ရှိထားတဲ့ ဆိုတဲ့ Anime လေးက အချစ်ဇာတ်လမ်းကောင်းကောင်းလေးတွေ၊ အနုပညာနဲ့ ပတ်သက်တဲ့ Vibe တွေကို နှစ်သက်တဲ့သူတွေအတွက် တကယ့်ကို MustWatch စာရင်းထဲ ထည့်ထားသင့်တဲ့ Masterpiece တစ်ခုပါလို့ပြောချင်ပါတယ်။ Boys Over Flowers ရဲ့ ဖန်တီးရှင် Yoko Kamio နဲ့ Animation ပိုင်းမှာ နာမည်ကြီးတဲ့ WIT Studio တို့ ပူးပေါင်းဖန်တီးထားတာမို့လို့ Quality ပိုင်းကတော့ အထူးတလည် ပြောနေစရာတောင် မလိုအောင်ကို မိုက်ပါတယ်။  

ဇာတ်လမ်းလေးက ၁၉၀၀ ပြည့်နှစ် အစောပိုင်းကာလ လန်ဒန်မြို့ကို အခြေခံထားပြီး ဂျပန်ကနေ ပန်းချီပညာသင်ဖို့ ရောက်လာတဲ့ Lili Ichijoin နဲ့ အထီးကျန်ဆန်ပေမယ့် ပန်းချီဆွဲတာမှာ ပါရမီအပြည့်ပါတဲ့ မှူးမတ်မျိုးနွယ်ဝင် Kit Church တို့ကြားက အပြိုင်အဆိုင်ကနေတဆင့် အချစ်အဖြစ်ကို သိမ်သိမ်မွေ့မွေ့ ပြောင်းလဲသွားတဲ့အကြောင်းကို ဆွဲဆောင်မှုရှိရှိ တင်ဆက်ထားတာပါ။ ဒီဇာတ်လမ်းထဲမှာ Lili က ခြောက်လအတွင်း အတန်းထဲမှာ အတော်ဆုံးဖြစ်အောင် ကြိုးစားရမယ်၊ မဟုတ်ရင် ဂျပန်ကိုပြန်ပြီး မိသားစုရဲ့ ကီမိုနိုလုပ်ငန်းကို ဦးစီးရမယ်ဆိုတဲ့ မိခင်ဖြစ်သူရဲ့ ပြင်းထန်တဲ့ ဖိအားတွေကြားကနေ သူ့ရဲ့အိပ်မက်တွေကို မရရအောင် အကောင်အထည်ဖော်ဖို့ ကြိုးစားရုန်းကန်ပုံတွေကို လက်တွေ့ကျကျ မြင်တွေ့ရမှာပါ။

ဒီ Anime ရဲ့ အသက်ကတော့ ဇာတ်ကောင်တွေကြားက နက်ရှိုင်းတဲ့ ခံစားချက်တွေကို ပန်းချီပညာရပ်တွေနဲ့ ပေါင်းပြီး Flow ညီညီလေး ဖော်ပြသွားတာပါပဲ။ ဥပမာအနေနဲ့ ဆရာဖြစ်သူ Charles Brant က ကျောင်းသားတွေကို "an expression of the sky as it appears" ဆိုပြီး ကောင်းကင်ကြီးကို မြင်ရတဲ့အတိုင်း ပန်းချီဆွဲခိုင်းတဲ့ အခန်းလေးတွေ၊ Lili က Kit ကို ဂျပန်ရိုးရာ ပန်းချီဆွဲတဲ့ ကိရိယာလေးဖြစ်တဲ့ Yatate အကြောင်း စိတ်လှုပ်ရှားစွာ မိတ်ဆက်ပေးတဲ့ အခန်းလေးတွေက ယဉ်ကျေးမှုနှစ်ခုရဲ့ ပေါင်းစပ်မှုနဲ့ အနုပညာရဲ့ အလှတရားကို သေသေချာချာ ပေါ်လွင်စေပါတယ်။ ဇာတ်လမ်းဖန်တီးရှင်ကိုယ်တိုင်က "This is the story of Lili, who blazes through her time with love, courage and romance" လို့ ညွှန်းဆိုခဲ့သလိုပဲ၊ အဆင့်အတန်း ကွာဟမှုတွေနဲ့ ယဉ်ကျေးမှု မတူညီမှုတွေကို ကျော်လွန်ပြီး ကိုယ့်ရည်မှန်းချက်တွေကို ရဲရဲဝင့်ဝင့် ရှေ့ဆက်လှမ်းချင်စိတ်ပေါက်အောင် အများကြီး ခွန်အားပေးနိုင်ပါတယ်။  

တကယ့်လက်တွေ့ဘဝမှာလည်းအနုပညာသမားတွေရဲ့ ကြိုးစားအားထုတ်မှုတွေ၊ နိုင်ငံရပ်ခြားမှာ ပညာသွားသင်ရတဲ့ ကျောင်းသားတွေရဲ့ အခက်အခဲတွေ၊ ယဉ်ကျေးမှုမတူတဲ့ ပတ်ဝန်းကျင်သစ်မှာ အသားကျအောင် နေထိုင်ရတဲ့ အဖြစ်အပျက်တွေကို အခြေခံပြီး ရေးဖွဲ့ထားတာပါ။ အချစ်၊ အနုပညာနဲ့ ဘဝရည်မှန်းချက်တွေကို လှပတဲ့ လန်ဒန်မြို့ကြီးရဲ့ နောက်ခံရှုခင်းတွေ၊ သာယာတဲ့ တေးသွားတွေနဲ့အတူ ပေါ့ပေါ့ပါးပါးနဲ့ အေးအေးချမ်းချမ်းလေး ခံစားကြည့်ချင်တယ်ဆိုရင်တော့ Love Through a Prism က လုံးဝကို အချိန်ပေးရကျိုးနပ်စေမယ့် ဇာတ်လမ်းကောင်းလေးတစ်ပုဒ် ဖြစ်ပါတယ်။