Laravel
Nihat 「 FARZ 」Bu yazımda sizlərə Laravel haqqında danışacam. Ümüd edirəmki faydalı olar.
Laravel olduqca sadə, öyrənilməsi asan və MVC strukturuna sahib bir PHP framework-dür. Qısa bir müddətdə öyrənib layihələrinizi Laravel-də yaza bilərsiz. 2015 və 2016 illərində sitepoint tərəfindən kecirilən ən popular framework sorğusunda üst üstə liderlik etmişdir. Githubda ən çox izlənilən PHP framework-dür.
Laravel paket idarəsində composer-dan istifadə etdiyi üçün istədiyiniz paketləri asanlıqla əlavə edib istifadə edə bilərsiz.
Laravel ilə birlikdə gələn authentication sistemi sizə istifadəçilərin girişini və qeydiyyat sistemini hazır şəkildə verir.
Laravel öz içində OOP istifadə etdiyi üçün siz müəyyən bir müddətdən sonra layihəyə yenidə qaytdıqda asanlıqla qaldığınız yerdən davam edə bilərsiz.
Eloquent
Laravel ilə birlikdə gələn Eloquent strukturu ORM sistemi üzərində qurulmuş çox sadə və gözəl verilənlər bazasını idarə etmək üçün yaradılmış mükəmməl bir sistemdir. Hər bir məlumat çədvəli Model klassından istifadə edərək verilənlər bazası ilə əlaqəyə girir. Buda bizə SQL kodlarını daha asan methodlar ilə yazmağmıza və birdən çox verilənlər bazası ilə işləmyimizə imkan verir. Yeni siz layihəni MySQL verilənlər bazasında yaradıb və müəyyən bir müddətdən sonra SQLite keçirtmək istəsəniz Laravel sizə heç bir SQL sorğunuzu dəyişmədən bu əməliyyatı yerim yetirməyə imkan verir. Bu çox mükəmməl bir üstünlükdür.
Sadə MySQL sorğusu
SELECT * FROM news WHERE id = `1`
Eloquent ilə yazılmış SQL sorğusu
News::find(1)
Yuxarda hər iki sorğuda xəbərlər cədvəlindən id nömrəsi 1 olanı məlumatı çəkdik. Eloquent ilə yazılan sorğunun nə qədər sadə olduğunu görürsüz və bu sorğu SQLite-da işləyəcək.
Route
Laravel özündə çox mükəmməl bir url idarə etmə sistemindən istifdə edir. Layihələrinizə gələn bütün url istəklərini (request) Route adlı klassdan istifadə edərək idarə edə bilərsiz. Bu klass vasitəsi ilə url istəkləri (request) hansı methodlarla (GET, POST, DELETE, UPDATE) gedəcək hansı middleware-lar istifadə olunacaq bunları idarə edə bilərsiz. Yeni siz GET methodu ilə istək qəbul etdiyiniz bir url-ə hec bir halda POST methodu ilə istək göndərə bilməyəcəksınız.
Blade Engine
Laravel-in ən mükəmməl özəlliklərindən biridə Blade Engine-dir. Bir çoxumuzun bildiyi kim html faylların içində PHP kodları yazırıq və bu kodlar çoxluq təşkil etdikdə artıq onları idarə etmək çətinləşir. Bu yerde bizim köməyimizə Bladə Engine çatır. Nümunə olaraq aşağdakı kodlara nəzər salaq.
// PHP
<?php for($i = 0; $i < 10; $i++): ?>
<span><?php echo $i ?>/span>
<?php endfor; ?>
// Blade Engine
@for($i = 0; $i < 10; $i++)
<span>{{ $i }}</span>
@endfor
Yuxarda gördüyünüz kimi sadə PHP ilə yazılan koddan Blade Engine ilə yazılan kod çox sadə və oxuna biləndir.
Migrations
Migration sistemi verilənlər bazası üçün cədvəllərin strukturunu qurduğunuz, istədikdə dəyişdiyiniz və cədvəlləri asanlıqla idarə etdiyiniz bir sistemdir. Migration ilə yaratdığınız cədvəllər sizin MySQL verilənlər bazanız silindikdə belə asanlıqla cədvəlləri yenidə olduğu kimi bərpa etməyinizə imkan veriri. Bununla yanaşı siz migration ilə yaratdığınız cədvəllər seeder vasitəsi ilə fake məlumatlar əlavə edib sisteminizin necə işləyəcəyinidə yoxlaya bilərsiz.
Pagination
Eloquent strukturu ilə gələn mükəmməl səhifələmə sistemidə Laravel-də mövcutdur. Yəni siz Eloquent ilə sorğular yazdıqda və verilənlər bazasından məlumat çəkdikdə artıq uzun uzadı kodlar yazıbda səhifələmə yaratmağınıza ehtiyac yoxdur Laravel bunu hazır şəkildə sizə verir.
Performans
Laravel ilə birlikdə gələn sistemlərin performansa olduqca böyük təsiri vardır. Sürətli işləyən Cache sistemi, asan və sadə şəkildə Redis sistemi ilə əlaqəyə girməsi və prosesi uzun vaxta alan işlərin Queue sistemi ilə həll edilməsi də Laravel-in üstünlüklərindəndir.
Form Doğrulama
Bir çoxumuza məlumdur ki, PHP ilə formdan gələn dəyərləri yoxlamaq olduqca uzun vaxt alan və zəhmətli işdir. Ancaq Laravel bizi bu zəhmətdən uzaqlaşdırır. Laravel-in içində gələn Validation klassı vasitəsi ilə formdan gələn dəyərləri asanlıqla idarə edə bilirik.
Laravel-i necə qura bilərəm ?
Laravel composer ilə və ya github repository-dən clonlaya bilərsiz.
Composer ilə
composer create-project laravel/laravel blog –prefer-dist
Git ilə
git clone https://github.com/laravel/laravel.git
Bu məqalədə sizlərə qısada olsa Laravel haqqında danışdım. Ümüd edirəmki yararlı olmuşdur. Oxuduğunuz üçün təşəkkür edirəm