Kitobsevar adliyachilar e'tirof etildi

Adliya vazirligi markaziy apparati xodimlari o‘rtasida o‘tkazilgan “Adliya kitobxonlar chempionati” tanlovining 1-davrasi o‘z nihoyasiga yetdi. G‘oliblar qimmatbaho sovg‘alar bilan mukofotlandi.

Adliya vazirligida joriy yilning mart – may oylarida “Adliya kitobxonlari chempionati” o‘tkazildi. Unda ishtirokchilar avvaldan belgilangan 5 ta kitobni o‘qib, ushbu kitoblar bo‘yicha berilgan savollarga ijodiy yondashgan holda tahliliy javoblar berishlari lozim edi. 

Tanlovga kelib tushgan ishlar komissiya tomonidan baholandi. 

Tanlov yakunlariga ko‘ra natijalar quyidagicha bo‘ldi:

Shahnoza Berdimurodova – 1-o‘rin (112 ball)

Xidirali Sodiqov – 2-o‘rin (111 ball)

Sunnatillayeva Sarvinoz – 3-o‘rin (109-ball)

Shuningdek, Nigmatov Komron, Safarov Temur, Bekmurodov Ozodbek, Husanova Xafizaning ishlari ham alohida e'tirofga loyiq. 

Tanlov g‘oliblariga bukrider, mikroto‘lqinli pech, smart-soat kabi qimmatbaho sovrinlar topshirildi.

“Adliya kitobxonlari chempionati” davom etadi.

Adliya organlari va muassasalarida xodimlarning kitobxonlikka rag‘batini oshirish orqali dunyoqarashi, bilimi va malakasini rivojlantirish, ularda yot g‘oyalarga nisbatan immunitet shakllantirish hamda ijodiy-tahliliy qobiliyatini o‘stirishga alohida e'tibor qaratib kelinmoqda.

Adliya vazirligi

Jamoatchilik bilan aloqalar bo‘limi