Kengash yig‘ilishi o‘tkazildi
Xalqaro Nordik universiteti
Kengash yig‘ilishida dastlab work and travel dasturi bo‘yicha talabalarni saralab olish mexanizmi, ularni xorijga yuborish tartiblari to‘g‘risida mas'ul departament boshlig‘ining hisoboti tinglandi.
Masala yuzasidan muhokamalarda kengash a'zolarining maqsadli dasturlar yordamida talabalarni xorijda ish va sayohatga tayyorlab borish, iqtidorlilarni saralash, mentorlar biriktirish, dastur tanlovlarini shaffof o‘tkazishga oid qator takliflar tinglandi.
Kengash yig‘ilishida kunduzgi va sirtqi ta'lim shaklida tahsil olayotgan talabalar bilan ishlashni yanada samarali tashkil etish, yozgi ta'tilda ularning bo‘sh vaqtini mazmunli o‘tkazish uchun maxsus Yozgi kurslar tashkillash masalalari ko‘rib chiqildi.
Shuningdek, mustaqil izlanuvchilar bilan samarali ishlash, yangi ta'lim yo‘nalishlari va mutaxassisliklari ochish, universitet professor-o‘qituvchilari tomonidan tayyorlanayotgan o‘quv adabiyotlarni chop etishga oid turli masalalar ham atroflicha muhokama etildi.
Kengashda a'zolarning takliflari o‘rganilib, ko‘rilgan masalalar yuzasidan tegishli qarorlar qabul qilindi.
