Litaniae Sancti Ioseph

Kyrie, eleison.
Christe, eleison.
Kyrie, eleison.
Christe, audi nos.
Christe, exaudi nos.

Pater de caelis, Deus, miserere nobis.
Fili, Redemptor mundi, Deus, —
Spiritus Sancte, Deus, —
Sancta Trinitas, unus Deus, — 

Sancta Maria, ora pro nobis.
Sancte Ioseph, —
Proles David inclyta, —
Lumen Patriarcharum, —
Dei Genetricis Sponse, —
*Custos Redemptoris, —
Custos pudice Virginis, —
Filii Dei nutricie, —
Christi defensor sedule, —
*Serve Christi, —
*Minister salutis, —
Almae Familae praeses, —
Ioseph iustissime, —
Ioseph castissime, —
Ioseph prudentissime, —
Ioseph fortissime, —
Ioseph oboedientissime, —
Ioseph fidelissime, —
Speculum patientiae, —
Amator paupertatis, —
Exemplar opificum, —
Domesticae vitae decus, —
Custos virginum, —
Familiarum columen, —
*Fulcimen in difficultatibus, —
Solatium miserorum, —
Spes aegrotantium, —
*Patrone exsulum, —
*Patrone afflictorum, —
*Patrone pauperum, —
Patrone morientium, —
Terror daemonum, —
Protector sanctae Ecclesiae, — 

Agnus Dei, qui tollis peccata mundi, parce nobis, Domine.
Agnus Dei, qui tollis peccata mundi, exaudi nobis, Domine.
Agnus Dei, qui tollis peccata mundi, miserere nobis. 

V. Constituit eum dominum domus suae.
R. Et principem omnis possesionis suae. 

Oremus.
Deus, qui in ineffabili providentia beatum Ioseph sanctissimae Genetricis tuae Sponsum eligere dignatus es; praesta, quaesumus; ut quem protectorem veneramur in terris, intercessorem habere mereamur in caelis: Qui vivis et regnas in saecula saeculorum.

R. Amen.

* Добавил Папа Франциск в мае 2021 года в честь Года святого Иосифа.

Ad te Beate Ioseph

Ad te Beate Ioseph, in tribulatione nostra confugimus, atque, implorato Sponsae tuae sanctissimae auxilio, patrocinium quoque tuum fidenter exposcimus.

Per eam, quaesumus quae te cum immaculata Virgine Dei Genetrice coniunxit, caritatem, perque paternum, quo Puerum Iesum amplexus es, amorem, supplices deprecamur, ut ad hereditatem, quam Iesus Christus acquisivit Sanguine suo, benignus respicias, ac necessitatibus nostris tua virtute et ope succurras.

Tuere, o Custos providentissime divinae Familiae, Iesu Christi subolem electam; prohibe a nobis, amantissime Pater, omnem errorum ac corruptelarum luem; propitius nobis, sospitator noster fortissime, in hoc cum potestate tenebrarum certamine e caelo adesto; et sicut olim Puerum Iesum e summo eripuisti vitae discrimine, ita nunc Ecclesiam sanctam Dei ab hostilibus insidiis atque ab omni adversitate defende: nosque singulos perpetuo tege patrocinio, ut ad tui exemplar et ope tua suffulti, sancte vivere, pie emori, sempiternamque in caelis beatitudinem assequi possimus. Amen.